Олӧм 33:14 - Коми Библия 2023

¹⁴ Ыджыдӧй, тэ миян водзын мун, а ме, тэнад кесйӧг, тэ бӧрся ньӧжйӧник вӧтча, кыдзи менам ыж-мӧскӧй да ныв-пиӧй вермасны муннысӧ. Сэсся локта Сеир керӧсвыв муӧ тэ дінӧ, ыджыдӧй».

Олӧм 33:14 ပူးပေါင်းရင်းမြစ်များ

Олӧм 32:3

Яковлӧн Исав вокыс оліс Эдомын, Сеир керӧсвыв муын. Яков ыстіс юӧртысьясӧс вокыс дінӧ,

Олӧм 32:4

тшӧктіс висьтавны сылы: «Исав ыджыдӧй, ме – тэнад Яков кесйӧгыд, ме дыр олі Лаван ордын.

Олӧм 33:13

Яков шуис сылы: «Ыджыдӧй, тэ тӧдан, мый челядьӧй нэриникӧсь. А ыжъясӧй да мӧсъясӧй вайсялӧм бӧраныс лысьтанаӧсь. Лунтыр кӧ тэрмӧдлӧмӧн вӧтлан найӧс, ставныс куласны.

2 Каднебӧг 20:10

Ӧні татчӧ локтӧны аммон войтыр, моавсаяс да Сеир керӧсвыв муын олысьяс. Кор израильсаяс локтісны Египет муысь, Тэ эн лэдз налы мунны тайӧ войтыръяслӧн муясӧд. Та вӧсна израильсаяс ордйисны налысь муяссӧ да эз бырӧдны найӧс.

Исай 40:11

Ыж видзысь моз Сійӧ видзӧ Ассьыс чукӧрсӧ, баляясӧс босьтӧ ки вылас да новлӧдлӧ Аслас морӧс бердын, вайсьӧм ыжъясӧс нуӧдӧ тӧждысьӧмӧн.

Езекиль 25:8

Господь Ыджыдыс тадзи висьталӧ: моавсаяс да Сеир керӧсвыв муын олысьяс шуӧны, Иуда войтыр пӧ оз торъяв мукӧд войтыръясысь.

Марк 4:33

Уна татшӧм велӧданвисьтӧн Исус юӧртіс налы Енлысь кывсӧ, мыйта найӧ вермисны гӧгӧрвоны.

Римӧ 15:1

Миянлы, вынаяслы, колӧ лоны бур сьӧлӧмаӧн вынтӧмъяс дінӧ налӧн вермытӧмлун дырйи, оз ков мӧвпавны куш ас йывсьыным.

1 Коринфӧ 3:2

Ме верді тіянӧс йӧлӧн, а эг чорыд сёянӧн, ӧд ті энӧ на вермӧй сёйны чорыдсӧ. Ті ӧнӧдз онӧ вермӧй сёйны сійӧс,

Индӧд 2:1

«Ми бӧр бергӧдчим да мунім овтӧминӧд Гӧрд саридзлань, кыдзи меным тшӧктіс Господь. Ми дыр мунім Сеир керӧсвыв му дінті.

Ёрдысьяс 5:4

Господьӧй, Сеир керӧсвыв муысь Тэнад лэччигӧн, Эдомсянь Тэнад восьлалігӧн, муыс дзӧрис, енэжсянь кымӧръяс кисьтісны зэр.