Ӧксыяслӧн 4 небӧг 9:32 - Коми Библия 2023

³² Ӧшиньлань юрсӧ лэптӧмӧн Еху юаліс: «Эм-ӧ тані кодкӧ ме дор?» Ӧшиньӧдыс мыччысисны кык-куим ыджыд чина морт.

Ӧксыяслӧн 4 небӧг 9:32 ပူးပေါင်းရင်းမြစ်များ

Ӧксыяслӧн 4 небӧг 9:31

Кор Еху вӧлі пырӧ карса дзиръяӧд, Езавель горӧдіс: «Бурмис-ӧ тэнад сьӧлӧмыд? Зимри моз тэ виин ассьыд ӧксытӧ».

Ӧксыяслӧн 4 небӧг 9:33

«Шыбитӧй тайӧ аньсӧ!» – тшӧктіс Еху. Найӧ шыбитісны Езавельӧс ӧшиньӧдыс. Сылӧн вирыс резыштіс стенмас и вӧвъяс вылӧ. Еху аслас тарантасӧн муніс ань вывті.

Ӧксыяслӧн 4 небӧг 9:7

Тэ бырӧдан аслад Ахав ыджыдлысь рӧдсӧ. Тадзи Ме, Господь, водзӧс перъя пророкъяс вӧсна да Аслам став мукӧд кесйӧгъяс вӧсна, кодъясӧс виис Езавель.

1 Каднебӧг 12:18

Сэки Енлӧн Лолыс лэччис Амасай вылӧ, комын тышкамортӧн веськӧдлысь вылӧ, и сійӧ шуис: Ми – тэнад йӧз, Давид, ми тэкӧд, Ессейлӧн пи! Лӧнь олӧм тэныд, лӧнь олӧм тэнад отсасьысьяслы! Тэнад Енмыд отсалӧ тэныд. Давид сибӧдіс локтысьясӧс да пуктіс найӧс веськӧдлыны тышкайӧзӧн.

2 Каднебӧг 11:12

Быд карын видзисны сайӧдъяс да шыяс. Ровоам зумыда вынсьӧдіс тайӧ каръяссӧ. Тадзи Иуда да Венямин муяс колины сылӧн кипод улӧ.

Эсфир 1:10

Сизимӧд луннас винаысь гажмӧм Артаксеркс ӧксы корис ас дінас ассьыс сизим кесъялысь евнукӧс: Мехуманӧс, Биззетӧс, Харвонӧс, Бигтайӧс, Авагтайӧс, Зетарӧс да Каркасӧс.

Эсфир 2:15

Кор Абихайллӧн Эсфир нывлы, кодӧс Мардокей аслас дядьлӧн кулӧм бӧрын босьтіс ныв пыдди, воис кад мунны ӧксы дінӧ, сійӧ нинӧм эз кор, а босьтіс сӧмын сійӧ, мый вӧзйис сылы ӧксылӧн Гегай евнук, аньясӧс видзысь. Быдӧнлы, коді аддзыліс Эсфирӧс, сійӧ воис сьӧлӧм вылас.

Эсфир 2:21

Кор Мардокей кесъяліс ӧксы дінын, Бигтан да Тереш нима евнукъяс, кодъяс видзисны ӧксылысь вежӧсъяс, [Мардокейӧс пыдди пуктӧмысь] чорыда скӧралісны Артаксеркс ӧксы вылӧ да дасьтысисны вины сійӧс.

Псалтыр 118:6

Ме кӧ тӧд вылын кута Тэнсьыд тшӧктӧмъястӧ, меным оз ло яндзим.

Петӧм 32:26

Чомъяс сулаланінӧ пыранін дорын Мӧисей горӧдіс: «Коді Господьлӧн, мед локтас ме дінӧ!» Сы дінӧ локтісны Левий чужанкотырысь пиян.

Ап. уджъяс 12:20

Ирӧд вӧлі скӧрмӧма Тир да Сидон карса олысьяс вылӧ. Найӧ ӧтвыв сёрнитчӧмӧн локтісны Ирӧд дінӧ бурасьӧм могысь, ӧд ӧксылӧн муыс вердіс найӧс. Найӧ эскӧдісны Властӧс, ӧксы керкаӧн веськӧдлысьӧс, мед сувтас на дор.