Ӧксыяслӧн 4 небӧг 6:1 - Коми Библия 2023

¹ Пророк-велӧдчысьяс шуисны Елисейлы: «Тайӧ вежӧсас, кӧні ми ӧні олам да велӧдчам, дзескыд миянлы.

Ӧксыяслӧн 4 небӧг 6:1 ပူးပေါင်းရင်းမြစ်များ

Ӧксыяслӧн 3 небӧг 20:35

Господьлӧн тшӧктӧм серти ӧти пророк шуис мӧдлы: «Нӧйт менӧ». Но мӧдыс эз кут тайӧс вӧчны.

Ӧксыяслӧн 4 небӧг 2:15

Ериконысь локтӧм пророк-велӧдчысьяс аддзылісны, мый вӧчис Елисей, да шуисны, Иллялӧн лолыс пӧ Елисей вылын. Найӧ матыстчисны Елисей дінӧ да муӧдзыс копыртчӧмӧн

Ӧксыяслӧн 4 небӧг 2:3

Вефильын Елисейлы воча петісны сэтчӧс пророк-велӧдчысьяс да шуисны: «Тӧдан-ӧ, мый талун Господь босьтас Ас дінас тэнсьыд ыджыдтӧ?» Елисей вочавидзис: «Тӧда. Но ті чӧв олӧй!»

Ӧксыяслӧн 4 небӧг 2:5

Ериконын Елисей дінӧ матыстчисны сэтчӧс пророк-велӧдчысьяс да юалісны сылысь: «Тӧдан-ӧ, мый талун Господь босьтас Ас дінас тэнсьыд ыджыдтӧ?» Елисей вочавидзис: «Тӧда. Но ті чӧв олӧй!»

Ӧксыяслӧн 4 небӧг 2:7

Пророк-велӧдчысьяс пӧвстысь ветымынӧн мунісны на бӧрся. Кор Илля Елисейкӧд воисны Йӧрдан ю дорӧ, пророк-велӧдчысьяс сувтісны ылӧджык.

Ӧксыяслӧн 4 небӧг 4:1

Ӧти пророк-велӧдчысьлӧн гӧтырыс бӧрдӧмӧн висьталіс Елисейлы: «Менам верӧсӧй, тэнад кесйӧгыд, куліс. Тэ ачыд тӧдан, мый сійӧ оліс Господьысь полӧмӧн. А ӧні сійӧ мортыс, кодлы ми уджйӧзаӧсь, кӧсйӧ босьтны менсьым кыкнан пиӧс аслыс кесйӧг пыдди».

Ӧксыяслӧн 4 небӧг 4:38

Елисей бӧр локтіс Галгалӧ. Сэки сійӧ муас йӧзыс ёна тшыгъялісны. Ӧтчыд пророк-велӧдчысьяс пукалісны Елисей ордын. Елисей тшӧктіс аслас кесйӧглы пуктыны би вылӧ ыджыд пӧрт да пуны пророк-велӧдчысьяслы шыд.

Ӧксыяслӧн 4 небӧг 6:2

Лэдз миянлы ветлыны Йӧрдан ю дорӧ, медым пӧрӧдны кер. Сэтысь ми быдӧн ваям ӧти керйӧн да лэптам керка, медым сэні овны-велӧдчыны». «Ветлӧй», – шуис Елисей.

Иов 36:16

Сійӧ эськӧ тшӧтш тэнӧ петкӧдіс дзескыдінсьыд паськыдінӧ, кӧні топӧдӧмыс абу, и тэнад пызаныд эськӧ тыр вӧлі чӧскыд сёянӧн.

Еврейяслы 11:34

кусӧдісны яр би, видзисны асьнысӧ шыпуртысь, вынтӧммиганыс найӧ ёнмылісны, тышын вӧліны вынаӧсь, йӧз муысь воысь тышкасьысьясӧс бӧр вӧтлісны асланыс муысь,

Нав Исус 17:14

Ӧсипсянь чужысьяс шуисны Исуслы: «Мыйла тэ миянлы сетін сӧмын ӧти му юкӧн? Ми уна лыдаӧсь, ӧд Господь бурсиис миянӧс».

Нав Исус 19:47

Найӧ петісны тышӧ, уськӧдчисны Лешем кар вылӧ да виалісны шыпуртӧн сэтчӧс олысьясӧс. Найӧ босьтісны карсӧ аслыныс да овмӧдчисны сэтчӧ. Лешем карлы сетісны асланыс батьлысь Дан ним. [Аморейяс кольччисны овны Еломӧ да Саламинӧ. Но найӧс вермис Ефрем чужанкотыр, и аморейяс кутісны вот мынтӧм могысь уджавны Ефрем чужанкотырлы.]

Ӧксыяслӧн 1 небӧг 19:20

Саул мӧдӧдіс сэтчӧ кесйӧгъяссӧ, мед босьтны Давидӧс. Кор найӧ локтісны, аддзисны пророкъяслысь ыджыд чукӧр да Самуил веськӧдлысьсӧ. Найӧ ставныс пророкалісны. Сэки Енлӧн Лов лэччис Сауллӧн кесйӧгъяс вылӧ да найӧ тшӧтш кутісны пророкавны.