Ӧксыяслӧн 4 небӧг 7:9 - Коми Библия 2023

⁹ Сэсся найӧ шуисны ӧта-мӧдныслы: «Ми вӧчам шогмытӧма, огӧ кӧ талун висьталӧй тайӧ бур юӧрсӧ. Асылӧдзыс кӧ огӧ юӧртӧй та йылысь ӧксынымлы, миянӧс мыждасны. Мунамӧй карӧ да висьталамӧй ставсӧ ӧксылӧн йӧзыслы».

Ӧксыяслӧн 4 небӧг 7:9 ပူးပေါင်းရင်းမြစ်များ

Ӧксыяслӧн 4 небӧг 5:4

Нееман муніс аслас ӧксы дінӧ да юӧртіс сылы, мый висьталіс израильса нывка.

Ӧксыяслӧн 4 небӧг 7:10

Проказаӧн висьысьяс бӧр локтісны да висьталісны карса дзиръя видзысьяслы: «Ми вӧлім арамейяслӧн сувтанінын. Сэні весиг ӧти морт абу, оз кыв некутшӧм шы. Сӧмын домалӧм вӧв-осёлныс да эновтӧм чомъясныс сулалӧны сэні».

Ӧксыяслӧн 4 небӧг 7:3

Карса дзиръя дорын пукалісны проказаӧн висьысь нёль морт. Найӧ шуалісны ӧта-мӧдныслы: «Мый ми пукалам тані да виччысям ассьыным кулӧмнымӧс.

Ӧксыяслӧн 4 небӧг 7:6

Господь вӧчис сідзи, мый арамейяс кылісны тарантас шыяс, вӧвъяслысь гӧрдлӧм да уна тышкайӧзлысь шы. Арамейяс шуалісны ӧта-мӧдныслы: «Израильса ӧксы, буракӧ, медаліс хеттейяслысь да египетсаяслысь ӧксыясӧс, мед уськӧдчыны миян вылӧ».

Ӧксыяслӧн 4 небӧг 7:8

Проказаӧн висьысьяс матыстчисны арамейяслӧн сувтанін дорӧ да пырисны ӧти чомйӧ. Сэні найӧ сёйисны-юисны, босьтісны сэтысь зарни-эзысь да паськӧм, сэсся мунісны да дзебисны ставсӧ, мый босьтісны. Найӧ бӧр локтісны да пырисны мӧд чомйӧ. Сэтысь тшӧтш босьтісны мыйсюрӧ, мунісны да дзебисны ставсӧ.

Шусьӧгъяс 24:16

Веськыда олысь сизимысь усьлас, но бӧр чеччас, а мыж вӧчысь лёкас крукасяс.

Исай 41:27

Ме медводдзаӧн висьталі та йылысь Сионлы, Ме мӧдӧді юӧртысьӧс Ерусалимӧ.

Исай 52:7

Кутшӧм шензьӧданаӧсь кокъясыс сылӧн, коді керӧсъяс вывті нуӧ бур юӧр, юӧртӧ лӧнь олӧм йылысь, вайӧ нимкодь юӧр, висьталӧ мездмӧм йылысь, Сионлы шуӧ: «Тэнад Енмыд ӧксыалӧ!»

Наум 1:15

Со, керӧсъяс вывті локтӧ бур юӧр вайысь. Сійӧ лӧнь олӧм йылысь юӧртӧ: – Иуда, пасйы гажӧдчан лунъястӧ, вай кыв сетан висьястӧ. Лёк йӧз оз нин мунны тэнад муӧд, найӧс дзикӧдз бырӧдӧма!

Лыд 32:23

Но онӧ кӧ тадзи вӧчӧй, Господьлы паныд мыж вӧчанныд и мыж вӧснаныд асьныд кывкутанныд.

Лука 2:10

Андел шуис налы: «Энӧ полӧй! Ме висьтала тіянлы нимкодьсьыс-нимкодь юӧр, тайӧ ваяс ыджыд долыдлун став войтырлы.

Филипӧ 2:4

да тӧждысьӧ оз сӧмын ас вӧснаыс, тшӧтш мукӧдыс вӧсна.