Ӧксыяслӧн 4 небӧг 9:35 - Коми Библия 2023

³⁵ Но Езавельлӧн шойысла мунысьяс юрлыыс да ки-кокыс кындзи нинӧм эз аддзыны.

Ӧксыяслӧн 4 небӧг 9:35 ပူးပေါင်းရင်းမြစ်များ

Ӧксыяслӧн 4 небӧг 9:10

А Езавельлысь шойсӧ сёясны понъяс Изреель кар сайын, и некод сійӧс оз гуав”». Сэсся пророк-велӧдчысь восьтіс ӧдзӧссӧ да пышйис.

Ӧксыяслӧн 4 небӧг 9:34

Еху пырис ӧксы керкаӧ, сёйис-юис да шуис: «Тӧждысьӧй тайӧ ёрӧм аньлӧн шойыс вӧсна, гуалӧй сійӧс, ӧд сійӧ ӧксылӧн ныв».

Ӧксыяслӧн 4 небӧг 9:36

Кор локтісны да висьталісны та йылысь Ехулы, сійӧ шуис: «Господьлӧн шуӧмыс иніс. Аслас тишбиса Илля кесйӧг пыр Господь шуліс: ”Изреель кар сайын понъяс сёясны Езавельлысь шойсӧ.

Иов 31:3

Бырӧдӧмыс ӧмӧй оз вичмы мыж вӧчысьлы, шогыс – лёк вӧчысьлы?

Еклесиаст 6:3

Мортыд вермас дыр овны, сылӧн вермас чужны сё ныв-пи, но сійӧ кӧ оз нимкодясь аслас овмӧс-эмбурнас, и кулӧм бӧрас сійӧс оз дзебны, шуа, мый чӧвтчӧм кага сы дорысь шудаджык.

Еремей 22:19

Сійӧс гуаласны осёлӧс моз. Сылысь шойсӧ кыскасны да шыбитасны ерусалимса дзиръя сайӧ.

Еремей 36:30

Та вӧсна иудаса Ехояким ӧксы йылысь Господь тадзи висьталӧ: сысянь чужысь оз кут пукавны Давидлӧн юралан пуклӧсын. Сылысь шойсӧ лоӧ шыбитӧма. Луннас гожйыс пондас сотны сійӧс, а войнас кӧдзыдыс – кынтыны.

Ап. уджъяс 12:23

Сэки Господьлӧн андел чорыда дойдіс Ирӧдӧс, ӧд Енлы пыдди сійӧ аслыс босьтіс ошкӧмсӧ. Сійӧс ловъявывсьыс сёйисны номыръяс.