Олӧм 29:33 - Коми Библия 2023

³³ Лия бара нӧбасис да чужтіс [Яковлы мӧд] пиӧс, сэк шуис: «Господь кыліс, мый ме абу муса верӧслы, да сетіс меным тайӧ писӧ». Сійӧ пуктіс пиыслы Симеон ним.

Олӧм 29:33 ပူးပေါင်းရင်းမြစ်များ

Олӧм 30:18

Сэк Лия шуис: «Енмыс меным водзӧс сетіс сыысь, мый ме сеті ассьым кесйӧг аньӧс верӧслы». Сійӧ пуктіс пиыслы Иссакар ним [нимыслӧн вежӧртасыс ”водзӧс сетӧм”].

Олӧм 30:20

Лия шуис: «Енмыс сетіс меным вывті бур козин. Менам верӧсӧй ӧні ме ордын кутас овны, ӧд ме квайт пиӧс сылы чужті». Сійӧ пуктіс пиыслы Завулон ним.

Олӧм 30:6

Ракель шуис: «Енмыс ме дор, кыліс менӧ да сетіс меным пиӧс». Та вӧсна сійӧ пуктіс пиыслы Дан ним.

Олӧм 30:8

Сэки Ракель шуис: «Ёна вермаси ме аслам чойкӧд да верми». Сійӧ пуктіс пиыслы Неффалим ним.

Олӧм 34:25

Коймӧд луннас, кор ставныс куйлісны эбӧстӧг, Яковлӧн Симеон да Левий пияныс, Диналӧн вокъясыс, босьтісны шыпуртнысӧ, повтӧг пырисны карас да виалісны став айуловсӧ.

Олӧм 34:30

Яков шуис Симеонлы да Левийлы: «Ті шогӧ уськӧдінныд менӧ. Ті вӧчинныд менӧ мустӧмӧн татчӧс олысьяслы, ханаансаяслы да перезейяслы. Ми ӧд этшаӧнӧсь. Найӧ кӧ чукӧртчасны миянлы паныд, сэки пасьвартасны миянӧс, бырӧдасны менӧ и гортсаӧс».

Олӧм 35:23

Лиялӧн пияныс вӧліны Рувим, Симеон, Левий, Иуда, Иссакар да Завулон. Рувим вӧлі Яковлӧн медводдза пиыс.

Олӧм 42:24

Ӧсип вешйис на дінысь да бӧрддзис. Сэсся бӧр локтіс да водзӧ сёрнитіс накӧд. Ӧсип босьтіс Симеонӧс да тшӧктіс вокъяслӧн син водзын кӧртавны сійӧс.

Езекиль 48:24

Венямин чужанкотырлӧн му лунвывладорын асыввывсянь рытыввылӧдз лоӧ Симеон чужанкотырлӧн муыс.

Лыд 34:20

Симеон чужанкотырысь Аммиудлысь Самуил писӧ,

Индӧд 21:15

Мортлӧн кӧ лоӧ кык гӧтыр, ӧтиыс муса, а мӧдыс мустӧм, и кыкнанныс чужтасны сылы пиянӧс, но медводдзаӧн чужас мустӧм гӧтырыслӧн пиыс,