Шусьӧгъяс 15:27 - Коми Библия 2023

²⁷ Горшасьысь аслас керкаӧ шог вайӧ, а коді козинъяс вылӧ абу горш, сійӧ дыр олӧ.

Шусьӧгъяс 15:27 ပူးပေါင်းရင်းမြစ်များ

Ӧксыяслӧн 3 небӧг 2:40

Шимей пуксис осёл вылӧ да муніс Гефӧ Акиш дінӧ корсьны ассьыс кесйӧгъяссӧ. Тадзи Шимей бӧр вайӧдіс кесйӧгъяссӧ Гефысь.

Ӧксыяслӧн 4 небӧг 5:27

Нееманлӧн проказаыс мед пыр кежлӧ вуджас тэ вылӧ да тэнад рӧд вылӧ». Гезий петіс Елисей ордысь. Сылӧн вир-яйыс вӧлі вевттьысьӧма лым кодь еджыд проказаӧн.

Псалтыр 15:5

Господьӧй, Тэ менам пайыс да олӧмыс, менам пудйыс Тэнад киын.

Петӧм 18:21

Бӧрйы войтыр пӧвстысь тӧлка йӧзӧс, кодъяс полӧны Енмысь. Найӧ мед вӧліны веськыдӧсь, эз горшасьны. Пукты ӧтиясӧс веськӧдлыны сюрс мортӧн, мӧдъясӧс – сё мортӧн, коймӧдъясӧс – ветымын мортӧн, нёльӧдъясӧс – дас мортӧн. [Пукты тшӧтш гижӧдӧ велӧдысьясӧс.]

Петӧм 23:8

Эн босьт козин, ӧд козин босьтӧмыс синтӧммӧдӧ синмаӧс, и сійӧ мыждӧ веськыда вӧчысьӧс.

Шусьӧгъяс 1:19

Татшӧм туйыс сылӧн, коді горшасьӧ йӧз эмбур вылӧ, сэті мунысь воштӧ ловсӧ.

Шусьӧгъяс 11:19

Веськыдлуныс вайӧдӧ олӧмӧ, но лёкас сетчысь аслыс кулӧмсӧ корсьӧ.

Шусьӧгъяс 11:29

Коді гортсаыслы шог вайӧ, сылы нинӧм оз вичмы, вежӧртӧм морт лоӧ кесйӧгӧн мывкыд мортлы.

Шусьӧгъяс 15:26

Лёк мортлысь мӧвпъяссӧ Господь зывӧктӧ, сӧстӧм мортлӧн кывъясыс Сылы шогманаӧсь.

Шусьӧгъяс 20:21

Батьыдлысь кадысь водз босьтӧм овмӧсыд бурсиӧмсӧ оз вай.

Шусьӧгъяс 23:4

Эн мудзты асьтӧ, медым озырмӧдчыны, эновт татшӧм мӧвпъястӧ.

Шусьӧгъяс 28:16

Вежӧртӧм юралысь дзескӧдӧ войтырсӧ, а коді оз горшась, сылӧн нэмыс кузь.

Шусьӧгъяс 28:25

Ыкша мортыд зык-вен пестӧ, Господь вылӧ лача кутысь пондас бура овны.

Шусьӧгъяс 29:4

Веськыда мыждӧмнас ӧксы ёнмӧдӧ ассьыс мусӧ, а козинъяс радейтысь – куштӧ сійӧс.

Еремей 17:11

Байдӧг пӧжӧ колькъяс, кодъясӧс сійӧ эз вайлы, татшӧм жӧ сійӧ мортыс, коді ылӧдлӧмӧн озырмӧдчӧ. Олӧм шӧрас сійӧ воштас ставсӧ, кулігас сійӧ лоӧ мывкыдтӧм морт кодь.

Индӧд 16:19

Веськыда мыждӧмсӧ энӧ торкӧй, чужӧм вылӧ энӧ видзӧдӧй, козинъяс энӧ босьтӧй. Ӧд козин босьтӧмыс синтӧммӧдӧ мывкыда мортӧс, и сійӧ мыждӧ веськыда вӧчысьӧс.

Индӧд 7:26

Зывӧкторсӧ энӧ пыртӧй асланыд керкаясӧ, медым зывӧкторсӧ моз тіянӧс эз бырӧдны. Мустӧмтӧй-зывӧктӧй идолъясӧс, найӧс колӧ дзикӧдз бырӧдны».

1 Тимофейлы 6:10

Став лёкыс заводитчӧ сьӧм радейтӧмсянь. Сьӧм бӧрся вӧтлысигӧн кодсюрӧ кежисны эскӧмысь да кӧлалісны ас выланыс уна шог.

1 Тимофейлы 6:9

Коді кӧсйӧ озырмыны, сійӧ сетчӧ ыштӧмас да шедӧ налькйӧ. Сійӧ сетчӧ быдпӧлӧс мывкыдтӧмлунас да лёк кӧсйӧмас, мый бырӧдӧ йӧзсӧ да вайӧдӧ найӧс кулӧмӧ.

Нав Исус 6:18

Став эзысь-зарнисӧ, ыргӧн да кӧрта кӧлуйсӧ колӧ вежӧдны-торйӧдны Господьлы да вайны Сылы озырлун видзанінӧ».

Ӧксыяслӧн 1 небӧг 12:3

Ӧні Господь водзын да Сылӧн мавтыштӧмаыс водзын висьталӧй, босьтлі-ӧ ме кодлыськӧ ӧшсӧ либӧ осёлсӧ? Пӧръявлі-ӧ да дзескӧдлі-ӧ кодӧскӧ? Сибӧдлі-ӧ кодсянькӧ козин, медым сылӧн лёк вӧчӧм вылӧ синмӧс тупкыны? Висьталӧй, и ме ставсӧ бӧр сета тіянлы».