Олӧм 35:8 - Коми Библия 2023

⁸ Ревеккалӧн Девора вердысь-видзысьыс кувсис, и сійӧс гуалісны Вефиль дорын тупу улӧ. Тупусӧ Яков нимтіс Бӧрдан тупуӧн.

Олӧм 35:8 ပူးပေါင်းရင်းမြစ်များ

Олӧм 24:59

Ревеккаӧс да сылысь вердысь-видзысьсӧ, тшӧтш Ӧвраамлысь кесйӧгсӧ да сыкӧд локтысьясӧс колльӧдісны туйӧ.

1 Каднебӧг 10:12

сэки став збой йӧзыс петісны туйӧ. Найӧ босьтісны Сауллысь да пияныслысь шойяссӧ да вайисны Явис карӧ. Налысь лыяссӧ гуалісны тупу улӧ. Та бӧрын сизим лун чӧж видзалісны.

Ёрдысьяс 2:1

Господьлӧн андел Галгалсянь локтіс Бокимӧ [да Вефильӧ Израиль войтыр дінӧ] да шуис: «[Господь тадзи висьталӧ:] Ме петкӧді тіянӧс Египетысь да вайӧді муӧ, мый йылысь кыв сетӧмӧн кӧсйыси тіян батьяслы [мый сета тіянлы]. Ме шуи: ”Ассьым йитӧдӧс, мый кӧрталі тіянкӧд, некор ог торк.

Ёрдысьяс 2:5

Та вӧсна израильсаяс нимтісны тайӧ местасӧ Бокимӧн. Сэні найӧ вайисны Господьлы вись.

Ёрдысьяс 4:5

Девора пукаліс Рама да Вефиль костын пальма улын, Ефрем керӧсвыв муын. Пальмасӧ шуисны Деворалӧн пальмаӧн. Сэтчӧ Израиль пиян волісны асланыс могъясӧн, медым Девора шуис ассьыс веськыда мыждӧм.

Ӧксыяслӧн 1 небӧг 10:3

Сэтысянь водзӧ мунан да воан Тавор тупуа раскӧ. Сэні тэ паныдасян Вефильӧ Ен дінӧ мунысь куим морткӧд: ӧтиыс нуӧ куим кӧзапи, мӧдыс – куим нянь, коймӧдыс – кучик дозйын вина.

Ӧксыяслӧн 1 небӧг 31:13

Налысь лыяссӧ гуалісны тамариск пу улӧ. Та бӧрын сизим лун чӧж видзалісны.