Шусьӧгъяс 17:15 - Коми Библия 2023

¹⁵ Лёк вӧчысьӧс дорйысь да мыжтӧм мортӧс мыждысь – Господьлы зывӧктанаӧсь.

Шусьӧгъяс 17:15 ပူးပေါင်းရင်းမြစ်များ

Ӧксыяслӧн 3 небӧг 21:13

Локтісны кык шогмытӧм морт да пуксисны Навотлы воча. Став йӧз водзас найӧ шуалісны: «Навот омӧльтіс Енмӧс да ӧксыӧс». Сэсся Навотӧс петкӧдісны кар сайӧ да кувтӧдзыс изъялісны.

Петӧм 23:7

Эн ылӧдчы. Мыжтӧмӧс да веськыда олысьӧс кулӧм вылӧ эн мыжды, ӧд ылӧдчысьӧс Ме мыжда.

Шусьӧгъяс 11:1

Ылӧг вескиыд – Господьлы зывӧк, стӧч вескиыд шогмана Сылы.

Шусьӧгъяс 15:8

Лёк вӧчысьлӧн вайӧм висьыс Господьлы зывӧк, веськыда олысьлӧн кевмысьӧмыс Сылы шогмана.

Шусьӧгъяс 17:26

Веськыда вӧчысьӧс абу бур мыждыны, пыдди пуктанаӧс – збыльсьыс нӧйтны.

Шусьӧгъяс 18:5

Абу бур сулавны лёк вӧчысь дор да мыжтӧмӧс мыждыны.

Шусьӧгъяс 31:5

Код юрнад вунӧдан индӧдсӧ, коньӧръясӧс он веськыда мыжды.

Шусьӧгъяс 6:16

Со, квайттор, мый мустӧмтӧ Господь, весиг сизимтор, мый зывӧктӧ:

Исай 5:20

Курыд шог налы, кодъяс лёксӧ шуӧны бурӧн, а бурсӧ – лёкӧн, пемыдсӧ лыддьӧны югыдӧн, а югыдсӧ – пемыдӧн, курыдсӧ лыддьӧны юмолӧн, а юмовсӧ – курыдӧн!

Исай 5:23

Кор налы сетӧны козин, мыжа мортӧс найӧ лыддьӧны мыжтӧмӧн, а веськыда вӧчысьӧс оз дорйыны.

Бӧрданкыв 3:35

оз веськыда мыждыны мортӧс Медвылыссаыс водзын,

Езекиль 13:19

Китыр ид да нянь шӧрӧм вӧсна войтырӧй водзын Менӧ янӧданныд. Мортлы, кодлы абу на кад кувны, висьталанныд, мый сійӧ кулас, а мортлы, кодлы абу шуӧма овны, кӧсйысянныд олӧм. И Менам войтырӧй кывзӧ тіянлысь ылӧг висьталӧмнытӧ!

Амос 5:12

Ме тӧда, кутшӧм уна тіян лёк вӧчӧмныд, тӧда, кутшӧм уна тіян мыжъясныд. Веськыда олысьӧс ті дзескӧданныд, козинъяс босьтанныд, ёрд вылын коньӧрӧс мыжтӧгыс мыжданныд.

Амос 5:7

Со, веськыда мыждӧмсӧ ті бергӧдінныд курыд зелляӧ, веськыдлунсӧ муӧ талялінныд!

Амос 6:12

Изкырта вывті ӧмӧй котралӧны вӧвъяс? Верман ӧмӧй ӧшъясӧн гӧрны сэті? А ті бергӧдінныд веськыда мыждӧмсӧ пагӧдан быдмӧгӧ, веськыдлуныслысь вотӧссӧ – курыд зелляӧ.

Римӧ 4:5

Мортыс кӧ уджъястӧг эскӧ Енмыслы, коді Ентӧг олысьӧс вӧчӧ веськыдӧн, сэки сылысь эскӧмсӧ Енмыс лыддьӧ веськыдлунӧн.

Индӧд 25:1

Локтасны кӧ ёрд водзӧ кык вензьысь, сэні мед веськыда мыждасны. Мыжтӧмӧс мед шуасны мыжтӧмӧн, а мыжаӧс мед мыждасны.

Яков 5:6

Ті мыждінныд да виинныд веськыда олысьӧс, сійӧ оз нин водзсась тіянлы.