Ӧксыяслӧн 4 небӧг 5:23 - Коми Библия 2023

²³ «Дерт сета, – шуис Нееман. – Босьт кык талант». Нееман мырдӧн корис Гезийӧс босьтны кык талант эзысь да сӧвтіс эзысьсӧ кык мешӧкӧ. Нееман сетіс эзысьсӧ да кык вӧччан паськӧм аслас кык кесйӧглы, и ставсӧ тайӧс найӧ нуисны Гезий водзвылын.

Ӧксыяслӧн 4 небӧг 5:23 ပူးပေါင်းရင်းမြစ်များ

Олӧм 33:11

Босьт менсьым козинӧс. Енмыс меным уна сетіс, менам ставыс эм». Яков ёна корис Исавӧс босьтны козинъяссӧ, и сійӧ босьтіс.

Ӧксыяслӧн 3 небӧг 20:7

Израильса ӧксы чукӧртіс аслас муысь став юрнуӧдысьсӧ да шуис: «Аддзанныд, тайӧ мортыс кӧсйӧ миянлы лёксӧ. Кор сійӧ ыстыліс ассьыс йӧзсӧ висьтавны, мый босьтас менсьым гӧтыръясӧс, пиянӧс да эзысь-зарниӧс, ме сылы паныд эг сувт».

Ӧксыяслӧн 4 небӧг 12:10

Кор попъяс аддзылісны, мый кудъяс сьӧмыс уна нин, корлісны ӧксылысь гижалысьсӧ да аркирейӧс. Найӧ пуктывлісны сьӧмсӧ мешӧкъясӧ да веситлісны.

Ӧксыяслӧн 4 небӧг 2:17

Но пророк-велӧдчысьяс мырдӧн корисны. Елисей дӧзмис да шуис: «Мӧдӧдӧй, колӧ кӧ». Сэки мӧдӧдісны ветымын мортӧс, и найӧ мунісны да куим лун чӧж корсисны Илляӧс, но эз аддзыны.

Ӧксыяслӧн 4 небӧг 5:16

Но Елисей вочавидзис: «Ловъя Господь водзын, кодлы ме кесъяла, шуа: ог босьт». Нееман мырдӧн корис босьтны козинсӧ, но Елисей эз босьт.

Ӧксыяслӧн 4 небӧг 5:5

Арамейяслӧн ӧксы шуис Нееманлы: «Ветлы. Ме ыста тэкӧд израильса ӧксылы гижӧд». Нееман муніс. Сійӧ босьтіс аскӧдыс дас талант эзысь, квайт сюрс сикель зарни да дас вӧччан паськӧм.

Ӧксыяслӧн 4 небӧг 6:3

Ӧти пророк-велӧдчысь шуис Елисейлы: «Ми, тэнад кесйӧгъяс, кӧсъям, мед тэ тшӧтш мунін миянкӧд». «Муна», – шуис Елисей

Исай 30:6

Негев овтӧминса пемӧсъяс йылысь водзвыв висьталӧм. Шогнас да сьӧкыднас тырӧм му вывті, кӧні олӧны левъяс, гадюкаяс да лэбалысь змейяс, иудаса юралысьяс нуӧны осёлъяс вылын ассьыныс озырлунсӧ, верблюдъяс вылын – ассьыныс эмбурсӧ сійӧ войтырлы, коді оз вермы налы отсавны.

Лука 11:54

Найӧ зілисны крукыштны Исусӧс, корсисны помка мыжавны Сійӧс.