Ӧксыяслӧн 4 небӧг 9:30 - Коми Библия 2023

³⁰ Еху локтіс Изреельӧ. Кор Езавель тӧдмаліс став лоӧмтор йывсьыс, мавтіс синсӧ, баситіс-лӧсьӧдіс юрсисӧ да сувтіс видзӧдны ӧшинь дорас.

Ӧксыяслӧн 4 небӧг 9:30 ပူးပေါင်းရင်းမြစ်များ

Ӧксыяслӧн 3 небӧг 16:9

Элай ӧксылӧн Зимри нима кесйӧгыс, коді веськӧдліс тарантаса джын тышкакотырӧн, гусьӧн кыпӧдчис ӧксылы паныд. Ӧтчыд Тирза карын, ӧксы керкаӧн веськӧдлысь Арс нима морт ордын, Элай ӧксы коддзытӧдзыс юис.

Ӧксыяслӧн 3 небӧг 21:23

Езавель йылысь Господь шуӧ: ”Езавельлысь шойсӧ сёясны понъяс Изреель кар сайын.

Шусьӧгъяс 6:25

Сьӧлӧмад эн ышты сылӧн мичлуныс вылӧ, [синмыд мед оз корсь сійӧс,] син лапйӧдлӧмнас мед оз тывйышт тэнӧ.

Шусьӧгъяс 7:10

Сылы воча петіс аньыс, кырсалан паськӧма, наян сьӧлӧма,

Еремей 4:30

А тэ, пазӧдӧм кар, мый вӧчан? Тэ пасьталан пемыдгӧрд паськӧм, мичмӧдан асьтӧ зарни мичмӧдчанторъясӧн, мавтан синдорыштӧ. Но весьшӧрӧ тэ мичмӧдан асьтӧ, ӧд тэнад мусукъясыд мустӧмтӧны тэнӧ, найӧ кӧсйӧны босьтны тэнсьыд олӧмтӧ.

Езекиль 23:40

Но тайӧ абу на ставыс. Огола да Оголива, ассьыныд йӧзнытӧ ті мӧдӧдлінныд ылі муясӧ, медым корны сэтысь айуловӧс. Налӧн локтігкежлӧ ті мыссьывлінныд, мавтлінныд синнытӧ да ӧшлінныд ас выланыд мичмӧдчанторъяс.

Езекиль 24:17

Ас кежсьыд сьӧлӧмад шогсьы, кулӧма вӧсна бӧрдӧдчӧм эн вӧч. Шогалысьяслы вайӧм нянь эн сёй, чужӧмтӧ эн тупкы, быд лунӧ моз ов юркӧртӧдӧн да кӧмӧн».

1 Петыр 3:3

Энӧ тӧждысьӧй мичмӧдны асьнытӧ ортсысяньыс: юрсинытӧ баситӧмӧн, зарни ӧшлӧмӧн да дона паськӧмӧн.

Ӧксыяслӧн 1 небӧг 29:1

Филистимсаяс чукӧртісны став ассьыныс тышкайӧзсӧ Афекӧ, а израильсаяс сувтісны чукӧрнас Изреельӧ ва петанін дорӧ.