Олӧм 22:6 - Коми Библия 2023

⁶ Ӧвраам босьтіс пессӧ да пуктіс Исааклы пельпом вылас. Ачыс босьтіс бива, пурт да мӧдӧдчис Исааккӧд.

Олӧм 22:6 ပူးပေါင်းရင်းမြစ်များ

Олӧм 22:5

Кесйӧгъясыслы Ӧвраам шуис: «Кольччӧй татчӧ, видзӧдӧй осёл бӧрся, а ми пикӧд ветлам да копыртчылам Енлы, сэсся бӧр локтам».

Ӧксыяслӧн 4 небӧг 2:6

Илля бара шуис Елисейлы: «Кольччы татчӧ, а менӧ Господь тшӧктӧ мунны Йӧрдан ю дорӧ». Но Елисей вочавидзис: «Ловъя Господь водзын да тэ водзын шуа: ме тэысь ог кольччы». И найӧ водзӧ мунісны.

Исай 53:6

Ми ставным вӧлім вошӧм ыжъяс кодьӧсь, быдӧн кежим асланым туй вылӧ, но Господь пуктіс Сы вылӧ ставнымлысь мыжъяснымӧс.

Матвей 8:17

медым иніс Исай пророклӧн шуӧмыс: – Сійӧ босьтіс миянлысь нёрпалӧмнымӧс, нуис миянлысь висьӧмнымӧс.

Иоан 19:17

Крестсӧ нуигтыр Исус кайис Юр лы нима керӧсӧ, еврей ногӧн Голгопа керӧсӧ.

1 Петыр 2:24

Миянлысь мыжъяснымӧс Аслас вир-яйын Сійӧ кыпӧдіс крест вылӧ, медым ми дугдім вӧчны мыжсӧ да олім веськыда. Сылӧн дойясӧн ті бурдінныд.