Петӧм 35:34 - Коми Библия 2023

³⁴ Господь сетіс сылы да Дан чужанкотырысь Ахисамаклӧн Оголиав пилы мукӧдӧс велӧдан сямлун.

Петӧм 35:34 ပူးပေါင်းရင်းမြစ်များ

2 Каднебӧг 2:14

Сылӧн мамыс Дан рӧдысь, а батьыс сылӧн Тирысь. Сійӧ бура кужӧ вӧчасьны эзысь-зарниысь, ыргӧнысь, кӧртысь, изйысь да пуысь, бура кужӧ вӧчны пемыдгӧрд, гӧрдовлӧз да югыдгӧрд рӧма дӧра, тшӧтш вӧсни шабді дӧра. Сійӧ бура кужӧ вундалӧмӧн серпасавны да вӧчны быдпӧлӧс уджсӧ, мый сылы тшӧктасны. Сійӧ ӧтвыв кутас уджавны тэнад киподтуя йӧзкӧд да менам Давид ыджыдлӧн, тэнад батьыдлӧн, киподтуя йӧзкӧд.

Ездра 7:10

ӧд Ездра став сьӧлӧмсӧ пуктіс, медым тӧдны Господьлысь Индӧдсӧ, овны сы серти да велӧдны Израиль войтырӧс тшӧктӧмъясӧ да веськыда мыждӧмӧ.

Ездра 7:27

Ошкӧм Господьлы, миян батьяслӧн Енлы! Сійӧ пуктіс ӧксылы сьӧлӧмас, мый колӧ пыдди пуктыны Господьлысь ерусалимса крамсӧ.

Неемий 2:12

ме чеччи войнас да петі керкаысь. Ме некодлы на эг висьтав, мый Енмыс пуктіс менам сьӧлӧмӧ вӧчны Ерусалимын. Мекӧд вӧлі некымын морт, ме муні осёл вылын, мукӧдыс подӧн мунісны.

Петӧм 31:6

Ме сеті сылы отсӧг вылӧ Дан чужанкотырысь Ахисамаклысь Оголиав писӧ. Став киподтуя йӧзлы Ме сеті мывкыдлун, медым найӧ кужисны вӧчны ставсӧ, мый Ме тшӧкті тэныд.

Петӧм 35:33

кужӧ вундавны да доргӧгӧравны из, вундасьны пуысь да вӧчны быдсикас серпаса уджсӧ.

1 Коринфӧ 12:7

Сійӧ сетӧ Ловлы быдӧн пыр петкӧдчыны ас ногыс, ӧта-мӧдлы бур вылӧ.