Олӧм 35:2 - Коми Библия 2023

² Яков шуис гортсаыслы да аслас йӧзлы: «Эновтчӧй мукӧд енъясысь! Сӧстӧммӧдчӧй да вежӧй паськӧмнытӧ.

Олӧм 35:2 ပူးပေါင်းရင်းမြစ်များ

Олӧм 18:19

Ӧвраамӧс Ме бӧрйи висьтавны аслас пиянлы да сысянь чужысьяслы, мед ветласны Господь туйӧд, оласны веськыда да мыждасны збыльыс серти. Сэки Ме, Господь, вӧча ставсӧ, мый кӧсйыси Ӧвраамлы».

Олӧм 31:19

Кор Лаван вӧлі ыж шыранінын, Ракель гусяліс сылысь гортса бӧлбанъяссӧ.

Олӧм 31:30

Тэ мунін, ӧд ёна гажтӧмтчин бать керкасьыд, но мыйла тэ гусялін менсьым енъясӧс?»

Олӧм 34:2

Динаӧс аддзис Хаморлӧн Сикем пиыс. Хамор вӧлі Ханаан муын олысь хивей войтырлӧн ӧксы. Сикем мырдӧн босьтіс Динаӧс да узис сыкӧд.

Олӧм 35:22

Тайӧ муас Израильлӧн олігӧн Рувим узис батьыслӧн Валла кесйӧг-гӧтыркӧд. Та йылысь кыліс Израиль [да скӧрмис]. Яковлӧн вӧлі дас кык пи.

Ӧксыяслӧн 2 небӧг 7:23

Енмӧй, сюрас-ӧ Тэнад Израиль войтыр кодь мӧдыс? Му вылас олысь войтыръясысь сӧмын на дінӧ Тэ локтін. Локтін, медым мездыны найӧс да вӧчны Аслад войтырӧн, ыдждӧдлыны Ассьыд нимтӧ, вӧчны налӧн синъяс водзын ыджыд да повзьӧдана уджъяс. Тэ мездін Ассьыд войтыртӧ Египетысь, вӧтлін на водзысь мукӧд войтыръясӧс да налысь енъяссӧ.

Ӧксыяслӧн 4 небӧг 17:29

Но быд локтысь войтыр аслас карын вӧчис ассьыс енмӧс да сувтӧдіс сійӧс вись ваян мыльк вылын сулалысь юрбитанінӧ. Тайӧ юрбитанінъяссӧ коркӧ вӧчлісны самарияса олысьяс.

Ӧксыяслӧн 4 небӧг 5:10

Елисей мӧдӧдіс Нееман дінӧ юӧртысьӧс, тшӧктіс висьтавны сылы: «Мун Йӧрдан ю дорӧ да сизимысь мыссьы юас. Сэки тэнад кучикыд выльмас да лоас сӧстӧм».

1 Каднебӧг 16:26

Войтыръяслӧн енъясыс – идолъяс, а Господь енэжъяс вӧчис.

Иов 1:5

Кор став сизимнан пи ордас вӧлі пасйӧма гажсӧ, Иов корліс пиянсӧ ас ордас, медым вежӧдны-сӧстӧммӧдны найӧс. Сійӧ чеччыліс водз асывнас да быдӧн вӧсна торйӧн вайліс сотан вись. [Нӧшта ӧти ӧшкӧс вайліс ставныслӧн мыж вӧсна.] Иов мӧвпаліс, гашкӧ пӧ, пиянӧй гажӧдчиганыс мыжмисны да сьӧлӧманыс сералісны Енсӧ. Иов быд пӧрйӧ тадзи вӧчліс.

Псалтыр 51:2

Давид лӧсьӧдіс тайӧ сьыланкывсӧ сы бӧрти, кор эдомса Доик юӧртіс Сауллы Ахимелек ордӧ Давидлӧн локтӧм йылысь.

Псалтыр 51:7

Та вӧсна Енмыс дзикӧдз бырӧдас тэнӧ, босьтас да шыбитас тэнӧ аслад оланінсьыд, вужнас нетшыштас тэнӧ ловъя олысьяслӧн муысь.

Петӧм 19:10

Господь шуис сылы: «Мун войтырыд дінӧ, вежӧд найӧс талун да аски. Найӧ мед мыськаласны паськӧмнысӧ,

Петӧм 19:14

Мӧисей лэччис войтырыс дінӧ да вежӧдіс найӧс, и найӧ мыськалісны паськӧмнысӧ.

Петӧм 23:13

Кутчысьӧй став Менам тшӧктӧмӧ. Мукӧд енъяслысь нимъяссӧ энӧ казьтывлӧй, налӧн нимыс мед оз пет тіян вомысь».

Еклесиаст 5:1

Кывтӧ шуны эн тэрмась, мӧвпышттӧг Ен водзын эн сёрнит, Енмыс ӧд енэжын, а тэ му вылын. Сідзкӧ, сёрниыд мед оз ло уна кывъя.

