Шусьӧгъяс 19:28 - Коми Библия 2023

²⁸ Ёрд водзын ылӧдлысь веськыда мыждӧмсӧ омӧльтӧ, лёк вӧчысь ылӧгсӧ сёйӧ-ньылалӧ.

Шусьӧгъяс 19:28 ပူးပေါင်းရင်းမြစ်များ

Ӧксыяслӧн 3 небӧг 16:27

Омри ӧксыалӧм дырйи мукӧд лоӧмторъяс йылысь, сылӧн уджъяс да вермӧмъяс йылысь гижӧма израильса ӧксыяслӧн каднебӧгӧ.

Ӧксыяслӧн 3 небӧг 21:10

Навотлы воча пуксьӧдӧй кык шогмытӧм мортӧс. Найӧ мед шуасны: ”Тэ омӧльтін Енмӧс да ӧксыӧс”. Та бӧрын петкӧдӧй сійӧс карсьыс да кувтӧдзыс изъялӧй».

Ӧксыяслӧн 3 небӧг 21:13

Локтісны кык шогмытӧм морт да пуксисны Навотлы воча. Став йӧз водзас найӧ шуалісны: «Навот омӧльтіс Енмӧс да ӧксыӧс». Сэсся Навотӧс петкӧдісны кар сайӧ да кувтӧдзыс изъялісны.

Иов 15:16

Кыдзи вермас лоны сӧстӧмӧн пеж да шогмытӧм морт, кодлы лёк вӧчӧмыс ва юӧм кодь?

Иов 34:7

Сюрас-ӧ Иов кодь лёкӧдысь мортыс, кодлы омӧльтӧмыс ва юӧм кодь?

Псалтыр 10:5

Господь тӧдмалӧ веськыда олысьӧс, а лёк вӧчысьӧс да виалӧм-дзескӧдӧмсӧ радейтысьӧс Сійӧ мустӧмтӧ.

Шусьӧгъяс 15:14

Вежӧра мортлӧн сьӧлӧмыс тӧдӧмлун корсьӧ, вежӧртӧм сӧмын йӧйталӧмнас пӧткӧдчӧ.

Шусьӧгъяс 16:27

Шогмытӧм мортыд лёксӧ вӧчны мӧвпалӧ, сылӧн сёрниыс сотысь би кодь.

Шусьӧгъяс 19:27

Пиӧй, дугдан кӧ кывзыны велӧдӧмсӧ, тӧдӧмлунтӧгыд вошан.

Осий 4:8

Найӧ пӧткӧдчӧны Менам войтырлӧн мыжъясӧн, нимкодясьӧны войтырлӧн лёк вӧчӧмысь.