Олӧм 37:14 - Коми Библия 2023

¹⁴ Израиль шуис сылы: «Мун да видзӧдлы, дзоньвидзаӧсь-ӧ тэнад вокъясыд да ставыс-ӧ бур ыжъяскӧд. Сэсся лок да висьтав меным». Ӧсип мӧдӧдчис Хеврон ковтыссянь да воис Сикемӧ.

Олӧм 37:14 ပူးပေါင်းရင်းမြစ်များ

Олӧм 13:18

Ӧврам чомъяснас вешйис Хевронӧ, Мамре тупу раскӧ. Сэтчӧ сувтӧдіс Господьлы висьпуктанін.

Олӧм 23:19

Ӧвраам дзебис ассьыс Сарра гӧтырсӧ кырта горсйӧ, мый вӧлі Макпела му вылын. Дзебаніныс вӧлі Ханаан муын Мамре дорын, ӧнія Хеврон дорын.

Олӧм 23:2

Сійӧ куліс Ханаан муын, [ковтысса] Киръят-Арбаын, тайӧ ӧнія Хеврон кар. Ӧвраам бӧрдіс-шогсис Сарра вӧсна.

Олӧм 29:6

«Дзоньвидза-ӧ сійӧ?» – юаліс Яков. Найӧ шуисны: «Дзоньвидза. Со, сылӧн Ракель нылыс ыжъяссӧ вайӧдӧ».

Олӧм 35:27

Яков локтіс аслас Исаак бать дінӧ Мамреӧ, тайӧ Киръят-Арбаын, ӧнія Хеврон карын [Ханаан муын]. Сэні коркӧ оліс Ӧвраам, сэсся оліс Исаак.

Олӧм 37:15

Кор Ӧсип кытшлаліс видзьяс вывті, сійӧс аддзис кутшӧмкӧ морт да юаліс: «Мый тэ корсян?»

Олӧм 41:16

Ӧсип вочавидзис фараонлы: «Ог ме тайӧс вӧч, а Енмыс. Сійӧ гӧгӧрвоӧдас фараонлы бур вылӧ».

Олӧм 43:27

Сійӧ чолӧмасис накӧд да юаліс: «Дзоньвидза-ӧ тіян пӧрысь батьныд, код йылысь ті сэки висьтавлінныд? Ловъя-ӧ на?»

Ӧксыяслӧн 2 небӧг 11:7

Кор Урий локтіс, Давид кутіс юасьны сылысь Йоав йылысь, тышкайӧз йылысь да тыш мунӧм йылысь.

Ӧксыяслӧн 2 небӧг 18:32

Ӧксы юаліс кушса мортлысь: «Ловъя-ӧ менам Авессалом пиӧй?» Мӧдыс вочавидзис: «Ӧксыӧй-ыджыдӧй, тэныд паныд сувтысьясӧс да тэныд лёк вӧчысьясӧс мед суас сійӧ жӧ, мый суис тэнсьыд питӧ».

Ӧксыяслӧн 3 небӧг 2:33

Тайӧ кык мортлысь вирсӧ кисьтӧмысь мыжыс мед пыр кежлӧ коляс Йоав вылӧ да сысянь чужысьяс вылӧ. А Давидӧс да сысянь чужысьясӧс, сылысь рӧдсӧ да сылысь юралӧмсӧ мед пыр кытшалас Господьлӧн лӧньлуныс».

Эсфир 2:11

Мардокей быд лун ветлӧдліс аньяслӧн керка йӧр дорын, сійӧ кӧсйис тӧдмавны, кыдзи олӧ Эсфир.

Псалтыр 125:5

Синва сорӧн кӧдзысьяс пондасны вундыны нимкодьпырысь.

Еремей 29:7

Сійӧ карыслы, кытчӧ Ме мӧдӧді тіянӧс пленӧ, сиӧй бурсӧ. Кевмысьӧй Господьлы сійӧ карыс вӧсна, ӧд сэні кӧ лоӧ бур олӧм, сэки и тіянлы бур лоӧ.

Лыд 13:22

Найӧ мунісны да видзӧдалісны Ханаан му Цин овтӧминсянь Реховӧдз, Лево-Хаматсянь матын.

Лука 19:42

шуаліс: «Тӧдін кӧ эськӧ тэ талун, мый вайӧ тэныд лӧнь олӧмсӧ! Ӧні тайӧ тупкыса тэнад синлы.

Нав Исус 14:13

Исус бурсиис Ефуннилысь Калев писӧ да сетіс сылы Хеврон кар.

Нав Исус 14:14

Кенез рӧдысь Ефуннилӧн Калев пи кывзысис Господьлысь, Израильлӧн Енлысь, та вӧсна сылы сетӧма Хеврон кар, и ӧнӧдз сійӧ Калев рӧдлӧн.

Нав Исус 14:15

Водзынджыксӧ Хевронлӧн нимыс вӧлі Киръят-Арба, ӧд Арба нима морт вӧлі енак войтыр пӧвстын ыджыд морт. Тышъяс бӧрын тайӧ муас пуксис лӧнь кад.

Ёрдысьяс 1:10

Сэсся найӧ уськӧдчисны ханаансаяс вылӧ, кодъяс олісны Хеврон карын. Водзынджык Хеврон карлӧн нимыс вӧлі Киръят-Арба. Иудасянь чужысьяс пасьвартісны [енак войтырысь] Шешайӧс, Ахиманӧс да Талмайӧс.

Ӧксыяслӧн 1 небӧг 17:22

Давид колис нопсӧ эмбур видзысьлы, сэсся котӧрӧн муніс тышкайӧз пӧвстӧ. Сэні чолӧмасис вокъясыскӧд.