Исай 1:16

Сӧстӧммӧдчӧй, весалӧй асьнытӧ, медым водзӧ Ме эг нин аддзы тіянлысь лёк уджъяснытӧ. Дугдӧй вӧчны лёксӧ,

Исай 52:11

Мунӧй, мунӧй, ылыстчӧй сэтысь, энӧ инмӧдчӧй пежас, дзикӧдз ылыстчӧй сэтысь, лоӧй сӧстӧмӧсь, Господьлысь вежа дозъяс новлӧдлысьяс.

Еремей 13:27

Ме аддзылі тэнсьыд кырсалӧмтӧ да лёкколӧмтӧ, керӧсъяс да видзьяс вылын зывӧк идолъяслы юрбитӧмтӧ. Курыд шог тэныд, Ерусалим! Тэ абу сӧстӧм. Дыр-ӧ на тадзи лоӧ?

Еремей 16:20

Вермас-ӧ морт вӧчны аслыс енъясӧс? Ӧд татшӧм енъясыс – абу збыль Ен!

Еремей 5:7

– Кыдзи Меным прӧститны Ерусалимын олысьясӧс? Найӧ эновтісны Менӧ, ылӧг енъяс водзын кыв сетӧны. Ме пӧткӧді найӧс, а найӧ пежалӧны гозъякост олӧм, чукӧръясӧн ветлӧдлӧны кырсалысь аньяслӧн керкаясӧ.

Езекиль 18:31

Дугдӧй мыж вӧчны, олӧй выль сьӧлӧмӧн да выль лолӧн. Мыйла тіянлы кувнысӧ, Израиль войтыр?

Езекиль 20:7

Ме тшӧкті налы, медым вештасны син водзсьыныс зывӧкторъяссӧ да дугдасны пежавны асьнысӧ египетса идолъясӧн, ӧд Ме – Господь, налӧн Ен.

Езекиль 36:25

Реза тіянӧс сӧстӧм ваӧн, и ті сӧстӧмманныд. Ме сӧстӧммӧда тіянӧс став пежсьыныд да идолъяссьыныд.

Даниил 5:4

Найӧ юисны вина да ошкисны зарниысь да эзысьысь вӧчӧм енъясӧс, ыргӧнысь да кӧртысь вӧчӧм енъясӧс, пуысь да изйысь вӧчӧм енъясӧс.

Левит 15:5

Сылӧн куйланінӧ инмӧдчысьлы колӧ мыськавны паськӧмсӧ да аслыс тшӧтш мыссьыны. Рытӧдзыс сійӧ лоӧ пеж.

Левит 17:16

А оз кӧ мыськав ассьыс паськӧмсӧ да оз мыссьы, лоӧ мыжа».

Лыд 31:24

Сизимӧд луннас мыськалӧй паськӧмнытӧ, и лоанныд сӧстӧмӧсь, та бӧрын верманныд пырны чомъясӧ».

Ап. уджъяс 19:26

Ті асьныд аддзанныд да кыланныд, мый вӧчӧ тайӧ Павелыс. Сійӧ висьтавлӧ, киӧн вӧчӧмторъясыд пӧ абу енъяс, и уна йӧзӧс нин эскӧдіс Ефесын да став Асияын.

1 Коринфӧ 10:7

Энӧ юрбитӧй идолъяслы, кыдзи вӧчисны кодсюрӧ миян батьяс пӧвстысь. Гижӧдыс висьталӧ: «Йӧзыс сёйисны-юисны, сэсся кутісны гажӧдчыны-ворсны».

2 Коринфӧ 7:1

Мусаяс, со мыйта кӧсйысьӧм Енмыс сетӧма миянлы! Сідзкӧ, весалам ассьыным вир-яйнымӧс да ловнымӧс став пежсьыс. Кутам овны Енсьыс полӧмӧн, Сылӧн вежалуныс мед тырвыйӧ лоӧ миян пытшкын!

Галатӧ 4:8

Кор ті энӧ на тӧдӧй Енсӧ, вӧлінныд мукӧд енъяслӧн кипод улынӧсь. Збыльвылас, найӧ абу енъяс.

Индӧд 11:28

Ёрӧмыс лоӧ тіянлы, ті кӧ онӧ кутӧй овны асланыд Господь Енлӧн индӧд-тшӧктӧмъяс серти, кежанныд кӧ туйсьыс, кытчӧ ме веськӧда тіянӧс талун, да мунанныд тіянлы тӧдтӧм енъяс бӧрся.

Индӧд 32:16

Мукӧд енъяслы юрбитӧмнас Израиль войтыр скӧрмӧдіс Сійӧс, зывӧкторъяснас дӧзмӧдіс Сійӧс.

Индӧд 5:7

Эн юрбит мукӧд енъяслы Меысь ӧтдор.

