Ӧксыяслӧн 4 небӧг 7:6 - Коми Библия 2023

⁶ Господь вӧчис сідзи, мый арамейяс кылісны тарантас шыяс, вӧвъяслысь гӧрдлӧм да уна тышкайӧзлысь шы. Арамейяс шуалісны ӧта-мӧдныслы: «Израильса ӧксы, буракӧ, медаліс хеттейяслысь да египетсаяслысь ӧксыясӧс, мед уськӧдчыны миян вылӧ».

Ӧксыяслӧн 4 небӧг 7:6 ပူးပေါင်းရင်းမြစ်များ

Ӧксыяслӧн 2 небӧг 10:6

Аммонсаяс казялісны, мый найӧ лоины мустӧмӧсь Давидлы. Найӧ медалісны отсӧг вылӧ Бет-Реховысь да Цоваысь кызь сюрс пода арамейӧс, Маакаысь [амаликъяслӧн] ӧксылысь – сюрс тышкамортӧс да Истовысь – дас кык сюрс тышкамортӧс.

Ӧксыяслӧн 2 небӧг 5:24

Кор тэ кылан шы, быттьӧ пуяс йывті кодкӧ восьлалӧ, сэки уськӧдчы. Тӧд, мый Господь мунӧ тэ водзвылын, медым пасьвартны филистимса тышкайӧзӧс».

Ӧксыяслӧн 3 небӧг 10:29

Египетысь вайӧм тарантасыс сулаліс квайтсё сикель эзысь, а вӧлыс – сё ветымын. Соломон ӧксылӧн вузасьысьяс ставсӧ тайӧс вайлісны тшӧтш хеттей войтырлӧн ӧксыяслы да арамейяслӧн ӧксыяслы.

Ӧксыяслӧн 3 небӧг 20:20

Быд тышкаморт виис арамейӧс. Арамейяс пышйисны, а израильсаяс вӧтӧдісны найӧс. Арамейяслӧн Бен-Хадад ӧксы мукӧд верзьӧмаяскӧд пышйис аслас вӧв вылын.

Ӧксыяслӧн 4 небӧг 19:7

Ме ыста ассурса ӧксы пытшкӧ сэтшӧм лов, мый юӧр кылӧм бӧрти сійӧ бӧр бергӧдчас аслас муӧ. Сэні Ме вӧча сідзи, мый сійӧ кулас шыпурт помысь”».

Ӧксыяслӧн 4 небӧг 7:5

Рытъя рӧмыднас найӧ мӧдӧдчисны арамейяслӧн сувтанінӧ. Кор воисны сэтчӧ, некодӧс эз аддзыны.

Иов 15:21

Повзьӧдлан шы жвиньгӧ сылӧн пеляс, лӧньлун дырйи локтӧ сійӧс бырӧдысь.

Псалтыр 14:5

Сьӧмсӧ водзӧсӧн сетӧмысь сійӧ бӧрсӧ унджык оз босьт, козинъяс оз босьт, медым мыждыны мыжтӧм мортӧс. Тадзи вӧчысь некор оз усь.

Исай 31:1

Курыд шог налы, кодъяс мунӧны Египетӧ отсӧгла! Найӧ лача кутӧны вӧвъяс вылӧ, тарантасъяслӧн уна лыдыс вылӧ да верзьӧмаяслӧн выныс вылӧ, а Израильлӧн вежа Ен вылӧ оз видзӧдны, Господь дінӧ отсӧгла оз шыасьны.

Исай 36:9

Тэ он вермы вӧтлыны аслад муысь весиг ӧти веськӧдлысьӧс, менам ыджыдлы медічӧт кесъялысьӧс. Но тэ лача кутан Египет вылӧ, сылӧн тарантасъяс да вӧвъяс вылӧ!

Еремей 46:21

Египетлӧн медалӧм тышкайӧзыс тшӧгӧдӧм ӧшпиян кодьӧсь, но весиг найӧ уськӧдчисны пышйыны. Найӧ котӧртӧны, оз сувтлыны, ӧд воис найӧс бырӧдан луныс, воис найӧс мыждан кадыс.

Езекиль 1:24

Ме кылі налӧн бордъяслысь шысӧ. Сійӧ вӧлі бузгысь ыджыд ва кодь, Ставсӧвермысьлӧн гӧлӧс шы кодь. Ловъя олысьяслӧн муніганыс борд шыныс вӧлі уна лыда тышкайӧзлӧн восьлалӧм шы кодь. А кор найӧ сувтлісны, борднысӧ лэдзлісны.

Езекиль 10:5

Херувимъяслӧн борд шыныс кыліс весиг ортсы йӧрӧдз, сійӧ вӧлі Ставсӧвермысь Енлӧн гӧлӧс шы кодь.

Восьтӧм 9:9

Выланыс вӧлі кышӧд, быттьӧ кӧртысь дорӧма. Налӧн бордъясыс швачкисны зэв гораа, быттьӧ тарантаса уна вӧв котӧртӧны тышӧ.

Ёрдысьяс 7:21

Найӧ сулалісны мадианса тышкайӧзлӧн чомъяс гӧгӧр, а мадиансаяс горзӧмӧн котралісны ӧтарӧ-мӧдарӧ, кӧсйисны пышйыны.

Ӧксыяслӧн 1 небӧг 14:15

Филистимсаяслӧн чукӧртчанінын да тышкасянінын став йӧзыс зэв ёна повзисны. Водзын мунысь да мусӧ куштысь тышкакотыръясӧс дзӧрӧм босьтіс. [Найӧ весиг эз кӧсйыны тышӧ петны.] Муыс сыркмунліс. Господь ыстіс йӧзыслы полӧм.

Ӧксыяслӧн 1 небӧг 26:6

Давид шыасис хеттей войтырысь Ахимелек дінӧ да Саруялӧн Авишай пи дінӧ, Йоавлӧн вокыс дінӧ: «Коді мунас мекӧд Саул дінӧ?» Авишай вочавидзис: «Ме муна».