Олӧм 50:20 - Коми Библия 2023

²⁰ Ті мӧвпалінныд лёк вӧчны меным, но Енмыс тайӧс бергӧдіс бур вылӧ, медым видзны уна йӧзлысь олӧмсӧ.

Олӧм 50:20 ပူးပေါင်းရင်းမြစ်များ

Олӧм 37:26

Иуда сэк шуис вокъясыслы: «Мый бурыс миянлы сыысь, ми кӧ вокнымӧс виам, а вир кисьтӧмсӧ гусьӧн видзны кутам?

Олӧм 37:27

Вай вузаламӧй Ӧсипӧс тайӧ локтысьясыслы. Мыйла миянлы мыжмыны вир кисьтӧмысь? Ӧд ми ӧти вирсянь, и сійӧ миян вок». Вокъяс кывзысисны Иудалысь.

Олӧм 37:4

Вокъяс аддзисны, мый батьныслы Ӧсип мусаджык на дорысь, да кутісны мустӧмтны сійӧс, весиг лӧгпырысь сёрнитісны сыкӧд.

Олӧм 50:19

Ӧсип шуис: «Энӧ полӧй. Ме ӧд абу Ен.

Псалтыр 56:5

Ме ола левъяс пӧвстын, биӧн лолалысь зверъяс пӧвстын, сэтшӧм йӧз пӧвстын, кодъяслӧн пиньныс шы да ньӧв кодь, кодъяслӧн кывйыс ёсь шыпурт кодь.

Псалтыр 76:10

Енмыс ӧмӧй вунӧдіс Ассьыс буралӧмсӧ, скӧралігас ӧмӧй дзикӧдз тупкис сьӧлӧмсӧ?

Исай 10:7

Но ачыс сійӧ оз тадзи мӧвпав, сійӧ нӧшта на унджык кӧсйӧ вӧчны, мӧвпалӧ пазӧдны-бырӧдны войтыръясӧс.

Ап. уджъяс 2:23

Енлӧн шуӧм серти Сійӧс вӧлі сетӧма тіян киӧ. Индӧдтӧг олысьяс киӧн ті Сійӧс тувъялінныд-виинныд.

Ап. уджъяс 3:26

Ен ловзьӧдіс Ассьыс Писӧ, Исусӧс, да мӧдӧдіс Сійӧс медводз тіян дінӧ, медым бергӧдны тіянӧс лёксьыс да бурсины тіянӧс».

Римӧ 8:28

Ми тӧдам, мый Енсӧ радейтысьяслы, Сылӧн шуӧм сертиыс корӧмаяслы, Сійӧ ставсӧ бергӧдӧ бур вылӧ.