Ӧксыяслӧн 4 небӧг 5:20 - Коми Библия 2023

²⁰ Енлӧн морт Елисейлӧн Гезий кесйӧгыс мӧвпыштіс: «Сыысь, мый арамей Нееман вайліс, менам ыджыдӧй нинӧм эз босьт. Ловъя Господь водзын шуа: котӧртла Нееман бӧрся. Гашкӧ, сійӧ мыйкӧ сетас меным».

Ӧксыяслӧн 4 небӧг 5:20 ပူးပေါင်းရင်းမြစ်များ

Ӧксыяслӧн 3 небӧг 17:1

Галаад муысь Тишби карысь Илля [пророк] шуис Ахавлы: «Ловъя Господь водзын, Израильлӧн Ен водзын, ме, сылӧн кесйӧг, кыв сета: локтан воясӧ лысва войт ни зэр тусь оз усь, кытчӧдз ме ог тшӧкты».

Ӧксыяслӧн 4 небӧг 13:19

Енлӧн морт Елисей скӧрмис сы вылӧ да шуис: «Тэ кӧ вачкин вит-ӧ-квайтысь, сэки эськӧ дзикӧдз пасьвартін арамейясӧс. А ӧні сӧмын куимысь верман найӧс».

Ӧксыяслӧн 4 небӧг 4:12

Аслас Гезий кесйӧглы Елисей тшӧктіс корны шунемса аньӧс ас дінас. Кесйӧг корис аньӧс, и сійӧ локтіс да сувтіс Гезий водзӧ.

Ӧксыяслӧн 4 небӧг 4:25

Ань петіс туйӧ. Сійӧ воис Енлӧн морт дінӧ Кармил керӧс вылӧ. Енлӧн морт ылісянь аддзис аньӧс. Сійӧ шуис Гезий кесйӧгыслы: «Видзӧд, шунемса аньыд локтӧ.

Ӧксыяслӧн 4 небӧг 4:31

Гезий водзджык воис аньлӧн керкаӧ. Сійӧ пуктіс бедьсӧ зонкалы чужӧм вылас, но мӧдыс эз вӧрзьы ни шы эз лэдз. Гезий воча петіс Елисейлы да висьталіс, зонкаыд пӧ эз садьмы.

Ӧксыяслӧн 4 небӧг 4:36

Елисей корис Гезийӧс да шуис сылы: «Кор татчӧ шунемса аньӧс». Гезий корис сійӧс. Ань локтіс, и Елисей шуис сылы: «Босьт питӧ».

Ӧксыяслӧн 4 небӧг 5:16

Но Елисей вочавидзис: «Ловъя Господь водзын, кодлы ме кесъяла, шуа: ог босьт». Нееман мырдӧн корис босьтны козинсӧ, но Елисей эз босьт.

Ӧксыяслӧн 4 небӧг 5:21

Гезий котӧртіс суӧдны Нееманӧс. Нееман кор аддзис сылань котӧртысьӧс, чеччис тарантассьыс да воча петіс сылы. Нееман юаліс: «Мыйкӧ лоис?»

Ӧксыяслӧн 4 небӧг 6:31

Ӧксы шуис: «Талун кӧ оз ло керыштӧма Шафатлӧн Елисей пилысь юрсӧ, Енмыс мед чорыда мыждас менӧ».

Ӧксыяслӧн 4 небӧг 8:4

Буретш сэки ӧксы ордын вӧлі Елисейлӧн, Ен мортлӧн, Гезий кесйӧгыс. Ӧксы корис Гезийӧс висьтавны Елисейлӧн ыджыд уджъясыс йылысь.

Ӧксыяслӧн 4 небӧг 8:7

Елисей локтіс Дамаск карӧ. Арамейяслӧн Бен-Хадад ӧксы сэки вӧлі висьӧ. Ӧксылы юӧртісны, карас пӧ локтіс Енлӧн морт.

Псалтыр 10:3

Кор жугӧдӧма подувсӧ, мый вермас вӧчны веськыда олысь?

Петӧм 20:17

Эн ышты матыссаыдлӧн керкаыс да гӧтырыс вылӧ, [муыс вылӧ,] кесйӧгыс да кесйӧг аньыс вылӧ, ӧшкыс да осёлыс вылӧ [сылӧн ыж-мӧскыс вылӧ]. Эн ышты нинӧм вылӧ, мый сылӧн эм».

