Ӧксыяслӧн 4 небӧг 6:13 - Коми Библия 2023

¹³ «Мунӧй да тӧдмалӧй, кӧні сійӧ, – тшӧктіс ӧксы. – Ме сэсся мӧдӧда ассьым йӧзӧс босьтны сійӧс». Ӧксылы юӧртісны, Елисей пӧ Дотанын.

Ӧксыяслӧн 4 небӧг 6:13 ပူးပေါင်းရင်းမြစ်များ

Олӧм 37:17

Сійӧ вочавидзис: «Найӧ татысь мунісны. Ме кывлі налысь сёрнисӧ, найӧ кӧсйисны мунны Дотанӧ». Ӧсип муніс вокъясыс бӧрся да аддзис найӧс Дотанысь.

Ӧксыяслӧн 4 небӧг 1:9

Ӧксы мӧдӧдіс Илля дінӧ ветымын тышкамортӧс налӧн веськӧдлыськӧд. Илля пукаліс керӧс йылын, кор тышкакотырӧн веськӧдлысь кайис сы дінӧ да шуис: «Енлӧн мортӧй! Ӧксы тшӧктӧ тэныд лэччыны».

Ӧксыяслӧн 4 небӧг 6:12

Веськӧдлысьяс пӧвстысь ӧти шуис: «Некод, ӧксыӧй-ыджыдӧй. Но Израильын эм Елисей нима пророк. Сійӧ висьтавлӧ израильса ӧксылы ставсӧ, весиг сійӧ, мый йылысь тэ, ӧксыӧй, сёрнитан аслад узьлан жырйын».

Ӧксыяслӧн 4 небӧг 6:14

Ӧксы мӧдӧдіс сэтчӧ вӧла-тарантаса ыджыд тышкакотыр. Войнас найӧ локтісны да кытшалісны карсӧ.

Еремей 36:26

Ӧксы тшӧктіс аслас рӧдысь Ерахмеэллы, Азриэллӧн Серай пилы да Авдиэллӧн Шелемей пилы босьтны Барук гижалысьӧс да Еремей пророкӧс, но Господь дзебис найӧс.