Ӧксыяслӧн 4 небӧг 6:10 - Коми Библия 2023

¹⁰ Израильса ӧксы мӧдӧдліс ассьыс йӧзсӧ сійӧ местаас, мый йылысь висьтавліс Енлӧн морт. Татшӧм ногӧн Елисей унаысь ӧлӧдліс ӧксыӧс.

Ӧксыяслӧн 4 небӧг 6:10 ပူးပေါင်းရင်းမြစ်များ

Ӧксыяслӧн 3 небӧг 20:15

Ахав чукӧртіс аслас ӧксыув муясын юралысьяслысь тышкайӧзсӧ, налӧн лыдыс вӧлі кыксё комын кык морт. Сэсся арталіс-гижаліс Израиль войтырлысь тышкайӧзсӧ – налӧн лыдыс вӧлі сизим сюрс морт.

Ӧксыяслӧн 4 небӧг 13:14

Елисей чорыда висьмис, бӧрынджык тайӧ висьӧмсьыс и кувсис. Кор Елисей вӧлі висьӧ на, сы дінӧ локтіс израильса Йоас ӧксы. Сійӧ бӧрдӧмӧн шуаліс: «Батьӧй, батьӧй! Тэ – Израильлӧн лачаыс, а абу верзьӧмаяс да тарантасъяс!»

Ӧксыяслӧн 4 небӧг 2:12

А Елисей видзӧдіс да горзіс: «Батьӧй, батьӧй! Тэ – Израильлӧн лачаыс, а абу верзьӧмаяс да тарантасъяс!» Кор Илля вошис Елисейлӧн син водзысь, Елисей косяліс паськӧмсӧ кык пельӧ.

Ӧксыяслӧн 4 небӧг 5:14

Сэки Нееман муніс Йӧрдан ю дорӧ да Ен мортлӧн шуӧм серти сизимысь дзумгысьліс юас. Нееман лои сӧстӧм, сылӧн кучикыс лои кагалӧн кодь.

Ӧксыяслӧн 4 небӧг 6:11

Арамейяслысь ӧксысӧ тайӧ ёна скӧрмӧдіс. Сійӧ чукӧртіс тышкайӧзӧн веськӧдлысьяссӧ да шуис: «Висьталӧй, коді тіян пӧвстысь гусьӧн новлӧдлӧ юӧр израильса ӧксылы!»

Ӧксыяслӧн 4 небӧг 6:9

А Енлӧн морт Елисей тайӧ кадас ыстыліс юӧр израильса ӧксылы, мед сійӧ оз мун сэтчӧ, кытчӧ лӧсьӧдчӧны локны арамейяс.

2 Каднебӧг 20:20

Иосафатлӧн тышкайӧзыс чеччисны водз асывнас да мӧдӧдчисны Текоя овтӧминлань. Кор найӧ мӧдӧдчисны, Иосафат сувтіс да шуис: «Кывзӧй менӧ, Иуда войтыр да Ерусалимын олысьяс! Эскӧй Господьлы, асланыд Енлы, да лоӧй зумыдӧсь. Эскӧй Сылӧн пророкъяслы, и тіян лоӧ вермӧм».

Шусьӧгъяс 27:12

Вежӧра морт казялӧ лёксӧ да дзебсьӧ, вежӧртӧм водзӧ мунӧ да мыждӧма лоӧ.

Еремей 11:18

Менӧ мустӧмтысьяслысь лёк мӧвпъяссӧ Господь восьтіс меным. Сійӧ петкӧдліс, мый найӧ кӧсйӧны вӧчны.

Матвей 2:12

Узиганыс Ен ӧлӧдіс тӧдысьясӧс Ирӧд дінӧ бӧр мунӧмысь. Та вӧсна найӧ мӧдісны ас муаныс мӧд туйӧд.

Матвей 3:7

Уна фарисей да саддукей локтісны Иоан дінӧ пыртчыны. Иоан аддзис найӧс да шуис: «Вижля йылӧм! Коді туйдӧдіс тіянӧс пышйыны локтана скӧрлунысь?

Ап. уджъяс 27:24

Андел шуис: ”Эн пов, Павел. Тэныд ковмас на сувтны кесар водзӧ. Тэ ради Енмыс тшӧтш видзас тэкӧд кывтысьясӧс”.

Еврейяслы 11:7

Эскӧм вӧсна Нойлы вӧлі водзвыв сетӧма тӧдны аддзытӧмсӧ. Сійӧ кывзысис Енмыслысь да вӧчис ковчег, медым мездыны ассьыс гортсасӧ. Эскӧмнас сійӧ мыждіс муюгыдсӧ, эскӧм вӧсна сылы вичмис Енсянь веськыдлун.