Шусьӧгъяс 16:33 - Коми Библия 2023

³³ Паськӧм дорышӧ пудсӧ шыбитан, но кодлы пудйыс усяс – тайӧ Господьсянь.

Шусьӧгъяс 16:33 ပူးပေါင်းရင်းမြစ်များ

Неемий 11:1

Израиль войтырлӧн юралысьяс олісны Ерусалимын. Войтырыс пудъясьӧмӧн индіс быд дасӧд мортӧс, коді овмӧдчас вежа Ерусалим карӧ, тадзи ӧкмысыс кольччис овны аслас карӧ.

Шусьӧгъяс 16:32

Збоялӧм дорысь бурджык терпитны, кар босьтӧм дорысь бурджык асьтӧ кутны.

Шусьӧгъяс 18:18

Ёрд водзын веськыд сійӧ, коді медводдзаӧн сёрнитӧ, но локтӧ сыкӧд вензьысь да тӧдмалӧ сійӧс.

Шусьӧгъяс 29:26

Унаӧн виччысьӧны бурсӧ юралысьсянь, но веськыда мыждӧмыс – Господьсянь.

Езекиль 21:21

Со вавилонса ӧксы сулалӧ нин туйвежын, кӧні заводитчӧны тайӧ кык туйыс. Сійӧ юасьӧ гортса бӧлбанъяслысь, тунасьӧ ньӧвъяс пыркӧдӧмӧн да виӧм пемӧслысь муссӧ видзӧдалӧмӧн.

Левит 16:8

Ай кӧзаяссӧ сійӧ мед торйӧдас пудъясьӧмӧн: ӧтисӧ мед ваясны Господьлы вись пыдди, мӧдсӧ мед нуӧдасны овтӧминӧ.

Иона 1:7

Кывтысьяс шуисны ӧта-мӧдныслы: «Пудъясям, мед тӧдны, код вӧсна миянӧс суис тайӧ шогыс». Пудъясисны да, петкӧдліс Иона вылӧ.

Ап. уджъяс 1:26

Сэсся пудъясисны на вӧсна. Пудйыс уси Матфийлы, сійӧс и индісны дас кыкӧд апостолнас.

Нав Исус 18:10

Силомын Исус пудъяліс мусӧ Господь водзын да юкліс сійӧс Израиль чужанкотыръяслы.

Нав Исус 18:5

Налы колӧ юкны му сизим пельӧ. Иуда чужанкотыр мед кольччас аслас лунвыв муӧ, и Ӧсипсянь чужысьяс мед кольччасны асланыс войвыв муӧ.

Нав Исус 7:14

Аски асывнас матыстчӧй ме дінӧ чужанкотыр сертиныд. Чужанкотыр, код вылӧ индас Господь, мед матыстчас рӧд бӧрся рӧд. Рӧд, код вылӧ индас Господь, мед матыстчас котыр бӧрся котыр. Котыр, код вылӧ индас Господь, мед матыстчас морт бӧрся морт.

Ёрдысьяс 20:9

Пудъясьӧм бӧрын ми уськӧдчам Гива кар вылӧ.

Ӧксыяслӧн 1 небӧг 10:19

Но ті ӧтдортінныд ассьыныд Еннытӧ, коді мездӧ тіянӧс быд лёксьыс да сьӧкыдлунсьыс. Ті шуинныд Сылы: ”Пукты миянлы ӧксыӧс”. Сідзкӧ, ӧні сувтӧй Господь водзӧ – быдӧн асланыд чужанкотыр да рӧд сертиныд».