Ӧксыяслӧн 4 небӧг 8:5 - Коми Библия 2023

⁵ Кор Гезий вӧлі висьталӧ, кыдзи Елисей ловзьӧдіс кулӧм мортӧс, ӧксы дінӧ локтіс сійӧ аньыс, кодлысь писӧ Елисей ловзьӧдіс. Ань корис ӧксылысь ассьыс мусӧ да керкасӧ. Гезий шуис: «Ӧксыӧй-ыджыдӧй, тайӧ – буретш сійӧ аньыс да сылӧн пиыс, кодӧс Елисей ловзьӧдіс».

Ӧксыяслӧн 4 небӧг 8:5 ပူးပေါင်းရင်းမြစ်များ

Ӧксыяслӧн 3 небӧг 20:1

Арамейяслӧн Бен-Хадад ӧксы чукӧртіс ассьыс тышкайӧзсӧ. Сыкӧд тшӧтш тышӧ петісны сылӧн киподувса комын кык ӧксы асланыс вӧвъясӧн да тарантасъясӧн. Бен-Хадад уськӧдчис Самария кар вылӧ да кытшаліс сійӧс.

Ӧксыяслӧн 4 небӧг 4:12

Аслас Гезий кесйӧглы Елисей тшӧктіс корны шунемса аньӧс ас дінас. Кесйӧг корис аньӧс, и сійӧ локтіс да сувтіс Гезий водзӧ.

Ӧксыяслӧн 4 небӧг 4:35

Елисей чеччис, ӧтарӧ-мӧдарӧ ветлӧдлыштіс да бара водіс-нюжӧдчис зонка вылӧ. Зонка сизимысь несйыштіс да восьтіс синсӧ.

Ӧксыяслӧн 4 небӧг 6:12

Веськӧдлысьяс пӧвстысь ӧти шуис: «Некод, ӧксыӧй-ыджыдӧй. Но Израильын эм Елисей нима пророк. Сійӧ висьтавлӧ израильса ӧксылы ставсӧ, весиг сійӧ, мый йылысь тэ, ӧксыӧй, сёрнитан аслад узьлан жырйын».

Ӧксыяслӧн 4 небӧг 6:26

Ӧтчыд израильса ӧксы вӧлі мунӧ карса стен вывті. Сэки ӧти ань гораа шыасис сы дінӧ: «Отсав меным, ӧксыӧй-ыджыдӧй!»

Ӧксыяслӧн 4 небӧг 8:6

Ӧксы юасис аньлысь лоӧмтор йывсьыс, а мӧдыс ставсӧ сьӧрсьӧн-бӧрсьӧн висьталіс сылы. Сэки ӧксы тшӧктіс аслас ыджыд чина мортлы отсавны тайӧ аньыслы. Ӧксы шуис: «Видзӧд, мед аньлысь став овмӧссӧ бӧр сетасны сылы. Нӧшта аньлы мед мынтысясны няньсьыс, мый сылӧн му вылын быдмис сійӧ лунсяньыс, кор сійӧ петіс тайӧ мусьыс».

Эсфир 5:14

Сэки Зереш гӧтырыс да ёртъясыс шуисны Аманлы: «Тшӧкты сувтӧдны ветымын гырддза судта пу сюръя. Асывнас ӧксылы шу, мед тшӧктас ӧшӧдны сэтчӧ Мардокейӧс. Сэки нимкодь сьӧлӧмӧн верман мунны ӧксыкӧд гаж вылад». Аманлы сьӧлӧм вылас воис татшӧм вӧзйӧмыс, и сійӧ тшӧктіс сувтӧдны пу сюръя.

Псалтыр 145:1

Аллилуйя! Ошкы Господьӧс, менам лолӧй!

Шусьӧгъяс 16:9

Мортыд бӧрйӧ ассьыс туйсӧ, а Господь веськӧдлӧ сылӧн воськовъясӧн.

Еклесиаст 9:11

Нӧшта ме аддзылі шонді улас, мый панласигӧн тэрыба котӧртысь оз век ло вермысьӧн, медвына тышкасьысь оз век вермы тышын, мывкыдалӧн абу пыр няньыс, вежӧралӧн абу пыр озырлуныс, кужысь морт дінӧ оз век буравны. Быдӧнлӧн аслас кад да аслас олан туй.

Римӧ 8:31

Мый та вылӧ шуам? Енмыс кӧ миян дор, коді миянлы паныд?

Руфа 2:3

Руфа локтіс вундысьяс дінӧ да пондіс ӧктыны на бӧрся усьласьӧм шепсӧ. Сійӧ, вӧлӧмкӧ, веськалӧма Воозлӧн видз-му вылӧ.

Ӧксыяслӧн 1 небӧг 26:17

Саул тӧдіс Давидлысь гӧлӧссӧ да юаліс: «Тэнсьыд-ӧ гӧлӧс шытӧ кыла, Давид пиӧй?» Давид вочавидзис: «Менсьым, ӧксыӧй-ыджыдӧй».