Петӧм 29:46 - Коми Библия 2023

⁴⁶ Сэки найӧ тӧдмаласны, мый Ме – Господь, налӧн Ен, и Ме петкӧді найӧс Египет муысь, медым овны на пӧвстын. Ме – Господь, налӧн Енмыс».

Петӧм 29:46 ပူးပေါင်းရင်းမြစ်များ

2 Каднебӧг 6:18

Збыльысь, му вылын-ӧ Енмыслы овны йӧзыскӧд? Енэжыс да енэжвывса енэжъясыс кӧ оз вермыны тӧрӧдны Тэнӧ, дерт нин, тайӧ крамыс, кодӧс ме лэпті, оз вермы тӧрӧдны Тэнӧ.

Псалтыр 114:2

Сійӧ копыртіс мелань пельсӧ, та вӧсна став олӧм чӧж кута шыасьны Сы дінӧ.

Петӧм 20:2

«Ме – Господь, тэнад Енмыд. Ме петкӧді тэнӧ Египет муысь нартитӧм улысь.

Петӧм 25:8

Израиль пиян мед вӧчасны Меным вежаин, и Ме кута овны на пӧвстын.

Петӧм 6:7

Ті лоанныд Менам войтырӧн, а Ме – тіян Енмӧн. Ті тӧдмаланныд, мый Ме – Господь, тіян Енныд, коді петкӧдіс тіянӧс египетсалӧн нартитӧм улысь.

Еремей 14:9

Мыйла Тэ шӧйӧвошӧм морт кодь, мездыны вермытӧм вына тышкаморт кодь? Но Тэ, Господьӧй, миян пӧвстын, миянӧс сиӧма Тэныд, эн эновт миянӧс!

Еремей 31:33

Сійӧ лунъяс бӧрас Ме кӧртала Израиль войтыркӧд татшӧм йитӧд, – висьталӧ Господь. – Ассьым Индӧдӧс Ме пукта налӧн вежӧрӧ, гижа налӧн сьӧлӧмӧ. Ме лоа налӧн Енмӧн, а найӧ – Менам войтырӧн.

Езекиль 20:5

Шу налы, мый Господь Ыджыдыс тадзи висьталӧ: сійӧ лунӧ, кор Ме бӧрйи Израиль войтырӧс, Ме восьті Ачымӧс Яков рӧдлы Египет муын да киӧс лэптӧмӧн кыв сеті налы, мый Ме – Господь, налӧн Ен.

Езекиль 34:24

Ме, Господь, лоа налӧн Енмӧн, а Менам Давид кесйӧгӧй лоас на пӧвстын ӧксыӧн. Тайӧс висьталі Ме, Господь.

Левит 11:44

Ме – Господь, тіян Енныд. Вежӧдӧй-сӧстӧммӧдӧй асьнытӧ, лоӧй вежаӧсь, ӧд Ме [Господь, тіян Енныд] – вежа. Энӧ пежалӧй асьнытӧ му вывті котралысь-веглясьысьяс вӧсна.

Левит 18:30

Олӧй Менам тшӧктӧмъяс серти, а энӧ тіянӧдз олысьяслӧн зывӧк оласног серти. Энӧ пежалӧй асьнытӧ налӧн кодь оласногӧн. Ме – Господь, тіян Енныд».

Левит 19:2

«Висьтав став Израиль войтырлы: лоӧй вежаӧсь, ӧд Ме вежа. Ме – Господь, тіян Енныд.

Левит 26:11

Ме ог кут зывӧктыны тіянӧс, Ассьым оланінӧс сувтӧда тіян шӧрӧ.

Левит 26:12

Ме кута ветлӧдлыны тіян пӧвстын да лоа тіян Енмӧн, а ті – Менам войтырӧн.

Аггей 2:5

Египетысь тіян петігӧн Ме кӧсйысьлі, мый Менам Лолӧй лоӧ тіянкӧд. Сідзкӧ, энӧ полӧй!

Лыд 16:3

Найӧ чукӧртчисны Мӧисей да Аарон дінӧ да шуисны: «Тырмас тіянлы! Став войтырыс вежа, и на пӧвстын Господь. Мыйла ті асьнытӧ ыджыдавны пуктанныд Господьлӧн войтырыс вылын?»

Ӧксыяслӧн 1 небӧг 10:18

Налы шуис: «Господь, Израильлӧн Ен, тадзи висьталӧ: ”Ме петкӧді тіянӧс Египетысь, мезді египетсаяслӧн кипод улысь да тіянӧс нартитысь мукӧд войтыръяслӧн кипод улысь”.