Ӧксыяслӧн 4 небӧг 9:14 - Коми Библия 2023

¹⁴ Нимши Иосафатлӧн Еху пиыс кыпӧдчис Иорам ӧксылы паныд. Иорам став израильса тышкайӧзкӧд вӧлі галаадса Рамот карын, дорйис карсӧ арамейяслӧн Азаил ӧксыысь.

Ӧксыяслӧн 4 небӧг 9:14 ပူးပေါင်းရင်းမြစ်များ

Ӧксыяслӧн 3 небӧг 15:27

Иссакар чужанкотырысь Ахийлӧн Ваас пиыс гусьӧн кыпӧдчис Надавлы паныд да виис сійӧс филистимса Гиббетон карын. Буретш сэки Надав израильса тышкайӧзкӧд вӧлі кытшалӧны Гиббетон кар.

Ӧксыяслӧн 3 небӧг 16:16

Кор израильса тышкайӧз тӧдмалісны, мый Зимри кыпӧдчӧма Элай ӧксылы паныд да виӧма сійӧс, сійӧ жӧ лунӧ Израиль войтырлы ӧксыӧ пуктісны Омриӧс, тышкайӧзӧн веськӧдлысьӧс.

Ӧксыяслӧн 3 небӧг 16:7

Но Еху пророк пыр, коді вӧлі Хананилӧн пи, Господьлӧн вӧлі шуӧма нин бырӧдны Ваасӧс да сылысь рӧдсӧ. Ӧд Ваас виис Еровамлысь рӧдсӧ, но ачыс Еровам рӧд моз вӧчис Господь водзын шогмытӧмсӧ да скӧрмӧдіс Сійӧс.

Ӧксыяслӧн 3 небӧг 16:9

Элай ӧксылӧн Зимри нима кесйӧгыс, коді веськӧдліс тарантаса джын тышкакотырӧн, гусьӧн кыпӧдчис ӧксылы паныд. Ӧтчыд Тирза карын, ӧксы керкаӧн веськӧдлысь Арс нима морт ордын, Элай ӧксы коддзытӧдзыс юис.

Ӧксыяслӧн 3 небӧг 22:3

Израильса ӧксы шуис аслас кесйӧгъяслы: «Ті ӧд тӧданныд, мый галаадса Рамот кар – миян. Мый нӧ ми сы дыра чӧв олам да огӧ босьтӧй сійӧс арамейяслӧн ӧксылысь».

Ӧксыяслӧн 4 небӧг 10:9

Асывнас Еху муніс карса дзиръя дорӧ да шыасис став войтырыс дінӧ: «Ті абу мыжаӧсь. Ме кыпӧдчи аслам ӧксылы паныд да вии сійӧс. А тайӧясӧс коді виис?

Ӧксыяслӧн 4 небӧг 12:21

Виысьяснас вӧліны Шимеаталӧн Иозакар пиыс да Шомерлӧн Ехозавад пиыс. Йоасӧс дзебисны Давид карӧ батьясыскӧд орччӧн. Йоас бӧрти ӧксыӧ пуксис сылӧн Амасей пиыс.

Ӧксыяслӧн 4 небӧг 15:30

Ремальлӧн Пеках пилы паныд кыпӧдчис Элайлӧн Осий пиыс да виис сійӧс. Ачыс сы пыдди пуксис ӧксыӧ. Тайӧ вӧлі иудаса Озей Иотам ӧксылӧн кызьӧд веськӧдлан воӧ.

Ӧксыяслӧн 4 небӧг 8:28

Ахавлӧн Иорам пикӧд Ахазий петіс тышӧ арамейяслӧн Азаил ӧксылы паныд. Найӧ тышкасисны галаадса Рамот карын, кӧні арамейяс дойдісны Иорамӧс.

Ӧксыяслӧн 4 небӧг 8:29

Медым бурдны тайӧ дойяссьыс, Иорам бӧр локтіс Изреельӧ. Иудаса Ахазий ӧксы локтіс Изреельӧ видлыны доймалӧм Иорам ӧксыӧс.

Ӧксыяслӧн 4 небӧг 9:2

Кор воан сэтчӧ, корсь сэтысь Нимши Иосафатлысь Еху писӧ. Матыстчы сы дінӧ, чукӧст сійӧс ёртъяс пӧвстсьыс да нуӧд пыді вежӧсас.

Ӧксыяслӧн 4 небӧг 9:31

Кор Еху вӧлі пырӧ карса дзиръяӧд, Езавель горӧдіс: «Бурмис-ӧ тэнад сьӧлӧмыд? Зимри моз тэ виин ассьыд ӧксытӧ».