Индӧд 6:14

Мукӧд енъяслы, тіян гӧгӧр олысь войтыръяслӧн енъяслы, энӧ юрбитӧй,

Индӧд 7:25

Сотӧй налысь бӧлбанъяссӧ да энӧ ыштӧй тайӧ бӧлбанъяссӧ эжӧм зарни-эзысь вылӧ. Нинӧм энӧ босьтӧй аслыныд, медым энӧ шедӧй налькйӧ, ӧд тайӧ Господьлы, тіян Енлы, зывӧк.

Еврейяслы 10:22

Сідзкӧ, локтамӧй Ен водзӧ восьса сьӧлӧмӧн да зумыд эскӧмӧн, ӧд миян сьӧлӧмным сӧстӧм да мыжтӧм, миянлысь вир-яйнымӧс мыськалӧма сӧстӧм ваӧн.

Яков 4:8

Матыстчӧй Ен дінас, и Сійӧ матыстчас тіян дінӧ. Мыськӧй кинытӧ, мыж вӧчысьяс! Кык бана шаньгаяс, сӧстӧммӧдӧй сьӧлӧмнытӧ!

Нав Исус 23:7

Энӧ сорласьӧй тіян пӧвстын олысь войтыръяскӧд. Энӧ казьтывлӧй налӧн енъяслысь нимъяссӧ да энӧ сетӧй кывнытӧ на водзын, энӧ кесъялӧй да энӧ юрбитӧй налӧн енъяслы.

Нав Исус 24:14

Сідзкӧ, полӧй Господьысь да кесъялӧй Сылы сӧстӧм сьӧлӧмӧн да веськыда. Эновтчӧй енъясысь, кодъяслы кесъялісны батьясныд Ефрат ю сайын да Египетын. Кесъялӧй сӧмын Господьлы.

Нав Исус 24:15

Но ті кӧ онӧ кӧсйӧй кесъявны Господьлы, бӧрйӧй талун, кутанныд-ӧ кесъявны енъяслы, кодъяслы батьясныд юрбитісны Ефрат ю сайын, либӧ аморейяслӧн енъяслы налӧн му вылын, кӧні ті ӧні оланныд. А ме аслам гортсакӧд кутам кесъявны Господьлы [ӧд Сійӧ вежа]».

Нав Исус 24:2

Став войтырыслы Исус шуис: «Господь, Израильлӧн Ен, тадзи висьталӧ: ”Важӧн тіян батьясныд олісны Ефрат ю сайын, сэні оліс тшӧтш Терах, Ӧвраамлӧн да Нахорлӧн батьыс. Найӧ кесъялісны мукӧд енъяслы,

Нав Исус 24:20

Ті кӧ эновтанныд Господьӧс да кутанныд кесъявны мукӧд енъяслы, Сійӧ лэдзас лёксӧ тіян олӧмӧ да бырӧдас тіянӧс, мед кӧ весиг водзынсӧ Сійӧ бур вӧчис тіянлы».

Нав Исус 24:23

Исус шуис: «Сідзкӧ, эновтчӧй мукӧд енъясысь да став сьӧлӧмсяньныд бергӧдчӧй Израильлӧн Господь Ен дінӧ».

Иуда 1:23

а мукӧдсӧ мездӧй би пытшкысь моз. Видзчысьӧмӧн янӧдӧй найӧс, зывӧктӧй весиг вир-яйсянь пежасьӧм паськӧмнысӧ.

Ёрдысьяс 10:16

Найӧ эновтісны мукӧд енъясӧс да кутісны кесъявны [сӧмын] Господьлы. Сэки Господь эз нин вермы видзӧдны, кыдзи вӧрӧг дзескӧдӧ Израильӧс.

Руфа 1:15

Ноеминь шуис Руфалы: «Видзӧд, Орфаыд бергӧдчис ас войтырыс дінӧ да аслас енъяс дінӧ. Тэ тшӧтш мун».

Ӧксыяслӧн 1 небӧг 16:5

Самуил вочавидзис: «Бурӧн. Ме локті Господьлы вись вайны. Вежӧдӧй-сӧстӧммӧдӧй асьнытӧ да мунамӧй мекӧд тшӧтш вись вайны». Самуил вежӧдіс Ессейӧс, сылысь пиянсӧ да корис найӧс сёйны.

Ӧксыяслӧн 1 небӧг 7:3

Самуил шуис налы: «Ті кӧ став сьӧлӧмнад кӧсъянныд бергӧдчыны Господьлань, сідзкӧ, эновтчӧй мукӧд войтырлӧн енъясысь, тшӧтш Астарта идолысь. Веськӧдӧй сьӧлӧмнытӧ Господьлань да сӧмын Сылы кесъялӧй-юрбитӧй. Сэки Сійӧ мездас тіянӧс филистимсаясысь».