Ӧксыяслӧн 4 небӧг 8:28 - Коми Библия 2023

²⁸ Ахавлӧн Иорам пикӧд Ахазий петіс тышӧ арамейяслӧн Азаил ӧксылы паныд. Найӧ тышкасисны галаадса Рамот карын, кӧні арамейяс дойдісны Иорамӧс.

Ӧксыяслӧн 4 небӧг 8:28 ပူးပေါင်းရင်းမြစ်များ

Ӧксыяслӧн 3 небӧг 19:17

Азаиллӧн шыпуртысь пышйысьӧс виас Еху, а Ехулӧн шыпуртысь пышйысьӧс виас Елисей.

Ӧксыяслӧн 3 небӧг 22:29

Израильса Ахав ӧксы да иудаса Иосафат ӧксы уськӧдчисны галаадса Рамот кар вылӧ.

Ӧксыяслӧн 3 небӧг 4:13

Бен-Гевер юраліс Галаад муын Рамот карын. Сы кипод улын вӧліны Галаадын Манассейсянь чужысь Яирлӧн сиктъяс, нӧшта Васанын Аргов му, стенъясӧн кытшалӧм да ыргӧн иганъяс сайын сулалысь квайтымын ыджыд кар.

Ӧксыяслӧн 4 небӧг 3:7

Сійӧ мӧдӧдіс иудаса Иосафат ӧксы дінӧ ассьыс йӧзсӧ да тшӧктіс висьтавны сылы: «Моавса ӧксы кыпӧдчис меным паныд. Мунан-ӧ тэ мекӧд тышӧ Моавлы паныд?» «Муна, – вочавидзис Иосафат. – Ме муна тэ моз тышӧ. Менам тышкайӧзӧй мунасны тэнад тышкайӧзыд моз, менам вӧвъясӧй мунасны тэнад вӧвъясыд моз».

Ӧксыяслӧн 4 небӧг 8:15

Мӧд луннас Азаил босьтіс шебрас, кӧтӧдіс сійӧс ваӧн да пуктіс ӧксылы чужӧм вылас, и ӧксы куліс. Азаил пуксис сы пыдди ӧксыӧ.

Ӧксыяслӧн 4 небӧг 8:29

Медым бурдны тайӧ дойяссьыс, Иорам бӧр локтіс Изреельӧ. Иудаса Ахазий ӧксы локтіс Изреельӧ видлыны доймалӧм Иорам ӧксыӧс.

Ӧксыяслӧн 4 небӧг 9:1

Елисей пророк корис ӧти пророк-велӧдчысьӧс да шуис сылы: «Вӧнясь, босьт тайӧ вый тыра дозсӧ да мун галаадса Рамот карӧ.

Ӧксыяслӧн 4 небӧг 9:14

Нимши Иосафатлӧн Еху пиыс кыпӧдчис Иорам ӧксылы паныд. Иорам став израильса тышкайӧзкӧд вӧлі галаадса Рамот карын, дорйис карсӧ арамейяслӧн Азаил ӧксыысь.

Ӧксыяслӧн 4 небӧг 9:15

Тыш дырйи арамейяс ёна дойдісны Иорам ӧксыӧс, та вӧсна сійӧ бӧр муніс Изреельӧ, мед бурдӧдчыны. Тышкайӧзӧн веськӧдлысьяслы Еху шуис: «Ті кӧ ме дор, сідзкӧ, некодлы энӧ лэдзӧй петны карсьыс нуны юӧр Изреельӧ».

Ӧксыяслӧн 4 небӧг 9:16

Ачыс Еху пуксис аслас тарантасӧ да муніс Изреельӧ, кӧні куйліс израильса Иорам ӧксы. [Сійӧс ёна дойдалісны арамейяс Рамот кар вӧсна тышкасигӧн, кор сійӧ вермасис арамейяслӧн вына да ён Азаил ӧксыкӧд.] Сэтчӧ Иорамӧс видлыны локтіс тшӧтш иудаса Ахазий ӧксы.

2 Каднебӧг 18:31

Кор тарантаса тышкайӧзӧн веськӧдлысьяс аддзисны Иосафатӧс, чайтісны, мый сійӧ израильса ӧксы. Найӧ кытшалісны сійӧс, медым уськӧдчыны сы вылӧ. Но Иосафат кутіс горзыны, и Господь отсаліс сылы. Енмыс ылыстіс найӧс сы дінысь.

2 Каднебӧг 19:2

Иосафат ӧксылы воча петіс Еху нима пророк, Хананилӧн пиыс, да шуис: «Мыйла тэ отсалін лёк вӧчысьлы? Мыйла тэ Господьӧс мустӧмтысьясӧс радейтан? Таысь тэнӧ суас Господьлӧн скӧрлуныс.

2 Каднебӧг 22:5

Налӧн туйдӧдӧм серти израильса Иорам ӧксыкӧд, Ахавлӧн пикӧд, Ахазий петіс тышӧ арамейяслӧн Азаил ӧксылы паныд. Найӧ тышкасисны галаадса Рамот карын, кӧні арамейяс дойдісны Иорамӧс.

Нав Исус 20:8

А Йӧрдан ю сайысь, Ерикон кар асыввылысь, торйӧдісны татшӧм каръяс: Рувим чужанкотырлӧн муысь овтӧминса вывтасінын сулалысь Бецер кар, Гад чужанкотырлӧн Галаад муысь Рамот кар да Манассей чужанкотырлӧн Васан муысь Голан кар.

Нав Исус 21:38

Гад чужанкотырлӧн Галаад муысь налы вичмис Рамот кар, кытчӧ вермас пышйыны морт виысь, да сыгӧгӧрса видзьяс. Налы вичмисны тшӧтш да Маханаим кар да сыгӧгӧрса видзьяс,