Ӧксыяслӧн 4 небӧг 6:30 - Коми Библия 2023

³⁰ Аньлысь кывъяссӧ кылӧм бӧрын ӧксы косяліс ассьыс вылыс паськӧмсӧ. Ӧксы вӧлі сулалӧ карса стен вылын, и войтырыс аддзис, мый ӧксылӧн куш яй вылас вӧлі шогалан паськӧм.

Ӧксыяслӧн 4 небӧг 6:30 ပူးပေါင်းရင်းမြစ်များ

Ӧксыяслӧн 3 небӧг 21:27

Иллялысь кывъяссӧ кылӧм бӧрын Ахав [раммӧдчис Господь водзын да бӧрдӧмӧн ветлӧдліс,] косяліс ассьыс паськӧмсӧ, пасьталіс шогалан паськӧм да пондіс видзавны. Ахав ветлӧдліс юрсӧ ӧшӧдӧмӧн, весиг узьліс шогалан паськӧмнас.

Ӧксыяслӧн 4 небӧг 18:37

Ӧксы керкаӧн веськӧдлысь Эляким, Хилкилӧн пиыс, гижалысь Шевнай да вӧвлӧмторъяс пасъялысь Йоах, Асафлӧн пиыс, косялісны ассьыныс паськӧмнысӧ, мунісны Езекей дінӧ да висьталісны сылы ассурса ӧксылӧн эскана мортлысь кывъяссӧ.

Ӧксыяслӧн 4 небӧг 19:1

Кор Езекей ӧксы кыліс та йылысь, сійӧ косяліс ассьыс паськӧмсӧ. Сэсся пасьталіс шогалан паськӧм да муніс Господьлӧн крамӧ.

Ӧксыяслӧн 4 небӧг 5:7

Гижӧдсӧ лыддьӧм бӧрын израильса ӧксы косяліс ассьыс паськӧмсӧ да шуис: «Ме ӧмӧй Ен? Мортыслӧн олӧмыс да кулӧмыс ӧмӧй менам киын? Мыйла арамейяслӧн ӧксы мӧдӧдӧма тайӧ мортсӧ ме дінӧ, медым ме бурдӧді сійӧс проказаысь? Аддзанныд, сійӧ корсьӧ помка зыксьыны мекӧд».