Олӧм 31:55 - Коми Библия 2023

⁵⁵ Лаван чеччис водз асывнас, окыштіс ассьыс нывъяссӧ да налысь ныв-писӧ, бурсиис найӧс, сэсся бӧр муніс аслас оланінӧ.

Олӧм 31:55 ပူးပေါင်းရင်းမြစ်များ

Олӧм 18:33

Тайӧс шуӧм бӧрын Господь муніс Ӧвраам дінысь. Ӧвраам бӧр бергӧдчис аслас оланінӧ.

Олӧм 24:60

Ревеккаӧс бурсиисны татшӧм кывъясӧн: «Чойӧ, мед чужасны тэсянь сюрсъяс! Тэсянь чужысьяс мед босьтасны найӧс мустӧмтысьяслысь каръяссӧ!»

Олӧм 28:1

Исаак корис Яковӧс, бурсиис да шуис: «Ханаанса нылӧс аслыд гӧтырӧ эн босьт.

Олӧм 30:25

Ракель чужтіс Ӧсипӧс. Та бӧрын Яков шуис Лаванлы: «Лэдз менӧ, ме муна гортӧ, аслам муӧ.

Олӧм 31:28

Тэ эн лэдз весиг окыштны ассьым нывъясӧс да налысь ныв-писӧ. Тэ мывкыдтӧма вӧчин.

Олӧм 31:43

Лаван вочавидзис Яковлы: «Тайӧ нывъясыс ӧд менам, налӧн челядьыс и пемӧсъясыс менам. Ставыс, мый тэнад син водзын – менам. Но мый ме верма вӧчны нывъяскӧд да налӧн челядькӧд, кодъясӧс найӧ чужтісны?

Олӧм 33:4

Исав котӧртіс сылы воча, кутліс сійӧс, топӧдіс морӧс бердас да окаліс. Найӧ кыкнанныс бӧрдісны.

Ӧксыяслӧн 2 небӧг 19:39

Сэсся став йӧзыс ӧксыкӧд вуджисны Йӧрдан ю сайӧ. Янсӧдчигас ӧксы окыштіс Барзиллайӧс да бурсиис сійӧс, и мӧдыс бӧр муніс гортас.

Псалтыр 76:10

Енмыс ӧмӧй вунӧдіс Ассьыс буралӧмсӧ, скӧралігас ӧмӧй дзикӧдз тупкис сьӧлӧмсӧ?

Шусьӧгъяс 16:7

Весиг мустӧмтысьяс бурасьӧны сыкӧд, кодлӧн туйыс Господьлы шогмана.

Лыд 23:11

Валак шуис Валаамлы: «Мый тэ мекӧд вӧчан? Ме кори тэнӧ ёрны меным паныд сувтысьясӧс, а тэ бурсиин найӧс!»

Лыд 23:5

Господь тшӧктіс Валаамлы бӧр мунны Валак дінӧ да висьтавны сійӧ, мый сетіс сылы шуны.

Лыд 23:8

Но кыдзи ме верма ёрны сійӧс, кодӧс Енмыс оз ёр? Кыдзи ме верма лёкӧдны сійӧс, кодӧс Господь оз лёкӧд?

Лыд 24:25

Сэсся Валаам мӧдӧдчис да бӧр муніс аслас оланінӧ, а Валак муніс аслас туйӧд.

Индӧд 23:5

Но Господь, тіян Енныд, эз кӧсйы кывзыны Валаамӧс. Господь, тіян Енныд, радейтӧ тіянӧс, та вӧсна Валаамлысь ёрӧмсӧ бергӧдіс бурсиӧмӧ.

Индӧд 32:36

Господь доръяс Ассьыс войтырсӧ, Сійӧ лоӧ бур сьӧлӧма Аслас кесйӧгъяс дінӧ, кор аддзас, мый налӧн выныс эз ло, мый ичӧтсянь ыджыдӧдз некод эз коль.

Руфа 1:14

Моньясыс бара кутісны бӧрдны. Орфа окыштіс Ноеминьӧс [да бӧр муніс ас войтырыс дінӧ], а Руфа кольччис Ноеминькӧд.