Олӧм 29:31 - Коми Библия 2023

³¹ Господь [Ен] аддзис, мый Лия эз вӧв радейтана, да сетіс сылы сьӧктыны, а Ракель эз вермы сьӧктынысӧ.

Олӧм 29:31 ပူးပေါင်းရင်းမြစ်များ

Олӧм 11:30

Саралӧн эз вӧв ныв-пиыс, эз вермы сьӧктынысӧ да.

Олӧм 16:1

Ӧврамлӧн Сара гӧтырыс эз вермы сьӧктыны. Саралӧн вӧлі Агар нима египетса кесйӧг ань.

Олӧм 20:18

Ӧд Ӧвраамлӧн Сарра гӧтыр вӧсна Господь вӧчліс сідз, мый Авимелек керкаын аньясыс эз вермыны кынӧмасьнысӧ.

Олӧм 25:21

Исаак кевмысис Господьлы гӧтырыс вӧсна, ӧд гӧтырыс эз вермы сьӧктынысӧ. Господь кыліс сійӧс, и Ревекка кынӧмасис.

Олӧм 27:41

Батьыслӧн бурсиӧм вӧсна Исав кутіс мустӧмтны Яков воксӧ. Исав мӧвпыштіс: «Матысмӧны батьным вӧсна бӧрдан лунъяс. Сэки ме виа Яков вокӧс».

Олӧм 29:30

Яков узис Ракелькӧд. Сійӧ радейтіс Ракельӧс Лия дорысь ёнджыка да кесъяліс Лаванлы нӧшта на сизим во.

Олӧм 29:32

Лия нӧбасис да чужтіс [Яковлы] пиӧс, пуктіс сылы Рувим ним, ӧд шуис: «Господь аддзис менсьым шогсьӧмӧс [да сетіс меным пи]. Ӧні верӧсӧй кутас радейтны менӧ».

Олӧм 30:22

Енмыс эз вунӧд Ракельӧс, кыліс сійӧс да сетіс сьӧктыны сылы.

Олӧм 35:23

Лиялӧн пияныс вӧліны Рувим, Симеон, Левий, Иуда, Иссакар да Завулон. Рувим вӧлі Яковлӧн медводдза пиыс.

Псалтыр 127:3

Тэнад керкаын гӧтырыд лоӧ вотӧс вайысь виноград пу кодь. Пызан сайын тэнад пияныд лоӧны олив пулӧн вожъяс кодьӧсь.

Петӧм 3:7

Господь шуис Мӧисейлы: «Ме аддзи, кыдзи сьӧкыдалӧ Менам войтырӧй Египетын. Ме кылі, кыдзи ойзӧны найӧ уджӧдысьяслӧн нартитӧмысь. Налысь шогсӧ Ме тӧда.

Малакий 1:3

а Исавӧс Ме мустӧмті. Исавлысь керӧсвыв мусӧ Ме вӧчи овтӧминӧн, сеті сійӧс шакалъяслы.

Матвей 10:37

Кодлы бать-мамыс Ме дорысь мусаджык, Меным сійӧ оз шогмы. Кодлы ныв-пиыс Ме дорысь мусаджык, Меным сійӧ оз шогмы.

Матвей 6:24

Морт оз вермы кесъявны кык ыджыдлы. Ӧтисӧ кӧ радейтӧ, мӧдсӧ мустӧмтӧ. Ӧтисӧ кӧ пыдди пуктӧ, мӧдсӧ увтыртӧ. Ті онӧ вермӧй кесъявны Енлы, кесъяланныд кӧ озырлунлы».

Лука 1:7

Челядьыс налӧн эз вӧв, ӧд Елизавета эз вермы вайны кагасӧ, да и кыкнанныс вӧліны нин ыджыд арлыдаӧсь.

Лука 14:26

«Ме дінӧ локтысьлы кӧ бать-мамыс, гӧтырыс, ныв-пиыс, чой-вокыс да аслас олӧмыс Ме дорысь мусаджык, сійӧ оз вермы лоны Менам велӧдчысьӧн.

Иоан 12:25

Тэныд кӧ муса олӧмыд, воштан сійӧс. Мустӧмтан кӧ ассьыд олӧмтӧ тайӧ муюгыдас, видзан сійӧс помтӧм олӧмӧ.

Ап. уджъяс 7:8

Ен кӧрталіс Ӧвраамкӧд йитӧд, кодӧс вынсьӧдіс вундыштчӧмӧн. Ӧвраамлӧн чужис Исаак, кӧкъямысӧд луннас Ӧвраам вундыштіс сійӧс. Исаак вундыштіс Яковӧс, а Яков вундыштіс ассьыс дас кыкнан писӧ, миянлысь батьяснымӧс.

Индӧд 21:15

Мортлӧн кӧ лоӧ кык гӧтыр, ӧтиыс муса, а мӧдыс мустӧм, и кыкнанныс чужтасны сылы пиянӧс, но медводдзаӧн чужас мустӧм гӧтырыслӧн пиыс,

Руфа 4:13

Вооз босьтіс Руфаӧс гӧтырӧ да узис сыкӧд. Господь сетіс Руфалы кынӧмасьны, и сійӧ чужтіс пиӧс.

Ӧксыяслӧн 1 небӧг 1:20

Анна кутіс нӧбасьны. Кад мысти сійӧ чужтіс пиӧс да пуктіс сылы Самуил ним, ӧд шуис, Господьлысь [Ен Саваофлысь] пӧ ме кори сійӧс.

Ӧксыяслӧн 1 небӧг 1:27

Тайӧ кагасӧ ме сэки кори Господьлысь, и Господь сетіс сійӧс меным.

Ӧксыяслӧн 1 небӧг 1:5

Анналы жӧ сійӧ чуктӧдліс торъя юкӧн, ӧд сійӧс [ёнджыка] радейтіс, кӧть сылы Господь эз сет чужтыны ныв-пиӧс.

Ӧксыяслӧн 1 небӧг 2:21

Господь эз вунӧд Аннаӧс. Сійӧ чужтіс нӧшта куим пиӧс да кык нылӧс. А Самуил пиыс быдмис Господь водзын.