Петӧм 35:22 - Коми Библия 2023

²² Локтісны айулов и аньяс, найӧ сьӧлӧмсяньныс вайисны исергаяс, чунькытшъяс, сикӧтшъяс да мукӧд зарни мичмӧдчантор. Быдӧн, коді кӧсйис, вайис Господьлы зарни.

Петӧм 35:22 ပူးပေါင်းရင်းမြစ်များ

Ӧксыяслӧн 4 небӧг 12:4

Йоас шуис попъяслы: «Господьлӧн крамӧ мед ваясны вежа сетанторъяс: ас пондаыс вештысян дон, Господьлы сиӧм мортысь вештысян дон да ас кӧсйӧм серти ваян сьӧм.

2 Каднебӧг 29:31

Сэсся Езекей шуис: «Ӧні ті сиинныд асьнытӧ Господьлы. Локтӧй да вайӧй Господьлӧн крамӧ висьяс да аттьӧалӧм могысь вайӧмторъяс». Сэки чукӧртчӧм войтырыс вайис висьяс да вайӧмторъяс. И быдӧн, коді кӧсйис, вайис тшӧтш сотан вись.

Петӧм 32:2

Аарон налы шуис: «Босьтӧй гӧтыръясныдлысь да ныв-пиныдлысь зарни исергаяссӧ да вайӧй меным».

Петӧм 32:3

Став йӧзыс перъялісны пельсьыныс зарни исергаяснысӧ да вайисны Ааронлы.

Петӧм 35:21

Сэсся бӧр локтісны да вайисны, мый сьӧлӧмсяньныс кӧсйисны сетны Господьлы, медым вӧчны вежа чом, лӧсьӧдны сэні кесъялӧм да вурны вежа паськӧм.

Петӧм 35:23

А кодлӧн вӧлі гӧрдовлӧз, пемыдгӧрд да югыдгӧрд вурун, вӧсни шабді, кӧза вурун, гӧрд рӧма меж кучикъяс да лӧз рӧма кучикъяс, вайис Господьлы.

Шусьӧгъяс 25:12

Мывкыд мортлӧн ӧлӧдӧмыс сійӧс кывзысьлы пельтӧ мичмӧдысь зарни исерга кодь.

Исай 3:19

исергаяс, сикӧтшъяс, вевттьӧдъяс, юрвевттьӧдъяс, сойкытшъяс, вӧньяс, чӧскыд ӧвтанторъяс, амулетъяс,

Исай 60:13

Кипарис, платан да пожӧм ваясны тэныд, ливанса озырлунӧн мичмӧдасны Менсьым вежаинӧс, Менсьым кок улӧс, мый Ме нимӧда.

Исай 60:9

Саридз дорын олысьяс лача кутӧны Ме вылӧ, фарсисса корабльяс медводзын кывтӧны, ылі муясысь найӧ вайӧны тэнсьыд пиянтӧ да налысь зарни-эзысьсӧ Господьлӧн, тэнад Енлӧн, нимыс вӧсна, Израильлӧн вежа Ен вӧсна, ӧд Сійӧ нимӧдіс тэнӧ.

Езекиль 16:11

Ме мичмӧді тэнӧ. Ки вылад ӧшӧді сойкытшъяс, сьыліад – сикӧтш,

Лыд 31:50

Господь водзын мыжнымӧс вештӧм могысь ми сетам Господьлы тышын шедӧдӧм зарни чепъяс, сойкытшъяс, чунькытшъяс, исергаяс да сикӧтшъяс».

Матвей 2:11

Керкаӧ пырӧм бӧрын найӧ аддзисны кагаӧс Мария мамыскӧд. Пидзӧс выланыс уськӧдчӧмӧн найӧ копыртчылісны кагалы да сетісны Сылы дона козинъяс: зарни, ладан да смирна.