Шусьӧгъяс 15:21 - Коми Библия 2023

²¹ Вежӧртӧм морт йӧйталӧмнас нимкодясьӧ, вежӧра морт веськыд туйӧд ветлӧ.

Шусьӧгъяс 15:21 ပူးပေါင်းရင်းမြစ်များ

Иов 28:28

Мортлы Енмыс шуис: «Господьысь полӧм эм мывкыдлун, лёксьыс ылыстчӧм эм сюсь вежӧр».

Псалтыр 111:10

Тайӧс аддзигӧн Ентӧг олысь скӧралӧ, пиньсӧ йирӧ и лёкысла потӧ. Лёк вӧчысьяслӧн кӧсйӧмыс торксьӧ. Ошкӧм.

Шусьӧгъяс 10:23

Вежӧртӧмлы лёк вӧчӧмыс ворсӧдчӧм кодь, вежӧра мортӧс долыдмӧдӧ мывкыдлуныс.

Шусьӧгъяс 11:12

Вежӧртӧм морт лёкӧдӧ ассьыс матыссасӧ, вежӧра – чӧв олӧ.

Шусьӧгъяс 14:16

Мывкыд морт полӧ да ылыстчӧ лёксьыс, вежӧртӧм – ӧдйӧ пузьӧ да аслыс сӧмын эскӧ.

Шусьӧгъяс 14:8

Вежӧра мортлӧн мывкыдлуныс тыдалӧ туйсӧ тӧдӧмас, вежӧртӧмлӧн йӧйталӧмыс тыдалӧ пӧръясьӧмас.

Шусьӧгъяс 14:9

Вежӧртӧм морт сералӧ мыж вылын, веськыда олысьлы бурыс вуджӧ.

Шусьӧгъяс 15:22

Туйдӧдтӧг вӧчӧмыд киссяс, а туйдӧдысьыс кор уна – артмас.

Шусьӧгъяс 4:25

Синмыд мед видзӧдас веськыда, видзӧдласыд мед лоӧ сӧстӧм.

Шусьӧгъяс 4:26

Мӧвпышт, кутшӧм туйӧд мунны, воськовъясыд мед лоӧны зумыдӧсь.

Ефесӧ 5:15

Сідзкӧ, сюся видзӧдӧй ас бӧрсяныд: олӧй мывкыдаяс моз, а энӧ вежӧртӧмъяс моз.

Яков 3:13

Эм-ӧ тіян пӧвстын мывкыда да сюсь вежӧра морт? Эм кӧ, сійӧ мед петкӧдлас ассьыс мывкыдлунсӧ рам сьӧлӧмыс да бур оласногыс пыр.