Олӧм 31:24 - Коми Библия 2023

²⁴ Войнас узигас арамей Лаванлы петкӧдчис Ен. Сійӧ шуис: «Эн вид Яковӧс».

Олӧм 31:24 ပူးပေါင်းရင်းမြစ်များ

Олӧм 20:3

Войнас Ен петкӧдчис Авимелеклы да шыасис сы дінӧ вӧтас: «Тэ кулан ань вӧсна, кодӧс босьтін аслыд, ӧд сылӧн эм верӧс».

Олӧм 20:6

Ен шуис сылы вӧтас: «Ме тӧда, тэнад сьӧлӧмыд сӧстӧм. Та вӧсна Ме видзи тэнӧ мыж вӧчӧмысь, эг лэдз инмӧдчывны ань дінӧ.

Олӧм 24:50

Лаван да Бетуэл вочавидзисны: «Тайӧ Господьсянь. Мый ми тані вермам шуны?

Олӧм 28:5

Исаак ыстіс Яковӧс, и сійӧ мӧдӧдчис Месопотамияӧ арамей Бетуэллӧн Лаван пиыс дінӧ. Лаван вӧлі Ревеккалӧн вокыс, Яковлӧн да Исавлӧн чожныс.

Олӧм 31:10

Ӧтчыд пемӧсъяслӧн тырсялан кадӧ ме аддзи вӧтӧн, мый сера, чутӧсь да паса ай кӧзаяс да межъяс чеччалӧны энь кӧзаяс да ыжъяс вылӧ.

Олӧм 31:11

Енлӧн андел шуис меным вӧтын: ”Яков!” Ме вочавидзи: ”Ме тані”.

Олӧм 31:23

Сэки Лаван чукӧртіс [пиянсӧ да] ассьыс рӧдвужсӧ да вӧтчис Яков бӧрся. Сизимӧд луннас Галаад керӧсвыв муын вӧтӧдіс сійӧс.

Олӧм 31:25

Лаван суӧдіс Яковӧс. Ассьыс чомъяссӧ Яков вӧлі зэвтӧма керӧс вылӧ. Лаван рӧдвужыскӧд тшӧтш зэвтісны чомъяснысӧ Галаад керӧсвыв муӧ.

Олӧм 31:29

Ме верми тіянлы лёк вӧчны, но тӧрыт войнас тіян батьныдлӧн Ен шуис меным: ”Эн вид Яковӧс”.

Олӧм 31:42

Эз кӧ вӧв мекӧд батьӧйлӧн Енмыс, Ӧвраамлӧн Енмыс, кодысь тшӧтш Исаак полӧ, тэ эськӧ ыстін менӧ куш киӧн. Енмыс аддзис менсьым мырсьӧмӧс да сьӧкыдалӧмӧс, та вӧсна дорйис менӧ войнас».

Олӧм 31:7

А сійӧ кымынысь пӧрйӧдліс менӧ, дасысь удждонӧс вежліс. Но Енмыс эз лэдз сылы меным лёксӧ вӧчны.

Олӧм 40:5

египетса ӧксылӧн вина кисьталысь да нянь пӧжалысь вӧт вӧталісны. Ӧти войӧ кыкнанныслӧн вӧлі аслыспӧлӧс вӧт.

Олӧм 41:1

Коли кык во. Фараон вӧтасис, быттьӧ сійӧ сулалӧ Нил ю дорын.

Ӧксыяслӧн 2 небӧг 13:22

Авессалом дугдіс сёрнитны Амнонкӧд, ӧд сійӧ ёна мустӧмтіс Амнонӧс Фамар чойсӧ янӧдӧмысь.

Ӧксыяслӧн 3 небӧг 3:5

Войнас Гаваонын Соломонлы вӧтас петкӧдчис Господь Ен да шуис: «Кор Менсьым, мый кӧсъян, и Ме сета тэныд».

Иов 33:25

Сэки сылӧн вир-яйыс выльмас, томлуныс сылы бӧр бергӧдчас.

Исай 37:29

Тэ кыпӧдчин Меным паныд, тэнад ышнясьӧмыд воис Менам пельӧдз. Таысь Ме сюя тэнад ныр розьӧ кольча да кӧртвомала тэнӧ, сэсся бӧр ыста тэнӧ сійӧ туйӧдыс, кыті тэ локтін.

Осий 12:12

Яков пышйис Арам муӧ, Израиль кесъяліс гӧтырпуыс вӧсна, гӧтырпуыс вӧсна сійӧ видзис ыжъясӧс.

Лыд 12:6

Господь шуис: «Кывзӧй Менсьым кывъясӧс. Эм кӧ тіян пӧвстын Менам пророк, сылы Ме восся петкӧдчылӧм пыр да сёрнита сыкӧд вӧтас.

Лыд 22:20

Войнас Ен локтіс Валаам дінӧ да шуис сылы: «Тайӧ йӧзыс кӧ локтісны тэнӧ корны, чеччы да мун накӧд. Но вӧч сӧмын сійӧ, мый Ме тэныд тшӧкта».

Лыд 22:26

Господьлӧн андел муніс водзӧджык да сувтіс сэтшӧм векньыдінӧ, мый осёлыс эз вермы воськовтны веськыдвылӧ ни шуйгавылӧ.

Лыд 24:13

мый Валак кӧ сетас меным весиг керка тыр зарни-эзысь, Господьлысь тшӧктӧмсӧ ме ог торк, ас кӧсйӧм серти бурсӧ ни лёксӧ ог вӧч. Мый Господь тшӧктас, сійӧс и кута висьтавны.

Матвей 1:20

Кор Ӧсип мӧвпаліс тадзи, Господьлӧн андел петкӧдчис сылы вӧтас да шуис: «Ӧсип, Давид пи, эн пов босьтны Мариятӧ гӧтырӧ. Сьӧлӧм улас сылӧн кагаыс Вежа Ловсянь.

Матвей 2:12

Узиганыс Ен ӧлӧдіс тӧдысьясӧс Ирӧд дінӧ бӧр мунӧмысь. Та вӧсна найӧ мӧдісны ас муаныс мӧд туйӧд.

Матвей 27:19

Сэки Пилатлӧн гӧтырыс мӧдӧдіс мыжданінӧ висьтавны верӧсыслы: «Тайӧ веськыда олысьыслы лёксӧ эн вӧч. Тавой вӧтын ме ёна шогси Сы понда».

Индӧд 26:5

И тэ аслад Господь Ен водзын шу: ”Батьӧй вӧлі арамса ветлысь-мунысь. Сійӧ локтіс Египетӧ да овмӧдчис сэтчӧ этшаник йӧзкӧд. Сысянь чужис уна лыда, ыджыд да ён войтыр.