Ӧксыяслӧн 4 небӧг 8:26 - Коми Библия 2023

²⁶ Ӧксыӧ пуксигас сылы вӧлі кызь кык арӧс. Ӧти во чӧж сійӧ юраліс Ерусалимын. Сылӧн мамыс вӧлі Аталия, израильса Омри ӧксылӧн нылыс.

Ӧксыяслӧн 4 небӧг 8:26 ပူးပေါင်းရင်းမြစ်များ

Олӧм 24:48

Ме муӧдзыс копыртчӧмӧн юрбиті Господьлы. Ме ошки Господьӧс, менам Ӧвраам ыджыдлысь Енсӧ, коді веськыд туйӧд вайӧдіс менӧ, медым ыджыдӧйлӧн вокыслысь нывсӧ босьтны пиыслы гӧтырӧ.

Ӧксыяслӧн 3 небӧг 16:22

Омри дор сулалысьыс вӧлі унджык, та вӧсна найӧ вермисны Гинатлӧн Тивни пи дор сулалысьясӧс. Тивни куліс, а ӧксыӧ пуксис Омри.

Ӧксыяслӧн 3 небӧг 16:23

Иудаса Аса ӧксылӧн комын ӧтиӧд веськӧдлан воӧ Израиль муын ӧксыӧ пуксис Омри. Ӧксыаліс сійӧ дас кык во, квайт восӧ юраліс Тирза карын.

Ӧксыяслӧн 4 небӧг 11:1

Ахазийлӧн Аталия мамыс кор тӧдмаліс пиыслӧн кулӧм йылысь, шуис бырӧдны иудаса ӧксы рӧдысь став писӧ.

2 Каднебӧг 22:2

Ӧксыӧ пуксигас сылы вӧлі кызь кык арӧс. Ӧти во чӧж сійӧ юраліс Ерусалимын. Сылӧн мамыс вӧлі Аталия, Омрилӧн нылыс.