Ӧксыяслӧн 4 небӧг 5:12 - Коми Библия 2023

¹² Дамаскса Авана да Фарфар юяс абу ӧмӧй бурджыкӧсь израильса юяс дорысь? Ме ӧмӧй ог вермы сэні мыссьыны да сӧстӧммыны?» Скӧралігтырйи Нееман муніс сэтысь.

Ӧксыяслӧн 4 небӧг 5:12 ပူးပေါင်းရင်းမြစ်များ

Ӧксыяслӧн 4 небӧг 2:14

Сэні Елисей кучкис Иллялӧн кышаннас ваӧ да шуис: «Кӧні ӧні Господь, Иллялӧн Енмыс?» Кор Елисей кучкис ваас, юыс шӧри потіс, и Елисей вуджис юсӧ.

Ӧксыяслӧн 4 небӧг 2:8

Илля пӧрччис ассьыс кышансӧ, гартыштіс сійӧс да кучкис сыӧн ваӧ. Ваыс шӧри потіс, и найӧ вуджисны юсӧ косінті.

Ӧксыяслӧн 4 небӧг 5:11

Нееман скӧрмис да муніс шуасьӧмӧн: «Ме чайті, пророк ачыс петас ме дінӧ, кевмысяс Господьлы, аслас Енлы, нюжӧдлас кисӧ висянін весьтӧ да бурдӧдас менӧ проказаысь.

Ӧксыяслӧн 4 небӧг 5:17

«Тэ кӧ он кӧсйы нинӧм босьтны, – шуис Нееман, – сідзкӧ, лэдз меным, аслад кесйӧглы, нуны аскӧд Израильысь сы мында му, мыйта вермасны нуны кык мул. Водзӧвылӧ ме, тэнад кесйӧг, кута вайны сотан висьяс да мукӧд висьяс Господьлы, ог мукӧд енъяслы.

Шусьӧгъяс 14:17

Ӧдйӧ пузьысь уна ковтӧмсӧ вӧчӧ, лёк вӧчны мӧвпалысьӧс мустӧмтӧны.

Шусьӧгъяс 16:32

Збоялӧм дорысь бурджык терпитны, кар босьтӧм дорысь бурджык асьтӧ кутны.

Шусьӧгъяс 19:11

Мортлӧн бур вежӧрыс видзӧ сійӧс скӧрмӧмысь, ошкӧмыс лоӧ сылы, коді лёксӧ вунӧдӧ.

Сьылан 4:8

– Лок, гӧтырпуӧй, ливанса керӧссянь, лок ме дінӧ Ливансянь! Лэччы Амана керӧс йывсянь, коль Сенир да Ермон керӧсъяс, левлысь сайӧдчанінсӧ, леопардлысь оланінсӧ.

Еремей 49:23

Дамаск йылысь. – Хамат да Арпад каръясын олысьяс шӧйӧвошӧмаӧсь лёк юӧр кылӧмысь, полӧмнысла найӧ саридз моз шызьӧмаӧсь, оз вермыны лӧньнысӧ.

Закар 13:1

Сійӧ лунӧ Давид рӧдлы да Ерусалимын олысьяслы воссяс ва петанін, медым мыськавны найӧс мыжысь да пежысь.

Закар 14:8

Сійӧ лунӧ Ерусалимсянь пондас визувтны ловъя ва. Визулыс юксяс кык пельӧ: ӧтиыс визувтас асыввыв саридзӧ, мӧдыс – рытыввыв саридзӧ. Ваыс кутас визувтны тӧв и гожӧм.

Марк 1:9

Сійӧ лунъясӧ локтіс Назаретысь, галилеяса карысь, Исус. Иоан пыртіс Сійӧс Йӧрдан юын.