Петӧм 20:7

Аслад Господь Енлысь нимсӧ весьшӧрӧ эн шуав, ӧд Господь оз коль мыждытӧг сійӧс, коді весьшӧрӧ шуалӧ Сылысь нимсӧ.

Шусьӧгъяс 26:16

Дышӧдчысь чайтӧ асьсӧ мывкыдджыкӧн сизим морт дорысь, кодъяс кужӧны сюся вочавидзны.

Исай 48:1

– Кывзӧй тайӧс, Яковсянь чужысьяс! Ті шусянныд Израиль нимӧн, ті петінныд Иуда чужанкотырысь, ті кыв сетӧмӧн кӧсйысянныд Господь нимӧн, шуанныд, мый кесъяланныд Израильлӧн Енлы, но вӧчанныд тайӧс онӧ збыльысь да онӧ веськыда.

Еремей 22:17

Но тэнад синмыд да сьӧлӧмыд видзӧдӧны горшасьны, кӧсйӧны мыжтӧм мортлысь вир кисьтны, дзескӧдны да нартитны.

Аввакум 2:9

Курыд шог сылы, коді ылӧдлӧмӧн шедӧдӧ аслыс озырлунсӧ, коді лӧсьӧдӧ ассьыс позсӧ кыдз позьӧ вылӧджык, медым лёкыс эз судзӧд сійӧс.

Матвей 10:4

Кананит Симон да Искариот Иуда, Исусӧс вузалысь.

Матвей 26:9

Тайӧ выйсӧ эськӧ позис ыджыд донысь вузавны, а сьӧмсӧ гӧльяслы сетны».

Лука 12:15

Сэсся шуис ставныслы: «Видзчысьӧй горшасьӧмысь, ӧд мортыдлӧн олӧмыс абу сылӧн ыджыд озырлун сайын».

Лука 16:8

Ыджыдыс ошкыштас пӧръялысь овмӧс нуӧдысьӧс сылӧн сюсьлунысь. Тайӧ муюгыдса пияныс ас костаныс сюсьджыкӧсь югыдыслӧн пиян дорысь.

Иоан 13:2

Рытнас найӧ чукӧртчисны сёйны. Омӧльыс вӧлі ышӧдӧма нин Иудаӧс, Симон-Искариотлысь писӧ, вузавны Исусӧс.

Иоан 6:70

Исус шуис налы: «Эг ӧмӧй Ме бӧрйы тіянӧс дас кыкнаннытӧ? Но тіян пиысь ӧтиыс – сӧтана».

Ап. уджъяс 5:2

Босьтӧм сьӧмсьыс Ананий мыйтакӧ торйӧдіс аслыс, гӧтырыс тшӧтш тӧдіс та йылысь. Коляссӧ Ананий вайис апостолъяслы.

2 Тимофейлы 4:10

Димас эновтіс менӧ да муніс Фессалоникаӧ. Сылы тайӧ мувывса олӧмыс мусаджык вӧлӧма. Крискент муніс Галатӧ, Тит – Далматияӧ, ӧтнас Лука мекӧд.

Титлы 1:7

Вичкоса веськӧдлысьӧн вермӧ лоны сӧмын бур оласнога морт, ӧд сылы сетӧма вӧчны Енлысь удж. Мед сійӧ эз вӧв асныра, эз вӧв дӧзмысь, эз ю, эз усьлась мукӧд вылӧ, аслыс эз курав,

1 Петыр 5:2

видзӧй тіянлы сетӧм Енлысь йӧз чукӧрсӧ. Тӧждысьӧй на вӧсна нимкодьпырысь да Енлы шогмана ногӧн, энӧ мырдӧнпырысь. Вӧчӧй тайӧс сьӧлӧмсяньныд, а энӧ аслыныд мыйкӧ куралӧм могысь.

Ӧксыяслӧн 1 небӧг 14:39

Израильӧс мездысь ловъя Господь водзын шуа: весиг кӧ менам Ионафан пиӧй мыжа, сійӧ ловйӧн оз коль». Став йӧзыс чӧв олісны.