Петӧм 25:31 - Коми Библия 2023

³¹ «Весалӧм зарниысь серлӧдлӧмӧн дор бикок. Сылӧн заыс, вожъясыс, чашаясыс, чаша подъясыс да дзоридзьясыс мед лоӧны ӧтторъяӧсь.

Петӧм 25:31 ပူးပေါင်းရင်းမြစ်များ

Ӧксыяслӧн 3 небӧг 6:18

Пытшкӧссяньыс крамсӧ ставнас вӧлі эжӧма сус пу пӧвъясӧн, весиг ӧти изтор эз тыдав. Сус пу пӧвъяс вылас вӧлі вундалӧмӧн серпасалӧма тыкваяс да дзоридзьяс.

Ӧксыяслӧн 3 небӧг 7:24

Вайӧртӧдлысь доргӧгӧрсӧ вӧлі серпасалӧма тыкваясӧн. Быд гырддза пасьтаын вӧлі дас тыква кык визьӧн. Серпасъяссӧ вӧлі ӧтторъя сывдӧма вайӧртӧдыскӧд.

Ӧксыяслӧн 3 небӧг 7:49

да весалӧм зарниысь бикокъяс. Вит бикоксӧ сувтӧдіс Вежасьыс-вежаин водзӧ веськыдладорас, а мӧд витсӧ – шуйгаладорас. Нӧшта зарниысь Соломон вӧчӧдіс дзоридзьяс, би дозъяс да чепӧляяс,

1 Каднебӧг 28:15

бикокъяс да би дозъяс. Сійӧ индіс быд бикоклысь сьӧктасӧ сыӧн вӧдитчӧм серти.

2 Каднебӧг 13:11

Быд асыв да рыт найӧ вайӧны Господьлы сотан висьяс да тшынӧдӧны чӧскыд ӧвтанторъяс. Найӧ пуктӧны вежа нянь сӧстӧм пызан вылӧ да быд рыт ӧзтӧны зарни бикок вылын сулалысь би дозъяс. Ми ставсӧ вӧчам асланым Господь Енлӧн индӧд серти, а ті эновтінныд Сійӧс.

2 Каднебӧг 4:20

весалӧм зарниысь бикокъяс да би дозъяс, медым ӧзъялісны Вежасьыс-вежаин водзын, кыдзи индӧма.

2 Каднебӧг 4:7

Соломон вӧчӧдіс дас зарни бикок, кыдзи колӧ вӧлі найӧс вӧчнысӧ. Найӧс сувтӧдісны крамӧ, витсӧ – веськыдладорас, а мӧд витсӧ – шуйгаладорас.

Петӧм 25:34

Бикок за вылас мед лоӧ нёль чаша, найӧ мед лоасны миндаль дзоридз сяма, подъяса да коръяса.

Петӧм 25:36

Чаша подъясыс да вожъясыс бикокыскӧд мед лоӧны ӧтторъяӧсь, сійӧс ставнас колӧ серлӧдлӧмӧн дорны весалӧм зарниысь.

Петӧм 31:8

пызан да сылы став коланаторсӧ, весалӧм зарниысь бикок да сылы став коланаторсӧ, тшынӧдчан висьпуктанін,

Петӧм 35:14

бикок да сылы коланаторсӧ, би дозъяс да сэтчӧ кисьтан вый,

Петӧм 39:37

весалӧм зарниысь вӧчӧм бикок, сы вылӧ пуктана би дозъяс став коланаторнас да сэтчӧ кисьтан вый,

Левит 24:4

Би дозъяссӧ мед пукталӧны весалӧм зарниысь вӧчӧм бикок вылӧ, мый сулалӧ Господь водзын.

Закар 4:2

Сійӧ юаліс менсьым: «Мый тэ аддзан?» Ме вочавидзи: «Аддза зарни бикок. Бикок вылас вый доз. Доз дорыш гӧгӧрыс – сизим би петанін, быд би петанінын ӧзъялӧ сизим петель.

Лыд 3:31

Найӧ кывкутісны-тӧждысисны Йитӧд куд вӧсна, пызан, бикок да висьпуктанінъяс вӧсна, кесъялан вежа дозмук-кӧлуй вӧсна да Вежаинын ӧшалысь дӧра вӧсна.

Лыд 4:10

Бикоксӧ став кӧлуйнас мед гартыштасны лӧз рӧма кучик вевттьӧдӧ да пуктасны новлӧдлан потш вылӧ.

Лыд 4:9

Аарон пияныскӧд мед босьтасны гӧрдовлӧз вурун дӧра да вевттясны сыӧн бикоксӧ да сылысь би дозъяссӧ, чепӧлясӧ, пӧим ворсӧ да вый дозъяссӧ.

Лыд 8:1

Господь шуис Мӧисейлы:

Лыд 8:4

Засяньыс дзоридзьясӧдзыс бикоксӧ вӧлі дорӧма зарниысь серлӧдлӧмӧн. Бикоксӧ вӧлі вӧчӧма сідзи, кыдзи Господь петкӧдліс Мӧисейлы.

Еврейяслы 9:2

Вежа чомйын вӧлі кык вежӧс. Воддза вежӧсас сулалісны бикок да пызан, а пызан вылас вӧлі вежа нянь. Тайӧ вежӧсыс шусис Вежаин.

Восьтӧм 1:12

Ме бергӧдчи видзӧдлыны мекӧд сёрнитысь вылӧ да аддзи сизим зарни бикок.

Восьтӧм 1:20

Тэ аддзылін Менам веськыд киысь сизим кодзув, нӧшта аддзылін сизим зарни бикок. Налӧн гусяторйыс татшӧм: сизим кодзулыс – тайӧ сизим вичколӧн анделъяс, а сизим бикокыс, кодъясӧс тэ аддзылін, – тайӧ сизим вичко».

Восьтӧм 2:5

Сідзкӧ, мӧвпышт, кысянь тэ усин, бергӧдчы да вӧч ассьыд медводдза уджъястӧ. Он кӧ бергӧдчы, регыд локта тэ дінӧ да вешта тэнсьыд бикоктӧ места вывсьыс.

Восьтӧм 4:5

Пуклӧссянь петісны чардби да гым шы. Пуклӧс водзас ӧзйис сизим би, Енлӧн сизим лолыс.

Ӧксыяслӧн 1 небӧг 3:3

Самуил куйліс вежа керкаын, кӧні видзисны Енлысь кудсӧ. Кор Енлӧн би дозйын ӧзъяліс на биыс,