Ӧксыяслӧн 4 небӧг 7:16 - Коми Библия 2023

¹⁶ Сэки войтырыс петіс карсьыс, муніс да кушӧдз куштіс арамейяслысь чомъяснысӧ. Господьлӧн шуӧм серти ӧти куд тыр медбур пызьсӧ сэки вузалісны ӧти сикельысь, та донысь жӧ вузалісны кык куд тыр ид пызь.

Ӧксыяслӧн 4 небӧг 7:16 ပူးပေါင်းရင်းမြစ်များ

Ӧксыяслӧн 4 небӧг 7:1

Елисей шуис: «Кывзӧй Господьлысь кывсӧ! Господь тадзи висьталӧ: ”Аски тайӧ кадас Самария карса дзиръя дорын ӧти куд тыр медбур пызьсӧ пондасны вузавны ӧти сикельысь, та донысь жӧ пондасны вузавны кык куд тыр ид пызь”».

Ӧксыяслӧн 4 небӧг 7:15

Найӧ вӧтчисны арамейяс бӧрся Йӧрдан ю дорӧдз. Туй вылас туплясис паськӧм-кӧлуй, мый арамейяс вӧлі шыблалӧмаӧсь тэрмасьӧмӧн пышйиганыс. Мӧдӧдӧмаяс бӧр локтісны да юӧртісны та йылысь ӧксылы.

2 Каднебӧг 20:25

Кор Иосафат аслас тышкайӧзкӧд пондісны чукӧртны вӧрӧглысь эмбурсӧ, найӧ аддзисны уна кӧлуй, паськӧм да озырлун. Найӧ чукӧртісны аслыныс сы мында, мый эз вермыны весиг нунысӧ. Эмбурыс вӧлі зэв уна, сійӧс ковмис чукӧртны куим лун чӧж.

Псалтыр 68:12

Кор ме пасьтала шогалан паськӧм, сэки ме йылысь кывбертӧны.

Псалтыр 68:13

Кар дзиръя дорын пукалысьяс ме йылысь суклясьӧны, вина юысьяс сьылӧны ме йылысь.

Исай 33:1

Курыд шог тэныд, бырӧдысь, кодӧс эз на бырӧдны. Курыд шог тэныд, ылӧдчысь, кодӧс эз на ылӧдлыны. Кор тэ дугдан бырӧднытӧ, тэнӧ асьтӧ бырӧдасны. Кор тэ дугдан ылӧдчынытӧ, тэнӧ асьтӧ ылӧдласны.

Исай 33:23

Кор тэнад гезъясыд личаласны, оз нин вермыны кутны шолга да зэвтны тӧвдӧра, сэки кутан юклыны тышын шедӧдӧм ыджыд эмбуртӧ, весиг чотысьяс уськӧдчасны юклыны сійӧс.

Исай 33:4

Сійӧ, мый найӧ мырддялісны тыш дырйи, налысь йирасны лёльӧ моз, сы вылӧ уськӧдчасны саранча моз.

Исай 44:26

Ме збыльмӧда сійӧ, мый юӧртіс Менам кесйӧгӧй, вӧча сійӧ, мый висьталісны Меӧн мӧдӧдӧмаяс. Ме висьтала, мый Ерусалимӧс бара лоӧ овмӧдӧма, Иуда каръясӧс выльысь лоӧ лэптӧма. Ме выльысь кыпӧда бырӧдӧм каръяс.

Лыд 23:19

Енмыс абу морт, оз ылӧдчы. Сійӧ абу морт, кывсӧ оз вежлав. Мый шуас, сійӧс и вӧчас. Мый кӧсйысяс, сійӧс и збыльмӧдас.

Матвей 24:35

Енэжыс да муыс бырас, а Менам кывъясӧй оз бырны.

Ӧксыяслӧн 1 небӧг 17:53

Филистимсаясӧс вӧтӧдӧм бӧрын израильсаяс бӧр локтісны, медым босьтны ставсӧ, мый филистимсаяс эновтісны.