Ӧксыяслӧн 4 небӧг 9:6 - Коми Библия 2023

⁶ Еху чеччис да пырис сыкӧд керкаас. Сэні пророк-велӧдчысь кисьтіс сылы юр вылас вый да шуис: «Господь, Израильлӧн Ен, тадзи висьталӧ: ”Ме мавтышта тэнӧ ӧксыӧ Господьлӧн войтырлы – Израильлы.

Ӧксыяслӧн 4 небӧг 9:6 ပူးပေါင်းရင်းမြစ်များ

Ӧксыяслӧн 3 небӧг 1:34

Сэні Садок поп да Нафан пророк мед мавтыштӧмӧн пуктасны сійӧс ӧксыӧ Израильлы. Сэсся буксан шы улӧ гораа горзӧй: ”Мед олас Соломон ӧксы!”

Ӧксыяслӧн 3 небӧг 10:9

Ошкӧм Господьлы, тэнад Енлы! Аслас кӧсйӧм серти Сійӧ пуксьӧдіс тэнӧ Израильлӧн юралан пуклӧсӧ. Господь дугдывтӧг радейтӧ Израиль войтырӧс, та вӧсна пуктіс тэнӧ ӧксыӧ, медым тэ юралін да мыждін веськыда».

Ӧксыяслӧн 3 небӧг 14:7

Мун да висьтав Еровамлы, мый Господь, Израильлӧн Ен, тадзи висьталӧ: ”Ме бӧрйи тэнӧ войтыр пӧвстысь да пукті веськӧдлыны Менам Израиль войтырӧн.

Ӧксыяслӧн 3 небӧг 16:2

«Ме лэпті тэнӧ няйтысь да пукті ӧксыӧ Аслам Израиль войтырлы. Но тэ ветлін Еровамлӧн туйӧд да кежӧдін Менсьым Израиль войтырӧс мыжас. Мыж вӧчӧмнаныс найӧ скӧрмӧдісны Менӧ.

Ӧксыяслӧн 3 небӧг 19:16

А Израиль войтырлы мавтыштӧмӧн пукты ӧксыӧ Нимшилысь Еху писӧ. Пророкӧ ас пыддиыд мавтышт Авел-Мехолаысь Елисейӧс, Шафатлысь писӧ.

Ӧксыяслӧн 3 небӧг 3:8

Тэнад бӧрйӧм войтырлӧн лыдыс сы мында, мый некод оз вермы лыддьыны-артавнысӧ, а Ме, тэнад кесйӧг – налӧн веськӧдлысь.

Ӧксыяслӧн 4 небӧг 9:3

Сэні кисьт сылы юр вылас дозсьыд выйтӧ да шу, мый Господь тадзи висьталӧ: ”Ме мавтышта тэнӧ ӧксыӧ Израиль войтырлы”. Сэсся восьт ӧдзӧссӧ да котӧрӧн пышйы сэтысь».

Ӧксыяслӧн 4 небӧг 9:5

Кор воис сэтчӧ, аддзис тышкайӧзӧн веськӧдлысьясӧс, найӧ ставныс пукалісны ӧтлаын. Пророк-велӧдчысь шыасис: «Веськӧдлысьӧй, менам эм сёрни тэ дінӧ». Еху юаліс: «Код дінӧ миян пиысь?» Пророк-велӧдчысь вочавидзис: «Тэ дінӧ, веськӧдлысьӧй».

2 Каднебӧг 22:7

Но Енмыслӧн вӧлі шуӧма, мый Иорам дінӧ Ахазийлӧн локтӧмыс вайӧдас сійӧс кулӧмӧдз. Локтӧм бӧртиыс Ахазий Иорамкӧд мунісны Нимшилӧн Еху пи дінӧ, кодӧс Господь вӧлі мавтыштӧма, медым сійӧ бырӧдас Ахавлысь рӧдсӧ.

Псалтыр 2:6

«Ме мавтышті Ассьым Ӧксыӧс да сувтӧді Сійӧс Сионӧ, Менам вежа керӧс вылӧ».

Псалтыр 75:6

Тышкайӧзӧс кыйисны, унмыс личкис найӧс, налӧн киясыс вынтӧммисны.

Исай 45:1

Господь тадзи висьталӧ Кирлы, Аслас мавтыштӧмалы: – Ме кута тэнӧ веськыд киӧдыд, сета тэнад киӧ войтыръясӧс, тэнад кипод улӧ – ӧксыясӧс, тэ водзвылын восьта ӧдзӧсъяс, ог лэдз пӧдлавны дзиръяяс.

Даниил 2:21

Сійӧ вежлалӧ кадъяс да вояс, вештӧ ӧксыясӧс да сувтӧдӧ выльясӧс, мывкыдаяслы Сійӧ сетӧ мывкыдлун, вежӧраяслы – вежӧрлун.

Даниил 4:17

Тэ аддзылін пу, коді вӧлі ыджыд да ён, йывнас сійӧ инмис енэжӧдзыс, тыдаліс му помӧдзыс.

Даниил 4:32

Мувывса олысьяс Сы водзын – нинӧм кодьӧсь. Енэжвыв тышкакотыръяскӧд да мувывса олысьяскӧд Сійӧ вӧчӧ, кыдзи кӧсйӧ. Некод оз вермы кутны Сылысь кисӧ да шуны: ”Мый Тэ вӧчан?”

Ӧксыяслӧн 1 небӧг 10:1

Самуил босьтіс вый тыра доз да кисьтіс Сауллы юр вылас. Сэсся окыштіс сійӧс да шуис: «Господь мавтыштӧма тэнӧ, мед пуктыны тэнӧ юралысьӧ Аслас войтырлы [Израильын. Тэ лоан ӧксыӧн Господьлӧн войтырлы, мездан найӧс на гӧгӧр олысь вӧрӧгъясысь. Со, тэныд пас, мый Ачыс Господь мавтыштӧма тэнӧ ӧксыӧ, мед веськӧдлыны Сылӧн войтырӧн].

Ӧксыяслӧн 1 небӧг 2:7

Господь гӧльмӧдӧ и озырмӧдӧ, улӧ пуктӧ и вылӧ кыпӧдӧ.

Ӧксыяслӧн 1 небӧг 2:8

Коньӧрӧс Сійӧ лэптӧ бус пытшкысь, гӧльӧс перйӧ няйтысь, пуксьӧдӧ найӧс ыджыдалысьяскӧд орччӧн, сетӧ налы нималана пуклӧс. Господь кутӧ мулысь подувсӧ, сы вылӧ пуктӧма муюгыдсӧ.