Ӧксыяслӧн 4 небӧг 9:28 - Коми Библия 2023

²⁸ Ахазийлӧн кесйӧгъяс нуисны сылысь шойсӧ Ерусалимӧ да дзебисны Давид карӧ аслас дзебанінӧ батьясыскӧд орччӧн.

Ӧксыяслӧн 4 небӧг 9:28 ပူးပေါင်းရင်းမြစ်များ

Ӧксыяслӧн 3 небӧг 2:10

Давид куліс да вуджис батьясыс дінӧ. Сійӧс дзебисны Давид карӧ.

Ӧксыяслӧн 4 небӧг 12:21

Виысьяснас вӧліны Шимеаталӧн Иозакар пиыс да Шомерлӧн Ехозавад пиыс. Йоасӧс дзебисны Давид карӧ батьясыскӧд орччӧн. Йоас бӧрти ӧксыӧ пуксис сылӧн Амасей пиыс.

Ӧксыяслӧн 4 небӧг 23:20

Вись ваян мылькъяс вылын кесъялысь попъясӧс Иосей виис налӧн висьпуктанінъяс вылын, тшӧтш сотіс сэні шойнаысь перйӧм лыяссӧ. Та бӧрын ӧксы бӧр локтіс Ерусалимӧ.

Ӧксыяслӧн 4 небӧг 23:30

Иосейлӧн кесйӧгъясыс вайисны Мегиддоысь сылысь шойсӧ Ерусалимӧ да дзебисны сійӧс аслас дзебанінӧ. Сэсся Иуда войтыр мавтыштіс Иосейлысь Иохаз писӧ да пуктіс сійӧс ӧксыӧ Иосей батьыс пыдди.

Ӧксыяслӧн 4 небӧг 8:24

Иорам куліс да вуджис батьясыс дінӧ. Сійӧс дзебисны Давид пӧльыслӧн карӧ батьясыскӧд орччӧн. Иорам бӧрти ӧксыӧ пуксис сылӧн Ахазий пиыс.

2 Каднебӧг 22:9

Сэсся Еху тшӧктіс корсьны Ахазийӧс, коді вӧлі дзебсясьӧ Самарияын. Аддзӧм бӧрын сійӧс вайӧдісны Еху дінӧ да виисны. Ахазийӧс дзебисны сӧмын сылӧн Иосафат пӧль вӧснаыс, коді став сьӧлӧмсяньыс корсис Господьӧс. Ахазийлӧн рӧдысь некод эз коль, коді эськӧ вермис пуксьыны ӧксыӧ.

2 Каднебӧг 25:28

Амасейлысь шойсӧ вайисны вӧв вылын Ерусалимӧ да дзебисны сійӧс Давид карӧ батьясыскӧд орччӧн.

2 Каднебӧг 35:24

Кесйӧгъясыс босьтісны сійӧс тарантассьыс, пуктісны мӧд тарантасӧ да нуисны Ерусалимӧ. Сэні сійӧ кувсис. Сійӧс дзебисны батьясыслӧн дзебанінӧ. Став Иуда войтырыс да Ерусалимын олысьяс бӧрдісны Иосей вӧсна.