Ӧксыяслӧн 4 небӧг 6:23 - Коми Библия 2023

²³ Арамейяслы дасьтісны ыджыд пызан. Вердӧм-юкталӧм бӧрын израильса ӧксы лэдзис найӧс асланыс ӧксы дінӧ. Та бӧрын арамейяс дугдісны усьласьны Израиль му вылӧ.

Ӧксыяслӧн 4 небӧг 6:23 ပူးပေါင်းရင်းမြစ်များ

Ӧксыяслӧн 4 небӧг 24:2

Господь мӧдӧдіс Ехоякимлы паныд калдея, арамей, моав да аммон тышкайӧзӧс, медым бырӧдны Иуда му, кыдзи висьталіс Господь Сылы кесъялысь пророкъяс пыр.

Ӧксыяслӧн 4 небӧг 5:2

Ӧтчыд, кор арамейяс уськӧдчисны Израиль вылӧ, найӧ босьтісны пленӧ израильса нывкаӧс. Сійӧ лои Нееман гӧтырлы кесйӧгӧн.

2 Каднебӧг 28:15

Сійӧ йӧзыс, кодъясӧс вӧлі индӧма тӧждысьны пленӧ босьтӧмаяс вӧсна, мунісны на дінӧ, сетісны пасьтӧмъяслы мырддьӧм эмбурысь кӧм-пась, вердісны-юкталісны найӧс да мавтісны налысь дойяссӧ. Жебмӧмаясӧс найӧ пуксьӧдісны осёлъяс вылӧ да нуӧдісны пленӧ босьтӧм йӧзӧс налӧн войтыр дінӧ Ериконӧ, мӧд ногӧн кӧ, Пальма карӧ, а асьныс бӧр бергӧдчисны Самарияӧ.

Псалтыр 46:10

Войтыръяслӧн юралысьяс чукӧртчӧны Ен войтыр дінӧ, тайӧ войтырыс кесъялӧ Ӧвраамлӧн Енлы. Мувывса став веськӧдлысьыс Енмыслӧн, Сійӧ юралӧ-ыджыдалӧ на вылын.

Матвей 5:47

Ті кӧ чолӧмаланныд-сибӧданныд сӧмын вокъяснытӧ, ті ӧмӧй бурджыка вӧчанныд? Оз ӧмӧй тадзи вӧчны тшӧтш ентӧдтӧмъяс?

Лука 6:35

Ті, мӧдарӧ, радейтӧй тіянӧс мустӧмтысьясӧс, вӧчӧй бурсӧ да водзӧсӧн сетӧй, но энӧ виччысьӧй бӧрсӧ. Сэки вичмас тіянлы ыджыд тырдон. Ті лоанныд Медвылыссалы ныв-пиӧн, ӧд Сійӧ бур сьӧлӧма бурсӧ вунӧдысьяс дінӧ да лёкъяс дінӧ.