Ӧксыяслӧн 4 небӧг 9:17 - Коми Библия 2023

¹⁷ Изреельын башня вывсянь видзӧдысь аддзис Ехулысь тышкайӧзсӧ да горӧдіс: «Тышкайӧз локтӧны!» Иорам шуис: «Мӧдӧд налы паныд верзьӧмаӧс юавны, бур могӧн-ӧ найӧ локтӧны?»

Ӧксыяслӧн 4 небӧг 9:17 ပူးပေါင်းရင်းမြစ်များ

Ӧксыяслӧн 2 небӧг 13:34

Авессаломыд жӧ пышйис». Карсӧ видзысьясысь ӧти видзӧдліс да аддзис керӧсвыв туйӧд лэччысь уна йӧзӧс. [Карсӧ видзысь локтіс да юӧртіс ӧксылы, ме пӧ аддзылі Орон туйӧд керӧс вывсянь локтысь йӧзӧс.]

Ӧксыяслӧн 2 небӧг 18:24

Давид сэки пукаліс карса стенлӧн ортсы да пытшкӧс дзиръяяс костын. Карсӧ видзысь кайис карса пыранінлӧн вевт вылас да аддзис котӧртысь мортӧс.

Ӧксыяслӧн 3 небӧг 2:15

Адоний шуис: «Тэ ӧд тӧдан, мый юралӧмыс вӧлі менам киын, Израиль войтыр весиг сибӧдіс менӧ ӧксыӧс моз. Но ӧксыӧ ме пыдди пуксис менам вокӧй, ӧд тадзи вӧлі шуӧма Господь.

Ӧксыяслӧн 4 небӧг 7:14

Доддялісны кык тарантас. Ӧксы тшӧктіс мунысьяслы вӧтчыны арамейяс бӧрся да видзӧдлыны, мый вӧчсьӧ.

Ӧксыяслӧн 4 небӧг 9:11

Кор Еху бӧр бергӧдчис ӧксылӧн киподувса веськӧдлысьяс дінӧ, найӧ юалісны сылысь: «Ставыс-ӧ тэнад бур? Мыйла воліс тэ дінӧ тайӧ выжывыс?» Еху вочавидзис: «Ті ӧд асьныд тӧданныд, мыйсяма тайӧ морт, и мый сійӧ вермас висьтавны».

Ӧксыяслӧн 4 небӧг 9:16

Ачыс Еху пуксис аслас тарантасӧ да муніс Изреельӧ, кӧні куйліс израильса Иорам ӧксы. [Сійӧс ёна дойдалісны арамейяс Рамот кар вӧсна тышкасигӧн, кор сійӧ вермасис арамейяслӧн вына да ён Азаил ӧксыкӧд.] Сэтчӧ Иорамӧс видлыны локтіс тшӧтш иудаса Ахазий ӧксы.

Ӧксыяслӧн 4 небӧг 9:18

Верзьӧма петіс налы воча да шуис: «Ӧксы юасьӧ, бур могӧн-ӧ ті локтанныд?» Еху вочавидзис: «Тэныд мыйла тайӧс тӧднысӧ? Бергӧд вӧвтӧ да лок ме бӧрся». Башня вывсянь видзӧдысь юӧртіс ӧксылы, верзьӧмаыд пӧ воис на дінӧдз, но бӧрсӧ оз лок.

Ӧксыяслӧн 4 небӧг 9:19

Сэки мӧдӧдісны мӧд верзьӧмаӧс. Сійӧ муніс да шуис Ехулӧн тышкайӧзлы: «Ӧксы юасьӧ, бур могӧн-ӧ ті локтанныд?» Еху вочавидзис: «Тэныд мыйла тайӧс тӧднысӧ? Бергӧд вӧвтӧ да лок ме бӧрся».

Исай 56:10

Израильӧс видзысьяс синтӧмӧсь, ставныс найӧ мывкыдтӧмӧсь – увтны вермытӧм понъяс, найӧ нюжӧдчӧмаӧсь да вугралӧны, радейтӧны узьны.

Исай 62:6

Ерусалим, тэнад стенъяс вылӧ Ме сувтӧді кар видзысьясӧс, лун и вой налӧн гӧлӧс шыныс оз ланьтлы. – Ті, Господь дінӧ шыасьысьяс, энӧ чӧв олӧй!

Ӧксыяслӧн 1 небӧг 16:4

Самуил вӧчис, кыдзи тшӧктіс сылы Господь. Кор сійӧ локтіс Виплиемӧ, карса юрнуӧдысьяс полігтыр вочаалісны сійӧс да юалісны: «Бур могӧн-ӧ локтін миян дінӧ?»

Ӧксыяслӧн 1 небӧг 17:22

Давид колис нопсӧ эмбур видзысьлы, сэсся котӧрӧн муніс тышкайӧз пӧвстӧ. Сэні чолӧмасис вокъясыскӧд.