Ӧксыяслӧн 4 небӧг 7:13 - Коми Библия 2023

¹³ Ӧксылӧн кесъялысьяс пиысь ӧти шуис: «Мӧдӧдамӧй ассьыным йӧзӧс видзӧдлыны, мый вӧчсьӧ. Найӧ мед босьтасны ловйӧн кольӧм вӧвъяс пӧвстысь вит вӧлӧс. Мӧдӧдӧм йӧзӧс вермасны вины, но найӧ мед оз повны. Найӧс ӧд тшӧтш виччысьӧ кулӧм уна лыда Израиль войтырӧс моз – миянӧс моз, кодъяс колим тайӧ карас, и на моз, кодъяс кулісны нин».

Ӧксыяслӧн 4 небӧг 7:13 ပူးပေါင်းရင်းမြစ်များ

Ӧксыяслӧн 4 небӧг 5:13

Нееманлӧн кесйӧгъяс матыстчисны сы дінӧ да шуисны: «Ыджыдӧй, пророк кӧ тшӧктіс тэныд вӧчны мыйкӧ ыджыдджыктор, тэ ӧмӧй эн вӧч? А ӧні сійӧ тшӧктіс тэныд сӧмын мыссьыны, мед тэ сӧстӧммин».

Ӧксыяслӧн 4 небӧг 6:33

Налӧн сёрнитігкості пырис на дінӧ ӧксылӧн мӧдӧдӧм мортыс да шуис, кыдзи ӧксы тшӧктіс: «Тайӧ ыджыд шогсӧ ыстіс миянлы Господь! Мый меным водзӧ виччысьны Сысянь?»

Ӧксыяслӧн 4 небӧг 7:12

Ӧксы чеччис войнас да шуис аслас йӧзлы: «Ме тӧда, мый кӧсйӧны вӧчны миянлы арамейяс. Найӧ эновтісны сувтанінсӧ да кытчӧкӧ дзебсисны, ӧд тӧдӧны миян тшыгъялӧм йылысь да виччысьӧны, кор ми петам асланым карысь. Найӧ кӧсйӧны босьтны миянӧс ловйӧн да пырны миян карӧ».

Ӧксыяслӧн 4 небӧг 7:14

Доддялісны кык тарантас. Ӧксы тшӧктіс мунысьяслы вӧтчыны арамейяс бӧрся да видзӧдлыны, мый вӧчсьӧ.

Ӧксыяслӧн 4 небӧг 7:4

Карас кӧ пырам, сэні тшыгйысла кулам, татчӧ кӧ кольччам, тшӧтш кулам. Вай мунамӧй арамейяслӧн сувтанінӧ. Миянӧс кӧ найӧ оз вины, кутам овны, а виасны кӧ – кулам».

Еремей 14:18

Видз-му вылын куйлӧны шыпуртӧн виӧмаяс, карын – тшыгъялӧмысь кулӧмаяс. Пророк да поп шӧйтӧны-ветлӧны му вывті, оз тӧдны, мый вӧчны.

Бӧрданкыв 4:9

Шыпурт помысь кулысьяс тшыглы кулысьяс дорысь шудаджыкӧсь, ӧд тшыгъялысь лунысь-лун омӧльтчӧ, нянь абутӧмысла кулӧ.