Ӧксыяслӧн 4 небӧг 9:33 - Коми Библия 2023

³³ «Шыбитӧй тайӧ аньсӧ!» – тшӧктіс Еху. Найӧ шыбитісны Езавельӧс ӧшиньӧдыс. Сылӧн вирыс резыштіс стенмас и вӧвъяс вылӧ. Еху аслас тарантасӧн муніс ань вывті.

Ӧксыяслӧн 4 небӧг 9:33 ပူးပေါင်းရင်းမြစ်များ

Ӧксыяслӧн 3 небӧг 21:11

Навотлӧн карын олысь юрнуӧдысьяс да нималана йӧз вӧчисны, кыдзи тшӧктіс налы Езавель аслас ыстӧм гижӧдын.

Ӧксыяслӧн 4 небӧг 7:20

Тадзи сыкӧд и лоис. Дзиръяӧд петіганыс йӧзыс талялісны тайӧ мортсӧ, и сійӧ кувсис.

Ӧксыяслӧн 4 небӧг 9:26

”Тӧрыт Ме аддзылі Навотлысь да пияныслысь вирсӧ, – висьталӧ Господь. – Тані Ме водзӧс перъя тэнсьыд на вӧсна, – висьталӧ Господь”. Сідзкӧ, босьт да шыбит Иорамлысь шойсӧ тайӧ видз-му вылас».

Ӧксыяслӧн 4 небӧг 9:32

Ӧшиньлань юрсӧ лэптӧмӧн Еху юаліс: «Эм-ӧ тані кодкӧ ме дор?» Ӧшиньӧдыс мыччысисны кык-куим ыджыд чина морт.

Ӧксыяслӧн 4 небӧг 9:34

Еху пырис ӧксы керкаӧ, сёйис-юис да шуис: «Тӧждысьӧй тайӧ ёрӧм аньлӧн шойыс вӧсна, гуалӧй сійӧс, ӧд сійӧ ӧксылӧн ныв».

Исай 25:10

Аслас киӧн Господь видзӧ тайӧ керӧссӧ. Но Моавӧс лоӧ талялӧма аслас оланінын, кыдзи идзас талялӧны куйӧдын.

Исай 26:6

Ӧні сійӧс талялӧны кокнаныс, гӧльяс ветлӧны сы вывті, коньӧръяс тувччалӧны сэті.

Бӧрданкыв 1:15

Господь ӧтдортіс менсьым ён йӧзӧс, индіс-юӧртіс кад, медым бырӧдны менсьым зонъясӧс. Пычкан гуын виноградӧс моз Господь таляліс Иудалысь нывсӧ!

Микей 7:10

Тайӧс аддзас менӧ мустӧмтысь, коді шуавліс меным, кӧні пӧ Господь, тэнад Енмыд. Сійӧ яналас, а ме аддза, кыдзи туйвыв няйтӧс моз сійӧс таляласны.

Закар 10:5

Найӧ лоӧны вына тышкайӧз кодьӧсь, таляласны вӧрӧгӧс кокувса няйтӧс моз. Найӧ вермасны тышын, ӧд накӧд лоӧ Господь, найӧ янӧдасны вӧрӧглысь верзьӧмаяссӧ.

Малакий 4:3

Менам индӧм лунӧ ті понданныд талявны лёк вӧчысьясӧс, бус чирӧдз ниртанныд найӧс кок уланыд, – висьталӧ Господь Саваоф.

Матвей 5:13

«Ті – муюгыдыслы солыс. Но воштас кӧ солыс ассьыс вынсӧ, кыдзи сійӧс бӧр соланас вӧчан? Сэки сійӧ нинӧм вылӧ оз шогмы, сійӧс сӧмын койыштӧны ветлысьяс кок улӧ.

Еврейяслы 10:29

сідзкӧ, кымын пӧв чорыдджыка лоӧ мыждӧма сійӧс, коді талялӧ Енлысь Писӧ, оз лыддьы вежаӧн Енкӧд йитысь да эскысьӧс вежӧдысь вирсӧ, да нӧшта лёкӧдӧ Ловсӧ, коді восьтӧ Енлысь буралӧмсӧ.