Ӧксыяслӧн 4 небӧг 6:9 - Коми Библия 2023

⁹ А Енлӧн морт Елисей тайӧ кадас ыстыліс юӧр израильса ӧксылы, мед сійӧ оз мун сэтчӧ, кытчӧ лӧсьӧдчӧны локны арамейяс.

Ӧксыяслӧн 4 небӧг 6:9 ပူးပေါင်းရင်းမြစ်များ

Ӧксыяслӧн 3 небӧг 20:13

Сэки ӧти пророк локтіс израильса Ахав ӧксы дінӧ да шуис: «Господь тадзи висьталӧ: ”Аддзан-ӧ тайӧ уна лыда тышкайӧзсӧ? Талун Ме сета найӧс тэнад киӧ, медым тэ тӧдін, мый Ме – Господь”».

Ӧксыяслӧн 3 небӧг 20:28

Сэки израильса ӧксы дінӧ матыстчис Енлӧн морт да шуис: «Господь тадзи висьталӧ: ”Арамейяс шуӧны, Господь пӧ керӧсъяслӧн ен, абу ковтыслӧн ен. Та вӧсна Ме сета налысь уна лыда тышкайӧзсӧ тэнад киӧ. Сэки ті тӧдмаланныд, мый Ме – Господь”».

Ӧксыяслӧн 4 небӧг 4:1

Ӧти пророк-велӧдчысьлӧн гӧтырыс бӧрдӧмӧн висьталіс Елисейлы: «Менам верӧсӧй, тэнад кесйӧгыд, куліс. Тэ ачыд тӧдан, мый сійӧ оліс Господьысь полӧмӧн. А ӧні сійӧ мортыс, кодлы ми уджйӧзаӧсь, кӧсйӧ босьтны менсьым кыкнан пиӧс аслыс кесйӧг пыдди».

Ӧксыяслӧн 4 небӧг 4:27

Керӧс вылӧ Енлӧн морт дінӧ воӧм бӧрын ань уськӧдчис да шашаритчис сылы кокас. Гезий матыстчис, мед вештыны сійӧс, но Енлӧн морт шуис: «Эн вӧрӧд. Сылӧн ыджыд шог. Господь дзебис тайӧс меысь, и эз висьтав меным».

Ӧксыяслӧн 4 небӧг 4:7

Ань муніс да ставсӧ висьталіс Енлӧн морт Елисейлы. Елисей шуис: «Мун, вузав выйтӧ да мынты уджйӧзтӧ. А мый коляс, сійӧ мед лоӧ тэныд да пияныдлы олӧм вылӧ».

Ӧксыяслӧн 4 небӧг 6:10

Израильса ӧксы мӧдӧдліс ассьыс йӧзсӧ сійӧ местаас, мый йылысь висьтавліс Енлӧн морт. Татшӧм ногӧн Елисей унаысь ӧлӧдліс ӧксыӧс.

Ӧксыяслӧн 4 небӧг 6:12

Веськӧдлысьяс пӧвстысь ӧти шуис: «Некод, ӧксыӧй-ыджыдӧй. Но Израильын эм Елисей нима пророк. Сійӧ висьтавлӧ израильса ӧксылы ставсӧ, весиг сійӧ, мый йылысь тэ, ӧксыӧй, сёрнитан аслад узьлан жырйын».

Ӧксыяслӧн 4 небӧг 6:8

Арамейяслӧн ӧксы тышӧ петіс Израильлы паныд. Сійӧ сёрнитліс тышкайӧзӧн веськӧдлысьяскӧд, кытчӧ мунны да кӧні панны тышсӧ.

Иов 5:12

Наян йӧзлысь мӧвпъяссӧ Сійӧ дзугӧ, налӧн уджъясыс оз артмыны,

Псалтыр 33:10

Полӧй Господьысь, Сылӧн вежа войтыр! Сыысь полысьяслӧн ставыс лоӧ тырмымӧн.

Шусьӧгъяс 22:12

Господь видзӧ збыльсӧ, а ылӧдчысьлысь сёрнисӧ Сійӧ бырӧдӧ.

Еремей 11:18

Менӧ мустӧмтысьяслысь лёк мӧвпъяссӧ Господь восьтіс меным. Сійӧ петкӧдліс, мый найӧ кӧсйӧны вӧчны.

Амос 3:7

Господь Ыджыдыс нинӧм оз вӧч, оз кӧ восьт гусяторсӧ Аслас кесйӧгъяслы, пророкъяслы.

Восьтӧм 1:1

Тайӧ – Исус Кристослы Енсянь восьтӧм. Тайӧн Енмыс петкӧдліс Аслас кесйӧгъяслы, мый колӧ лоны регыдъя кадӧ. Аслас андел пыр Кристос восьтіс тайӧс Аслас Иоан кесйӧглы.