Ӧксыяслӧн 4 небӧг 4:27 - Коми Библия 2023

²⁷ Керӧс вылӧ Енлӧн морт дінӧ воӧм бӧрын ань уськӧдчис да шашаритчис сылы кокас. Гезий матыстчис, мед вештыны сійӧс, но Енлӧн морт шуис: «Эн вӧрӧд. Сылӧн ыджыд шог. Господь дзебис тайӧс меысь, и эз висьтав меным».

Ӧксыяслӧн 4 небӧг 4:27 ပူးပေါင်းရင်းမြစ်များ

Олӧм 18:17

Господь шуис: «Дзеба ӧмӧй Ӧвраамысь [Аслам кесйӧгысь], мый кӧсъя вӧчны?

Ӧксыяслӧн 2 небӧг 7:3

Нафан шуис ӧксылы: «Вӧч, мый тэнад сьӧлӧмыд висьталӧ. Господь тэкӧд».

Ӧксыяслӧн 4 небӧг 4:25

Ань петіс туйӧ. Сійӧ воис Енлӧн морт дінӧ Кармил керӧс вылӧ. Енлӧн морт ылісянь аддзис аньӧс. Сійӧ шуис Гезий кесйӧгыслы: «Видзӧд, шунемса аньыд локтӧ.

Ӧксыяслӧн 4 небӧг 4:26

Мун котӧрт сылы воча да юав, ставыс-ӧ сылӧн бур. Дзоньвидзаӧсь-ӧ верӧсыс да пиыс?» Ань вочавидзис кесйӧглы, мый ставыс бур.

Ӧксыяслӧн 4 небӧг 6:12

Веськӧдлысьяс пӧвстысь ӧти шуис: «Некод, ӧксыӧй-ыджыдӧй. Но Израильын эм Елисей нима пророк. Сійӧ висьтавлӧ израильса ӧксылы ставсӧ, весиг сійӧ, мый йылысь тэ, ӧксыӧй, сёрнитан аслад узьлан жырйын».

Иов 10:1

Меным зывӧк аслам олӧмӧй, норасьӧмӧс ас пытшкам ог кут, ме кута сёрнитны, ӧд дзескыд менам ловлы.

Шусьӧгъяс 14:10

Сьӧлӧмыд тӧдӧ ассьыс шогсӧ, и долыдлунсӧ мӧдкӧд оз юк.

Шусьӧгъяс 18:14

Мӧдӧс кывзытӧг вочавидзысь – вежӧртӧм, сійӧ асьсӧ янӧдӧ.

Амос 3:7

Господь Ыджыдыс нинӧм оз вӧч, оз кӧ восьт гусяторсӧ Аслас кесйӧгъяслы, пророкъяслы.

Матвей 15:23

Исус кыв эз шу аньлы. Велӧдчысьясыс матыстчисны Исус дінӧ да шуисны: «Лэдз аньсӧ, сійӧ горзӧмӧн бӧрсяньным ветлӧдлӧ».

Матвей 20:31

Йӧзыс ӧлӧдісны найӧс горзӧмысь, но найӧ ёнджыка на пондісны горзыны: «Господьӧй, Давид Пи! Ло бур сьӧлӧма!»

Матвей 28:9

Туй выланыс аньяскӧд паныдасис Исус да шуис: «Нимкодясьӧй!» Найӧ уськӧдчисны Сы водзӧ да кутчысисны кокас.

Марк 10:13

Исус дінӧ вайӧдісны челядьӧс, медым Сійӧ инмӧдчыліс на дінӧ. Велӧдчысьяс шуасисны вайӧдысьяс вылӧ.

Марк 14:6

Исус шуис: «Ӧвсьӧй сыысь! Мыйла ті шӧйӧвоштанныд аньсӧ? Сійӧ буртор вӧчис Меным.

Лука 7:38

Исуслӧн кок дорӧ копыртчӧмӧн сійӧ бӧрдіс, сылӧн синваыс визувтіс Исуслы кок вылас. Сійӧ чышкаліс Исуслысь коксӧ аслас юрсиӧн да окалігмоз мавтіс выйӧн.

Иоан 15:15

Ме ог нин шу тіянӧс кесйӧгъясӧн, ӧд кесйӧг оз тӧд, мый ыджыдыс вӧчӧ. Ме шуа тіянӧс ёртъясӧн, ӧд Ме висьталі тіянлы ставсӧ, мый кывлі Батьсянь.

Иоан 4:27

Сійӧ кадас воисны велӧдчысьясыс. Найӧ шензисны, мый Исус сёрнитӧ анькӧд. Сӧмын некод на пиысь эз юав, мыйла да мый йылысь Сійӧ сёрнитӧ анькӧд.

Ӧксыяслӧн 1 небӧг 1:10

Анналӧн сэтшӧма шогсис сьӧлӧмыс, мый сійӧ кыз синваӧн бӧрдіс-кевмысис Господьлы.