Ӧксыяслӧн 4 небӧг 6:29 - Коми Библия 2023

²⁹ Ми пуим да сёйим менсьым пиӧс. Мӧд луннас ме шуи сылы, мый талун сэсся тэнсьыд питӧ сёям. Но сійӧ дзебис ассьыс писӧ».

Ӧксыяслӧн 4 небӧг 6:29 ပူးပေါင်းရင်းမြစ်များ

Ӧксыяслӧн 3 небӧг 3:26

Ловъя кага мамлӧн сьӧлӧмас ыпнитіс муслун пиыс дінӧ. Сійӧ шуис ӧксылы: «Ыджыдӧй, сет ловъя кагасӧ тайӧ аньыслы. Эн ви сійӧс!» А мӧд аньыс шуис: «Керыштӧй сійӧс. Мед оз ло меным ни тэныд».

Исай 49:15

Ань ӧмӧй вунӧдас ассьыс пузчужӧм кагасӧ, сійӧ ӧмӧй оз кут жалитны ассьыс чужтӧм кагасӧ? Но весиг мам кӧ вунӧдас ассьыс кагасӧ, Ме тэнӧ ог вунӧд!

Исай 66:13

Ныв-писӧ бурӧдысь мам моз Ме бурӧда тіянӧс, бурӧда тіянӧс Ерусалимын.

Бӧрданкыв 4:10

Небыд сьӧлӧма мамъяс пуисны ассьыныс челядьнысӧ, менсьым войтырӧс бырӧдан кадӧ кагаясныс лоины налы сёянӧн.

Левит 26:27

Весиг та бӧрын кӧ онӧ кутӧй кывзысьны да Меным паныд сувтанныд,

Левит 26:29

Ныв-пиныдлысь яйсӧ ті сёйны кутанныд.

Индӧд 28:52

Сійӧ муас, мый Господь, тіян Енныд, сетас тіянлы, найӧ кытшаласны тіянлысь каръяснытӧ да кисьтасны джуджыд ён стенъяснытӧ, мый вылӧ ті лачанытӧ кутанныд.

Индӧд 28:53

Кор вӧрӧгныд дзескӧдас тіянӧс да кытшалас тіянлысь каръяснытӧ, ті кутанныд сёйны Господьӧн, тіян Енмӧн, тіянлы сетӧм ныв-пиныдлысь яйсӧ.

Индӧд 28:57

оз сет налы кага чужтӧм бӧрся няйтсӧ да пузчужӧм кагасӧ, ӧд сійӧ тшыгъялігас кутас ачыс гусьӧн сёйны найӧс, кор вӧрӧгныд дзескӧдас тіянӧс да кытшалас тіянлысь каръяснытӧ.