Шусьӧгъяс 15:32 - Коми Библия 2023

³² Велӧдӧмсӧ ӧтдортысь аслас олӧмыс вӧсна оз тӧждысь, ӧлӧдӧмсӧ кывзысь вежӧрсялӧ.

Шусьӧгъяс 15:32 ပူးပေါင်းရင်းမြစ်များ

Псалтыр 50:17

Господьӧй, восьт менсьым вомӧс, и менам вомысь кыптас Тэныд ошкӧмыс.

Шусьӧгъяс 1:7

Тӧдӧмлуныс чужӧ Господьысь полӧмсянь, [Сыысь полӧмӧн олысь – вежӧра морт, Господьӧс пыдди пуктӧмсянь чужӧ вежӧрлуныс,] сӧмын вежӧртӧм йӧз мустӧмтӧны мывкыдлунсӧ да велӧдӧмсӧ.

Шусьӧгъяс 10:17

Коді велӧдӧмсӧ кывзӧ, сійӧ олӧмыслӧн туй вылын, коді ӧлӧдӧмсӧ оз кывзы, сійӧ вошӧ.

Шусьӧгъяс 13:18

Юӧр вайысь кӧ лёк, ачыс лёкас веськалӧ, кывзысьысь кӧ, мездӧм вайӧ.

Шусьӧгъяс 15:14

Вежӧра мортлӧн сьӧлӧмыс тӧдӧмлун корсьӧ, вежӧртӧм сӧмын йӧйталӧмнас пӧткӧдчӧ.

Шусьӧгъяс 15:21

Вежӧртӧм морт йӧйталӧмнас нимкодясьӧ, вежӧра морт веськыд туйӧд ветлӧ.

Шусьӧгъяс 15:31

Коді ӧлӧдӧмсӧ кывзӧ, сійӧ – мывкыд морт.

Шусьӧгъяс 15:33

Господьысь полӧмыд мывкыдлун сетӧ, раммӧдчӧм бӧрти пыдди пуктӧм воӧ.

Шусьӧгъяс 15:5

Вежӧртӧм нинӧмӧ пуктӧ батьыслысь велӧдӧмсӧ, но коді кывзӧ ӧлӧдӧмсӧ, сійӧ – бур мывкыда. [Веськыдлунын – ыджыд вын, а лёк вӧчысьясӧс лоӧ бырӧдӧма му вывсьыс.]

Шусьӧгъяс 17:16

Вежӧртӧмлӧн кӧ абу вежӧрыс, медым мывкыдсявны, мый сылы озырлунсьыс? [Керкасӧ джуджыда лэптысьӧс бырӧдӧм суас, коді оз кӧсйы велӧдчыны, лёкас усьӧ.]

Шусьӧгъяс 18:15

Мортыд ловнас кор вына, вермытӧмсӧ вермӧ, а нюкыртчӧм ловнад коді вермас овны?

Шусьӧгъяс 19:20

Кывзы туйдӧдӧмсӧ да сибӧд ӧлӧдӧмсӧ, сэки мывкыд лоан.

Шусьӧгъяс 29:1

Ӧлӧдӧм бӧрын коді асныралӧ, сійӧс тӧдлытӧг лоӧ жугӧдӧма, и сійӧ оз нин бурд.

Еклесиаст 7:5

Вежӧртӧмлысь сьылӧмсӧ кывзӧм дорысь бурджык кывзыны мывкыдалысь ӧлӧдӧмсӧ.

Исай 1:5

Гашкӧ, бара нӧйтны тіянӧс, ӧд ті пыр на асныраланныд. Тіян юрныд ставнас доймалӧма, пытшкӧсныд ставнас висьӧ.

Исай 3:9

Налӧн чужӧмас гижӧма, мый найӧ – лёк вӧчысьяс. Содомын олысьяс моз найӧ восьсӧн да яндысьтӧг ошйысьӧны асланыс мыжъясӧн. Курыд шог налы! Найӧ асьныс ӧшлӧны ас выланыс лёксӧ.

Еремей 5:3

Господьӧй, Тэнад синмыд кӧсйӧ аддзыны збыльсӧ. Тэ нӧйтан найӧс, но налы веськодь. Тэ бырӧдан найӧс, но найӧ оз кӧсйыны вежӧрсявны. Найӧ чорзьӧдісны асьнысӧ, лоины изйысь чорыдджыкӧсь на, оз кӧсйыны бергӧдчыны Тэ дінӧ.

Индӧд 21:18

Асныра да паныд кыпӧдчысь пиӧс, коді оз кывзы бать-мамыслысь ӧлӧдӧмсӧ да оз сибӧд налысь чирыштӧмсӧ,

Индӧд 21:20

да шуасны: ”Миян пиным асныралӧ, этшсӧ оз тӧд да миянлысь оз кывзысь. Сӧмын сёйӧ-юӧ да кодалӧ”.

Еврейяслы 12:15

Видзчысьӧй, мед тіян пӧвстысь некод эз вошты Енлысь буралӧмсӧ. Некутшӧм курыд вуж мед оз вужъясь тіян пӧвстӧ, оз вай тіянлы лёксӧ да оз пежав некодӧс.

Яков 1:22

Энӧ лоӧй сӧмын кывзысьясӧн, но Енлӧн кывйыс серти олысьясӧн. Куш кывзӧмнад сӧмын ылӧдланныд асьнытӧ.

Восьтӧм 3:19

Коді муса Меным, сійӧс ме янӧда-чирышта. Сідзкӧ, сьӧлӧмсяньыд зіль бергӧдчыны мыжъяссьыд!