Ӧксыяслӧн 4 небӧг 5:16 - Коми Библия 2023

¹⁶ Но Елисей вочавидзис: «Ловъя Господь водзын, кодлы ме кесъяла, шуа: ог босьт». Нееман мырдӧн корис босьтны козинсӧ, но Елисей эз босьт.

Ӧксыяслӧн 4 небӧг 5:16 ပူးပေါင်းရင်းမြစ်များ

Ӧксыяслӧн 3 небӧг 13:8

Но Енлӧн морт шуис ӧксылы: «Тэ кӧ меным весиг ассьыд овмӧс джынтӧ сетан, ме ог мун тэкӧд. Сёйны-юны ме тані ог кут.

Ӧксыяслӧн 3 небӧг 17:1

Галаад муысь Тишби карысь Илля [пророк] шуис Ахавлы: «Ловъя Господь водзын, Израильлӧн Ен водзын, ме, сылӧн кесйӧг, кыв сета: локтан воясӧ лысва войт ни зэр тусь оз усь, кытчӧдз ме ог тшӧкты».

Ӧксыяслӧн 3 небӧг 18:15

Илля вочавидзис: «Ловъя Господь Саваоф водзын, кодлы ме кесъяла, шуа: талун ме петкӧдча Ахавлы».

Ӧксыяслӧн 4 небӧг 3:14

Елисей воча шуис: «Ловъя Господь Саваоф водзын, кодлы ме кесъяла, шуа: ме кӧ эг пыдди пукты Иосафатӧс, иудаса ӧксыӧс, ме эськӧ эг и видзӧдлы тэ вылӧ».

Ӧксыяслӧн 4 небӧг 5:20

Енлӧн морт Елисейлӧн Гезий кесйӧгыс мӧвпыштіс: «Сыысь, мый арамей Нееман вайліс, менам ыджыдӧй нинӧм эз босьт. Ловъя Господь водзын шуа: котӧртла Нееман бӧрся. Гашкӧ, сійӧ мыйкӧ сетас меным».

Ӧксыяслӧн 4 небӧг 5:26

Елисей шуис сылы: «Ме ӧд ловнам вӧлі тэкӧд, кор Нееман чеччис тарантассьыс да петіс тэныд воча. Ӧні абу сійӧ кадыс, мед босьтны эзысь, паськӧм, олив пуяс да виноград йӧръяс, ыж-мӧскӧс да кесйӧг пыдди йӧзӧс.

Даниил 5:17

Даниил вочавидзис ӧксылы: «Козинъястӧ коль ас ордад либӧ сет мукӧдлы, а гижӧмасӧ ме лыддя тэныд, ӧксыӧй, да гӧгӧрвоӧда сійӧс.

Матвей 10:8

Висьысьясӧс бурдӧдалӧй, кулӧмаясӧс ловзьӧдӧй, проказаысь сӧстӧммӧдӧй, пеж ловъясӧс вӧтлалӧй. Дон мынтытӧг босьтінныд, дон босьттӧг и сетӧй.

1 Коринфӧ 6:12

«Меным ставсӧ позьӧ», но абу ставыс бур вылӧ. «Меным ставсӧ позьӧ», но ме ог лэдз, медым мыйкӧ ыджыдаліс ме вылын.

2 Коринфӧ 12:14

Ӧні коймӧдысь нин мӧдӧдча тіян дінӧ, но ме ог кӧсйы сьӧктӧдны тіянӧс. Меным ӧд тіянсянь нинӧм оз ков, ті асьныд меным коланаӧсь. Оз ныв-пиыс чукӧртны эмбурсӧ бать-мамыслы, а мӧдарӧ, бать-мамыс – ныв-пиыслы.