Ӧксыяслӧн 4 небӧг 5:15 - Коми Библия 2023

¹⁵ Нееман аслас йӧзкӧд бӧр локтіс Енлӧн морт дінӧ, сувтіс сы водзӧ да шуис: «Ӧні ме тӧда, мый му вылас эм сӧмын ӧти Ен – тайӧ Израильлӧн Ен. Босьт месянь, аслад кесйӧгсянь, тайӧ козинсӧ».

Ӧксыяслӧн 4 небӧг 5:15 ပူးပေါင်းရင်းမြစ်များ

Олӧм 33:11

Босьт менсьым козинӧс. Енмыс меным уна сетіс, менам ставыс эм». Яков ёна корис Исавӧс босьтны козинъяссӧ, и сійӧ босьтіс.

Ӧксыяслӧн 3 небӧг 13:7

Сэсся ӧксы шуис Енлӧн мортлы: «Лок мекӧд, мунам менам гортӧ, ме тэнӧ верда-юктала, нӧшта тэныд козин сета».

Ӧксыяслӧн 3 небӧг 18:36

Рытъя вись ваян кадӧ Илля пророк матыстчис висьпуктанін дорӧ да [енэжас видзӧдӧмӧн гораа] шуис: «Господьӧй, Ӧвраамлӧн, Исааклӧн да Израильлӧн Ен! [Кыв менӧ, Господьӧй, кыв менӧ талун би пытшсянь!] Талун мед тӧдмаласны тайӧ йӧзыс, мый Тэ – Израильлӧн Ен, и мый ме – Тэнад кесйӧг. Найӧ мед аддзасны, мый ме ставсӧ вӧчи Тэнад тшӧктӧм серти.

Ӧксыяслӧн 4 небӧг 19:15

Езекей пондіс кевмысьны: «Господьӧй, Израильлӧн Енмӧй! Тэ пукалан херувимъяс вылын. Тэ – ӧти Ен, Тэ ыджыдалан став му пасьталаыс. Тэ вӧчин енэжсӧ и мусӧ.

Ӧксыяслӧн 4 небӧг 19:19

Ӧні, Господьӧй, миян Енмӧй, мезды миянӧс Сеннахирим киысь. Мувывса став войтыръяс мед тӧдмаласны, мый Тэ, Господьӧй, ӧти Ен».

Ӧксыяслӧн 4 небӧг 5:8

Кор Енлӧн морт Елисейлы кывсис, мый израильса ӧксы косялӧма ассьыс паськӧмсӧ, сійӧ мӧдӧдіс мортӧс да тшӧктіс висьтавны ӧксылы: «Мый вӧсна тэ паськӧмтӧ косялін? Сійӧ мортыс, код вӧсна тэ тадзи вӧчин, мед локтас ме дінӧ да тӧдмалас, мый Израильын эм пророк».

Исай 44:6

Господь, Израильлӧн Ӧксы да Мездысь, Господь Саваоф тадзи висьталӧ: – Ме – Медводдзаыс и Медбӧръяыс, Меысь кындзи мӧд Енмыс абу.

Исай 44:8

Энӧ полӧй да энӧ майшасьӧй! Ме ӧд важысянь нин тіянлы висьталі, водзысянь юӧрті, мый лоӧ. Ті ӧд тӧданныд, мый Ме – Енмыс. Эм-ӧ Ме кындзи мӧд Енмыс? Мӧд зумыд изйыс абу, мӧдӧс Ме ог тӧд.

Исай 45:6

медым асыввывсянь рытыввылӧдз ставныс тӧдмаласны, мый Ме кындзи мӧд Енмыс абу, Ме – Господь, и мӧдыс абу!

Даниил 2:47

Ӧксы шуис Данииллы: «Збыльысь, тіян Енныд – енъяслӧн Ен да ӧксыяслӧн Ыджыдыс. Сійӧ – гусятор Восьтысь, ӧд тэ вермин восьтны тайӧ гусяторсӧ».

Даниил 3:29

Ми мыж вӧчим, лёк вӧчим, Тэысь кежим, быдторйын мыжмим.

Даниил 4:34

Ӧні ме, Навукодоносор, ошка-нимӧда да ыдждӧдла енэжвывса Ӧксыӧс. Сылӧн уджъясыс збыльӧсь да туйясыс веськыдӧсь. Сійӧ вермӧ раммӧдны вылӧ кыпӧдчысьясӧс».

Римӧ 10:10

Сьӧлӧмнад эскӧмыд вӧчӧ веськыдӧн, вомнад висьталӧмыд – мездӧ.

2 Коринфӧ 9:5

Та вӧсна лыдди коланаӧн водзвыв мӧдӧдны тіян дінӧ вокъясӧс, медым чукӧртны кӧсйысьӧм сетӧмторнытӧ. Сэки тайӧ лоӧ ас кадӧ дасьтӧм да сьӧлӧмсянь сетӧмтор, а оз мырдӧн перйӧмтор.

Нав Исус 9:24

Найӧ шуисны Исуслы: «Миянлы, тэнад кесйӧгъяслы, юӧртісны, мый Господь, тіян Енныд, тшӧктӧма Аслас Мӧисей кесйӧглы, сетны тіянлы став тайӧ мусӧ да бырӧдны [миянӧс да] тайӧ муас олысьяссӧ. Ми ёна полім, мый ті бырӧданныд миянӧс, та вӧсна тадзи вӧчим.

Нав Исус 9:9

Найӧ вочавидзисны: «Ми, тэнад кесйӧгъяс, локтім зэв ылі муысь. Ми кывлім тіян Господь Енлӧн выныс йылысь. Кывлім, мый Сійӧ вӧчис Египетын

Ӧксыяслӧн 1 небӧг 25:27

Ыджыдӧй, тайӧ козинъяссӧ ме, тэнад кесйӧг, вайи тэныд да тэнад кесйӧгъяслы.

Ӧксыяслӧн 1 небӧг 9:7

Саул воча шуис кесйӧгыслы: «Мунам кӧ, мый ми сетам сылы? Нянь нопным куш, весиг козинтор абу, мед сетны Енлӧн мортлы. Мый миян эм?»