Олӧм 37:27 - Коми Библия 2023

²⁷ Вай вузаламӧй Ӧсипӧс тайӧ локтысьясыслы. Мыйла миянлы мыжмыны вир кисьтӧмысь? Ӧд ми ӧти вирсянь, и сійӧ миян вок». Вокъяс кывзысисны Иудалысь.

Олӧм 37:27 ပူးပေါင်းရင်းမြစ်များ

Олӧм 29:14

Лаван шуис сылы: «Збыльысь, ми тэкӧд ӧти лыысь да ӧти яйысь, тэ менам рӧдвуж!» Яков оліс Лаван ордын тӧлысь чӧж.

Олӧм 37:22

Энӧ кисьтӧй вир. Шыбитӧй сійӧс овтӧминса косьмӧм юкмӧсӧ, но энӧ виӧй». Тадзи шуис, ӧд кӧсйис мездыны Ӧсипӧс налӧн киысь да бӧр мӧдӧдны батьыс дінӧ.

Олӧм 42:21

«Збыльысь, вокнымлы лёк вӧчӧмысь ми мыжаӧсь! – сёрнитісны найӧ. – Ми ӧд аддзылім сылысь сьӧкыдалӧмсӧ да кылім сылысь корӧмсӧ, но эгӧ лэдзӧй сійӧс. Сійӧн и суис миянӧс тайӧ сьӧкыдлуныс».

Олӧм 50:20

Ті мӧвпалінныд лёк вӧчны меным, но Енмыс тайӧс бергӧдіс бур вылӧ, медым видзны уна йӧзлысь олӧмсӧ.

Ӧксыяслӧн 2 небӧг 12:9

Мыйла тэ нинӧмӧ пуктін Менсьым Индӧдӧс да вӧчин Ме водзын шогмытӧмсӧ? Тэ виин хеттей Урийӧс. Аммон войтырлӧн шыпурт улӧ тэ сетін сійӧс, а сылысь гӧтырсӧ босьтін аслыд гӧтырӧ.

Неемий 5:5

Мыйӧн нӧ ми торъялам вокъясысь? Миян челядьным тшӧтш ӧткодьӧсь. Но миянлы быть лоӧ кесйӧг туйӧ вузавны ныв-пинымӧс. Кодсюрӧ нывъясным кесйӧг туйынӧсь нин. Ми нинӧм огӧ вермӧй вежны, ӧд муясным да виноград йӧръясным йӧз киын».

Неемий 5:8

Ме шуи: «Ми сьӧкыда ньӧбим вокъяснымӧс, кодъясӧс вӧлі вузалӧма мукӧд войтыръяслы. А ӧні ті вузаланныд ассьыныд вокъяснытӧ! Миянлы бара ӧмӧй ньӧбны найӧс?» Найӧ чӧв олісны, налы эз сюр воча кыв.

Петӧм 21:16

[Израиль пиян пӧвстысь] мортӧс гусялысьӧс да [кесйӧг туйӧ] вузалысьӧс либӧ ас дінас видзысьӧс мед виасны.

Петӧм 21:21

Но кесйӧгыс кӧ олас на лун-мӧд, сэки вачкысьӧс мед оз мыждыны, ӧд кесйӧгыс – сылӧн.

Матвей 16:26

Лоас-ӧ мортыслы бур, босьтас кӧ аслыс став муюгыдсӧ, а олӧмсӧ воштас? Вермас-ӧ бӧр ньӧбны ассьыс олӧмсӧ?

Матвей 26:15

да шуис: «Мый сетанныд, вузала кӧ тіянлы Исусӧс?» Найӧ вӧзйисны сылы комын эзысь сьӧм.

1 Тимофейлы 1:10

кырсалысьлы да ӧта-мӧдыскӧд узьлысь айуловлы, мортӧн вузасьысьлы, пӧръясьысьлы, ылӧгвисьталысьлы да быдӧнлы, коді паныд сувтӧ веськыд велӧдӧмлы.

Восьтӧм 18:13

Некод оз босьт налысь корица да ладан, чӧскыд дука вый да пуысь пычкӧм дона вый, вина да олив вый, пызь да шобді, ыж-мӧскӧс да вӧвъясӧс, тарантасъяс, кесйӧгъясӧс да мукӧд йӧзсӧ.

Ӧксыяслӧн 1 небӧг 18:17

Ӧтчыд Саул вӧзйис Давидлы: «Ассьым Мерова ыджыд нылӧс сета тэ сайӧ, сӧмын повтӧг кесъяв меным да веськӧдлы Господьлӧн тышъясӧн». Но та дырйи Саул мӧвпаліс: «Сы вылӧ мед оз кыпты менам киӧй, а филистимсаяслӧн».