Шусьӧгъяс 14:35 - Коми Библия 2023

³⁵ Ӧксыыд бур сьӧлӧма мывкыд кесйӧг дінӧ, но сійӧс янӧдысь кесйӧг вылӧ скӧрмӧ.

Шусьӧгъяс 14:35 ပူးပေါင်းရင်းမြစ်များ

Олӧм 41:38

Фараон шуис налы: «Сюрас-ӧ миянлы Ӧсип кодь мортыс, ӧд сы пытшкын Енлӧн Лов?»

Эсфир 7:7

Ӧксы скӧрмис, чеччис да петіс гаж вылысь сад йӧрӧ. Аман кольччис, медым корны Эсфир ӧксы-аньӧс видзны сылысь олӧмсӧ, ӧд гӧгӧрвоис, мый ӧксы бырӧдас сійӧс.

Шусьӧгъяс 10:5

Вотӧссӧ гожӧмнас чукӧртысь – мывкыд морт, а вундан кадӧ узьысь асьсӧ янӧдӧ.

Шусьӧгъяс 14:34

Веськыда олӧм кыпӧдӧ войтырсӧ, а мыж вӧчӧм янӧдӧ.

Шусьӧгъяс 16:13

Ӧксылы шогмана веськыда сёрнитысь, сылы муса збыльсӧ висьталысь.

Шусьӧгъяс 17:2

Мывкыд кесйӧг веськӧдлӧ ыджыдыслӧн яндысьтӧм пинас, сылы вуджӧ ыджыдыслӧн овмӧсыс пилы моз.

Шусьӧгъяс 19:26

Батьыслысь овмӧссӧ мырддьысь да мамсӧ вӧтлысь – яндысьтӧм пи, сійӧ бур нимсӧ воштӧ.

Шусьӧгъяс 20:26

Мывкыд ӧксы лёк вӧчысьясӧс тӧлӧдас, вартан гӧгыльӧн на вывті мунас.

Шусьӧгъяс 20:8

Кор ӧксы пукалӧ ёрдысь пуклӧсын, сылӧн син водзысь став лёкыс разалӧ.

Шусьӧгъяс 22:11

Кодлы муса сӧстӧм сьӧлӧм, коді лӧсьыда-бура сёрнитӧ, сылы ӧксы ёрт лоӧ.

Шусьӧгъяс 25:5

вӧтлы ӧксы дінысь лёк йӧзӧс, сэки веськыдлуныс вынсьӧдас сылысь юралӧмсӧ.

Шусьӧгъяс 29:12

Юралысь кӧ кывзӧ ылӧг сёрнияс, сылӧн кесъялысьясыс лёксӧ вӧчны кутасны.

Матвей 25:21

Ыджыдыс шуас: ”Бура вӧчин. Тэ бур да эскана кесйӧг. Ичӧтторйын тэ эскана вӧлін, пукта тэнӧ кывкутны унатор вӧсна. Лок, ӧтлаын гажӧдчам-нимкодясям”.

Матвей 25:23

Ыджыдыс шуас: ”Бура вӧчин. Тэ бур да эскана кесйӧг. Ичӧтторйын тэ эскана вӧлін, пукта тэнӧ кывкутны унатор вӧсна. Лок, ӧтлаын гажӧдчам-нимкодясям”.